Язлар матур хатын-кызлар белән... «Дип исемләнгән 8 март бәйрәменә багышланган сценарий»

СЦЕНАРИЙ 8 МАРТКа 

ИКЕНЧЕ ТӘНӘФЕС

1 алып баручы- Азалия

2 алып баручы- Рузаль

1 нче алып баручы - АЗАЛИЯ

 Урамда яз җилләре исә. Яз битләребезгә дә, хисләребезгә дә үзенең җылысын өрә. Яз үзенең сихри көчләре белән кешеләр күңеленә үк үтеп керә: җан, рухка ниндидер көтелмәгән куаныч иңәр төсле, бәхет-шатлыкка юл ачылыр сыман… Язлар матур, дибез. Бәлки яз хатын-кызлар бәйрәме белән матурдыр?

2 нче алып баручы- РУЗАЛЬ

Барлык гүзәл затларны чын күңелдән бәйрәм белән тәбрик итәбез!

Бәйрәмегез белән!

Гүзәл затлар, сезгә дип багышлап,
Күпме җырлар иҗат ителә
Ай-кояшка, йолдызларга тиңләп,
Моң агыла йөрәк түреннән.

Тормыш бүләк иткән аналарның
Җан җылысын тоеп туймаслык,
Сабырлыгы, изгелеге өчен,
Һәрберсенә һәйкәл куярлык.

1 нче алып баручы - АЗАЛИЯ

Биргән Ходай сезгә нечкә күңел,
Зирәк акыл, мулдан тапкырлык
Ир-ат җилкәләре сыгылырлык,
Авырлыкны җиңәр батырлык.

Бәйрәмегез белән, гүзәл затлар,
Бәхет кояшыгыз сүнмәсен
Җаннарыгыз тыныч булсын иде,
Кайгы-хәсрәт сезгә тимәсен!

2 нче алып баручы - РУЗАЛЬ

Чыннан да. нинди матур көн буген! Ничек барлыкка килгән икән соң бу бәйрәм, ...?

1 нче алып баручы - АЗАЛИЯ

Борынгы Римда хатын-кызлар көне билгеләнгән.Бу бәйрәм матрон дип аталган. Бу көнне хатын-кызлар үзләренең ирләреннән бүләкләр алганнар. Хатын-кызлар үзләренең яхшы киемнәрен киегәннәр,көндәлек эшләрдән азат ителгәннәр һәм ирләр аларга бүләкләр биргәннәр.

2алып баручы - РУЗАЛЬ

Нью-Йоркта 1857 елның 8 мартында тегү һәм аяк киеме фабрикасы эшче хатын-кызлары манифестка җыелганнар. Алар үзләренә сайлау хокукы бирүне эш шартларын яхшыртуны таләп иткәннәр. Чөнки бу вакытта хатын-кызлар 16 сәгать эшләгәндә, ирләр 10 сәгать кенә эшләгәннәр.

Һәм инде Америкадагы вакыйгалардан соң, 1910 елны Копенгагенда Клара Цеткин Халыкара хатын-кызлар көне 8 март бәйрәмен бәйрәм итү тәкъдиме белән чыга. Күп кенә кире кагулардан соң, әлеге көн бәйрәм ителә башлый.

1нче алып баручы - АЗАЛИЯ

И хатын-кыз!

Әгәр син булмасаң,

Сүнәр иде дөнья,

Булмас иде җирдә тереклек.

2алып баручы - РУЗАЛЬ

Әйе, чыннан да, тереклек булмас иде. Ә уйлап карасаң, бу тереклекне дәвам иттерүче, яшәртүче, аңа җан бирүче дә әни бит ул..Бездәге барлы яхшылыклар әнидән. Без әниләребездән эчкерсез мәхәббәткә, изгелеккә, зирәклеккә өйрәнәбез.

БИЮ ( УМЕРОВА ЛӘЙСӘН)

ӨЧЕНЧЕ ТӘНӘФЕС

1 алып баручы- ВИЛЬДАН

2 алып баручы- НАИЛӘ

ҖЫР (“Мама” ансамбль)

1 алып баручы- ВИЛЬДАН

В столь теплый день Восьмого марта

Сидим тихонько мы за партой,

Хотим цветы Вам подарить,

От всей души благодарить!

Вокруг витает пусть любовь!

Мечты приходят к вам пусть вновь!

Учитель лучший вы на свете!

Вас очень-очень любят дети!

2 нче алып баручы - НАИЛӘ

Кояш көлә, мин елмаям,
8 март бүген.
Бүген әниләр бәйрәме,
Шуңа күңелем шат минем.
Кайсын юам, кайсын җыям,
Чиста булсын, ак булсын
Әниләрнең күңеледәй
Бөтен нәрсә пакъ булсын.
Бәйрәм бүген, бәйрәм диеп,
Бар дөнья көлеп торсын
Әни бәйрәме икәнен
Әти дә белеп торсын
Әти дә көлеп торсын!

1 нче алып баручы - ВИЛЬДАН

Ай-яй кәефең яхшы икән, Наилә . Әйдә әле без синең белән укучыларны сынап карыйк, викторина уздырыйк.

