Утренник к 8 марту на аварском языке

Утренник к 8 марту учащихся 2-го класса.

1-ученик.Алиев Б.

Эбелги лъималги.

Нужер т1алабазда, бер къапич1ого,

Бице,щий йик1уней къасиги къадги?

Все- Хирияй эбел.

2-ученик.Магомедова П.

Лъица бищунго ц1акъ нуж реэдулел?

Лъица нужер кини даим к1ик1улеб?

Куч1дул ах1ун, лъица рак1гъезабулеб?

Маргьаби лъицаха нужей рицунел?

Расанк1аби лъица нужей росулел?

Все- Лъик1ай эбелалъ.

3-ученик.Абдухаликова П.

Нуж к1вах1аллъанани, к1арчамлъанани,

К1удияз малъараб алхун танани,

Балъго маг1у лъица г1одобе т1олеб?

Г1агарай эбелалъ, лъик1ай эбелалъ.

А.Майков.

4-ученик.Магомедова Ф.

Эбелалде.

Квен кьурайги мун, эбел,

Кеч1 кьурайги мун, эбел,

Квер кьурайги мун, эбел,

Бер кьурайги мун, эбел,

Их кьурайги мун, эбел,

Нух кьурайги мун, эбел,

Бакъ кьурайги мун, эбел,

Къо кьурайги мун, эбел,

5-ученик.Саидова П.

Г1умру кьурай мун, эбел,

Г1алам кьурай мун, эбел,

Хинлъи кьурай мун, эбел,

Лъик1лъи кьурай мун, эбел,

Г1адамал цоги руго,

Мун цох1о – т1ок1ай гьеч1о.

Цагияз дуца кьолеб

Рохел дие кьоларо.

Р.Х1амзатов.

6-ученик.Курбанов С.

Эбелалде.

Эбел, дида ккола киналго т1угьдул

Дур гьимиялдаса гьарун ратилин,

Гьелъ гурищ рак1 – рак1алъ г1адамазе гьел

Гьадиг1ан ракьалда рокьулел ругел.

Дур бералин ккола сардида ц1ваби,

Ц1уне лъималилан к1алъай гьабулел,

Ва амма васазул аслияб мурад

Мун ц1уни, мун ц1уни, мун ц1уни буго.

7-ученик.Абакарова М.

Щибаб их бач1ингун рорч1арал лъарал

Лъиде кеч1 ах1улеб? – Дир эбелалде,

Дицаги, как г1адин, киве щваниги,

Щурула, абула эбел, эбелан.

Кий мун йик1аниги – рик1к1ад, г1агарда

Г1умруялъ лъималгун цадахъ хут1ула.

Цере-нахъ ниж нагагь къосун кканани,

Кидаго х1адурай х1алай яч1ине.

Н.Г1исаев.

8-ученик.Абакарова Р.

Эбелалде.

Эбел, к1очонаро гьит1инаб мехалъ,

Дун къват1ахъ кват1игун, кидаго дуца

Горт1а лъун толаан бакараб чирахъ

Ва къирун толаан къач1ого каву.

Вач1унаан рукъой, кьижулаан дун,

Кьурулаан дуца г1одобе чирахъ.

Балагьулаан мун къан бугиш нуц1а,

Къулулаан т1аде сордо лъик1 васин.

Сонал ана горт1а чирахъ кенч1ана,

Дур васаз иргадал росо нахъ тана.

Квег1аб берзул маг1у кваранаб квералъ

Киг1ан г1емер балъго дуца бац1ц1араб.

9-ученик.Саадулаев Х.

Эбел, дир соназул гьал сверабазда

Дида росо цояз бицунеб буго:

Дуца рогьинег1ан г1агараб горт1а,

Г1одой кьуруларин бакараб чирахъ;

Дуца гьанжелъег1ан къирун тун ругин

Къач1ого каваби васас рагьизе;

Мун балагьун йигин к1ват1арал лъимал

Кидадай руссина гъасде.

10-ученик.Салманов А.

Дица балъго, эбел, кваранаб квералъ

Квег1аб берзул маг1у бац1ц1уна сардилъ.

Дун вач1ина духъе, вач1ина духъе,

Чирахъ г1одой кьурун кьижа, дир мискин.

Щвела дун росулъе, щвела рукъове,

Къирун тараб каву къай, дир хирияй;

Кида гьеб бук1инеб, - кват1изе гьеч1о,

Каранда рак1 лъурай, сордо лъик1, эбел.

Р.Х1амзатов.

11-ученик.Абдусаламова Н.

Эбел.

Испанияз Мадре, г1урусаз Мама,

Ингилисаз Мазе, нилъеца Эбел,

Азарго мац1алда гьаб къокъаб раг1и

Раг1ула ах1улеб цого бух1иялъ.

Абула унтулез, рортун унеца,

Эбелалъ рач1ун жал кквелел киниги.

Абула чвахулеб г1оралъ росулез,

Т1аса лъугьайилан гьарулеб г1адин.

12-ученик.Салманов Р.

Гъот1ода решт1араб т1инч1аб милъиршо,

Мун эбелин гуриш ах1делеб бугеб?

Рохьаздаса женжелеб, лъукъараб чан, мун

Дуй г1умру кьуралъухъ гуриш г1одулеб?

Ганч1азда гъоркь бугеб иццухъ г1енеккун,

Эбелан угьдилеб раг1улеб буго.

Зодосан бараб ц1ад, г1одой щварабго,

Гьебго раг1и абун уна ракьулъе.

13-ученик.Рамазанова К.

Ц1амг1алаб маг1ица, бух1араб биялъ,

Рах1ат гьеч1еб рак1алъ, кинабго черхалъ

Дицаги кидаго, киве щваниги,

Щурула , ах1ула эбел, эбелан.

Т1аса лъугьайилан, ургъел ккогеян,

Кинабго лъик1 бугин абулеб г1адин,

Испанияз Мадре, г1урусаз Мама,

Ингилисаз Мазе, нилъеца Эбел,

Азарго мац1алда цого бух1иялъ

Ах1ула къадруяб гьаб къокъаб раг1и.

Адрес публикации: https://www.prodlenka.org/metodicheskie-razrabotki/340530-utrennik-k-8-martu-na-avarskom-jazyke