Конспект открытого урока по родному языку

Темæ: Уалдзæджы рæсугъддæр бæрæгбон.

Рацыд æрмæг бафидар кæнын.

Урочы нысан: 1. Рацыд æрмæг бафидар кæнын;

2. монологон æмæ диалогон ныхасы рæзтыл куыст;

3. адæймаджы хорз миниуджытæ рæзын кæнын.

Урочы фæлгонц: бæрæггæнæн сыф, карточкæтæ, интерактивон фæйнæг,

магнитофон.

Урочы цыд:

Бацæттæгæнæн рæстæг:

а)Дзæнгæрæг ныццагъта,

Райдыдта урок.

Мах ирон æвзагыл

Базонæм исты ног.

æ) – Нæ абоны урочы бæрæггæнæнтæ сæвæрдзыстут уæхицæн уæхæдæг. Алкæй раз дæр ис бæрæггæнæн сыф æмæ алы куысты фæстæ æвæрдзыстут уæхицæн бæрæггæнæнтæ. Урочы кæрон та сæвæрдзыстут иумæйаг бæрæггæнæн.

а) – Цавæр афæдзы афон у ныртæккæ?

- Зæгъут – ма абоны нымæц.

- 8-æм Мартъи та цавæр бон уыдзæни?

- Стæй ма ноджы цавæр бон уыдзæни?

- Цавæр бæрæгбон?

æ) – Цæмæй ирон æвзагыл нæ бон уа раст æмæ рæсугъд арфæтæ ракæнын

бæрæгбоны фæдыл, уый тыххæй акусдзыстæм мыртимæ. Дзурут мæ

фæстæ. А –Æ , ба, бæ, бон, бæрæгбон.

Тагъддзуринаг: Бонæй бонмæ бæрæгбонмæ

Бадтæн бал бæласы бын.

- Ирон æвзаджы æппæтæй зындæр дзурынæн у мыр «хъ».

Акусæм ыл.

Хъæуæй хъазты хъæр хъуысы,

Хъæдхой хъæндилмæ хъуызы.

б) - Ныр та райсут бæрæггæнæн сыф æмæ 1-аг куыстæн – мыртыл

куыстæн сæвæрут уæхицæн бæрæггæнæн, чи куыд бакуыста,

уымæ гæсгæ.

а) -Кæд æмæ загътам уалдзæджы тыххæй, бæрæгбоны тыххæй, чи

зæгъдзæн нæ абоны урочы темæ.

æ) -Нæ темæмæ гæсгæ сбæрæг кæндзыстæм куыд бахъуыды кодтат

ног дзырдтæ æмæ сæ бафидар кæндзыстæм. Алкæмæн дæр йæ

разы ис индивидуалон карточкæ. Табуафси, бакусут ыл.

Ратæлмац кæнут дзырдтæ.

б) - Сбæрæг кæнут, уæ куыст раст конд у æви нæ æмæ сæвæрут уæхицæн

карточкæйыл бæрæггæнæн.

в) - Райсут та уæ бæрæггæнæн сыфтæ æмæ сæвæрут уæ бæрæггæнæн

2-аг куыстæн – дзырдуатон куыстæн.

а) – Ныр та дих стæм 3 къордыл. Алы къордæн дæр ис хицæн хæслæ-

вæрд.

1 къорд: саразут дзырдтæй хъуыдыйæдтæ, цæмæй уæм рауайой æмби-

сæндтæ.

2 къорд: дзырдтæй хъуыдыйæдтæ саразут æмæ сæ кæрæдзийы фæдыл

афтæ сæвæрут, цæмæй уæм рауайа текст.

3 къорд: 1 хæслæвæрд: хъуыдыйæдты къæлæтты дзырдтæ ратæлмац

кæнут æмæ сæ бакæсут.

2 хæслæвæрд: лæвæрд дзырдты ахахх кæнут уæлдай дзырд.