2нче алып баручы - НАИЛӘ

Әйдә! Мин сораулар бирәм, ә син кем беренче җавапны әйтә , шуны тотып ал да, безнең янга чыгар.

( викторина сораулары яңгырый, 2 нче алып баручы дөрес җавап биргәннәрне алга чыгарып бер рәткә бастыра)

Яраткан кешеңнең төнлә тәрәзә каршында лирик җыры ничек атала? ( Серенада).

Хатын-кыз күлмәгенең өч классик озынлыгын әйтегез. (Мини, миди, макси).

Нинди төсләрне бутаганда яшел төс килеп чыга?(Зәңгәр, сары).

Косметиканың нинди бер өлеше безнең битләрне “кызарта”?(румяна)

Дөньядагы иң беренче хатынның исеме нинди булган? (Ева)

Әкияттәге иң кечкенә хатын-кыз персонажы. (Дюймовочка)

1нче алып баручы - ВИЛЬДАН

Менә нинди акыллы балалар укый бездә, менә мин иң акыллыларның алтысын тоттым! Ярыш уздырып алыйк әле!

2 нче алып баручы - НАИЛӘ

(кагыйдәне аңлата)

Әлеге эстафетада сез ике командага бүленеп, баш очында китап тотып, урындыкны урап алып кире килергә тиеш булачаксыз. Нинди команда беренче була- шул җиңүче.

КОНКУРС ҮТКӘРЕЛӘ

2 нче алып баручы

Афәрин!Җиңүчеләрне бүләкләр көтә.

1 алып баручы- ВИЛЬДАН

Бәйрәм белән Сезне, укытучым!

Йөрәгемнең якын кешесе!

Дөнья серен миңа өйрәтүчем!

Яшь җаннарга – Ходай илчесе!

Сезгә телим: саулык, озын гомер,

Шәхси бәхет, дөнья рәхәтен.

Шәкертләрнең – тырыш, инсафлысын,

Яхшы гамәл, Ходай рәхмәтен.

БИЮ (татар халык биюе)

ДҮРТЕНЧЕ ТӘНӘФЕС

1 нче алып баручы-ОЛЕСЯ

2 нче алып баручы- РАИЛЬ

ҖЫР (“Биргәнсең син миңа” – ансамбль)

1 нче алып баручы - ОЛЕСЯ

Хатын-кызга!

Кояш җылысы иңгәндер,
Сезнең җан түрегезгә
Бер караштан гашыйк итәр,
Наз бардыр үзегездә.
Тормышның авыр йөгенә,
Бирешмәс иңнәрегез
Күңелләрне эретерлек,
Мөләем йөзләрегез.
Бала өчен янып-көяр,
Тынычсыз йөрәгегез

2 нче алып баручы - РАИЛЬ

Гаилә учагын саклап,
Үтәдер көннәрегез.
Бәхет читләтеп үтсә дә
Учлап йөрәк ярасын
Үч итеп язмышка һаман,
Чибәр булып каласыз.
Яз бәйрәмегез шикелле,
Үтсен гомерләр гөрләп
Назларга төргән котлаулар,
Кабул итегез бездән.

КОНКУРС

2 нче алып баручы.

Әйдә әле, Олеся, яныбызга берничә кызны чакырыйк, ә алар әниләребезнең эшләрен башкарып чыга алырлар иде микән?

(ике курчак, ике пеленка, кызлар курчакны төрергә тиеш, алып баручылар җиңүчене билгеләп, приз бирәләр)

1 нче алып баручы - ОЛЕСЯ

Карале, Раиль, безнең мәктәптә күпме талант җыелган!

2 нче алып баручы - РАИЛЬ

Әлбәттә! Син әле аларның нинди актер булуларын белмисен!

СЦЕНКА

1 нче алып баручы –ОЛЕСЯ

Афәрин! Бигрәк кызык булды бу! Тик монда бит бииик зур ялгыш ята. Без әниләребезне, әбиләребезне, апаларыбызны, дусларыбызны елда бер көн генә түгел, без аларны көн саен хөрмәт итергә, шатландырырга, яратырга тиеш!

БИШЕНЧЕ ТӘНӘФЕС

1 нче алып баручы - РУЗАЛЬ

Безнең бәйрәм кичәсе тәмамланып килә инде.

Хөрмәтле хатын-кызлар! һәммәгезне дә 8 март бәйрәме белән котлыйбыз.

Бәйрәмегез котлы булсын,

Елмаеп, көлеп торсын.

Язгы кояш нурларыдай

Зур эшләргә рухландырсын.

1 нче алып баручы - РУЗАЛЬ

Сәламәтлек юлдашыгыз,

Тату матур тормышыгыз,

Күңел сөйгән хезмәтегез –

һәрбарчасы мулдан булсын.

Ә хәзер сезнең өчен ҖЫР-БИЮЛӘР дәвам итә!

Адрес публикации: https://www.prodlenka.org/metodicheskie-razrabotki/238730-jazlar-matur-hatyn-kyzlar-beln-dip-isemlng