Конспект урока "Кейем-Һалым. Синонимдар" в 5 классе

Тема: Кейем-һалым. Синонимдар.

Маҡсат:1. Уҡыусыларҙың яҙыу һәм һөйләү телмәрен үҫтереү, балаларҙы кейем-һалым исемдәременән таныштырыу һәм белгәндәрен иҫкә төшөрөү, ҡабатлау; яңы һүҙҙәр менән танышыу һәм үҙләштереү; Синонимдар темаһы буйынса үҙләштерелгәнде тәртипкә һалыу һәм нығытыу

2. Үҫтереүсе: уҡыусыларҙың һөйләү телмәрен, логик фекерләүҙе, хәтерҙе үҫтереү; коммуникатив мөмкинлектәрен киңәйтеү;

3. Тәрбиәүи: башҡорт милли кейеменә ыңғай ҡараш тәрбиәләү, бөхтә булырға иҫкәртеү, кейенә белеүгә юл һалыу.

Йыһазландырыу: карточкалар, һүрәттәр

Дәрес барышы:

1. Ойоштороу мәле.

Сәләмләү.

‒ Һаумыһығыҙ, балалар! Ултырығыҙ!

‒ Уҡыусылар, күреп торам, кәйефтәрегеҙ ҙә яҡшы, хәлдәрегеҙ ҙә һәйбәт. Дәресте башлап ебәрһәк тә була.

Фонетик күнегеү.

‒ Дәресте тел шымартыуҙан башлап ебәрәйек. (Шиғырҙы башта бер-ике бала уҡый, артабан хор һәм рәт менән уҡыйҙар.)

Ҡулъяулыҡты, ойоҡбашты

Мин инде йыуа беләм.

Тап таҙа итеп сайҡағас,

Тышҡа киптерергә эләм.

‒ Һеҙ нисек уйлайһығыҙ, ниндәй һүҙҙәр билдәләнгән? Ниндәй темаға ҡарай был һүҙҙәр? Ниндәй кейемдәр тураһында һүҙ бара?(Уҡыусылар яуаптарын тыңлау).

1. Төп өлөш ‒ Тимәк, бөгөнгө дәрестә нимә хаҡында һүҙ барасаҡ? (Кейем-һалым һәм синонимдар тураһында барасаҡ.). Ә бына был һүрәттәргә ҡарап, һүҙҙәрҙең тәржемәһен әйтегеҙ. Былар ниндәй һүҙҙәр?

--Нимә ул синонимдар? Тимәк, кем синонимдарҙы күп белә шуның телмәре тулы, матур, бай була.

‒ Бөгөнгө числоны һәм теманы дәфтәрҙәргә яҙып ҡуяйыҡ.

1. Слайдта кейем-һалым темаһына ҡараған, быға тиклем үткән һүҙҙәр бирелә: салбар, пинжәк, куртка, күлдәк, түбәтәй, шорты, свитер, бирсәткә, спорт костюмы, сарафан, халат, шәл, яулыҡ, итәк, топик, пальто Иҫкә төшөрәйек ниндәй кейемдәрҙең исемдәрен беләһегеҙ.

-Һүҙҙәрҙең синонимдарын табығыҙ. Слайдта Кейем, матур, тәмле, таҙа, кейем-һалым, күркәм, бөхтә, татлы, йыйнаҡ, өҫ-баш, нәфис, шәрбәтле.

2) Ә хәҙер яңы һүҙҙәрҙе иҫтә ҡалдырыр өсөн ике уҡыусы таҡтаға сыға, ә беҙ әйтербеҙ нимә улар кейгәндәр.

4.Ял минуты. Баҡсала.

‒ Хәҙер ял итеп алайыҡ.

Һары итек, һары итек

Бейеүсегә тапҡандар.

Ике йөҙөк, ҡуш беләҙек

Бейеүсегә таҡҡандар.

5.Ә кемдәр , башҡорт милли кейемдәрен күргәне бар?

Слайдта башҡорт милли кейемдәре, һүҙлек эше.

Хор менән уҡыу ( камзул, һаҡал, ситек, билбау, ҡашмау, күкрәксә)

Ҡыҙҙарға топик кейеп, кендектәрегеҙҙе күрһәтеп йөрөргә ярамай. Күҙ теймәһен өсөн беләҙек һәм билбау таҡҡандар.

-Ә кем белә яңы кейемде кейер алдынан нимә тип, әйтергә кәрәк?

Кейемем ҡотло булһын,-

Ғүмерем оҙон булһын!

6.Дәреслек менән эш.

-354- се күнегеү.

-уҡытыусы берәй һөйләмде уҡый башлай, ә кем таба-ҡулын күтәрә, шунан уҡып тәржемә итербеҙ.

-Уҡыусылар тәржемә итә.

7. Нығытыу. Таҡтала эш.

Төшөп ҡалған хәрефтәрҙе өҫтәп яҙырға

1 рәт бей. л .й 2 рәт түб. т. й 3 рәт .лән

1. Баһалау.

‒ Һеҙ нисек уйлайһығыҙ, дәрестә ҡатнашҡанығыҙ өсөн үҙегеҙгә ниндәй баһа ҡуйыр инегеҙ? Ни өсөн?

( Уҡыусылар үҙҙәренә баһа ҡуялар)

‒ Дәрестә барыһы ла әүҙем ҡатнашты. Афарин! Гел шулай актив булып ҡалығыҙ.

1. Өйгә эш биреү.

‒ Өйҙә һеҙгә бөгөн танышҡан һүҙҙәрҙе иҫтә ҡалдырырға. Синонимдар менән һүҙбәйләнештәр төҙөргә.

‒ Дәрес тамам. Һау булығыҙ!