æ) - Сбæрæг кæнæм уæ куыстытæ.

1 къорд – кæсынц, æмбарын кæнынц æмбисæндты мидис, бæрæг

кæнынц аудиоæрмæгмæ гæсгæ.

2 къорд – кæсынц, бæрæг кæнынц интерактивон фæйнæгмæ

гæсгæ.

3 къорд – кæсынц, бæрæг кæнынц интерактивон фæйнæгмæ

гæсгæ.

- Цы сты уæлдай дзырдтæ?

б) – Райсут бæрæггæнæн сыф æмæ къордты чи куыд бакуыста уымæ

гæсгæ сæвæрут уæхицæн бæрæггæнæн 3-аг куыстæн – къордты

куыстæн.

а) – Акусæм чингуытимæ. Байхъусæм уæ аив кастмæ æмæ ма ноджы

сбæрæг кæнæм куыд зонут математикæ. ( 125-æм фарс, 13-æм

фæлтæрæн. ) Сбæрæг кæнæм интер. фæйнæгыл

æ) - Ныр та сбæрæг кæнæм уæ логикон хъуыдыдзинад. Бакæсут æмæ

дзуапп радтут 6-æм фæлтæрæны фарстайæн.

Сбæрæг кæнæм интер. фæйнæгыл

б) - Ныр та иугыццыл ахудæм. Байхъусут чысыл худæджы ныхасмæ.

Интерак. фæйнæгыл.

- Сабитæ, уæ мадæлты коммæ кæсут, цæмæй уыдонæн уа æхсызгон,

æмæ уæ рауайа æгъдауджын, уæздан адæймæгтæ.

– Сылгоймаг, нана, мад, гыцци, чызг…

Бирæ рæсугъд дзырдтæ зæгъæн ис уыдоны тыххæй. Æмæ ныртæккæ

байхъусæм Чеджемты Георы æмдзæвгæмæ «Мад».

- Цæгæраты Гиго «Мæ нана»

- Плиты Харитон « Мадмæ»

– Нæ абоны урокмæ скъоладзаутæ бацæттæ кодтой чысыл радзырдтæ сæ

мадæлты, нанаты, хоты тыххæй. Байхъусæм сæм.

( интерактивон фæйнæгыл – презентацитæ)

- Радзырдтæ æмæ къамтæ бакæндзыстæм нæ газетыл

«8-æм Мартъи».

Уый уын къласмæ бæрæгбонмæ къулыгазет.

– Нæ лæппуты ма ноджы цыдæр зæгъын фæнды. Табуафси, байхъусæм

сæм. ( диалог)

– Иугыццыл та аулæфæм. Аулæфын кæнæм нæ цæстытæ. Ракæсут

фæйнæгмæ. Нæ лæппутæ балæвар кæндзысты сæ мадæлтæн дидинджы-

тæ. Бакæсут сæм.

– Цыма иннæ скъоладзаутæ та цавæр дидинджытæ балæвар кæндзысты

сæ мадæлтæн æмæ сæ нанатæн. Ракæсут фæйнæгмæ æмæ дзуапп

радтут мæнæ афтæ: «Æз мæ мадæн балæвар кæндзынæн…» кæнæ

«Æз мæ нанайæн балæвар кæндзынæн…»

– Нæ къласы лæппутæй иуæн уыдис лæвæрд хæслæвæрд – сисын сæ ахуыргæнджытæн сæ къамтæ. Катяимæ бацæттæ кодтой газет арфæтимæ. Табуафси, байхъусут æмæ бакæсут.

– Райсут уæ бæрæггæнæн сыф æмæ сæвæрут уæхицæн бæрæггæнæн

4-æм куыстæн – иумæйаг куыстæн урочы.

– Тынг рæсугъд бæрæгбон æрхæццæ кæны. Алы бæрæгбон та фидауы

лæвæрттæй, арфæтæй, кафтæй, зардæй. Æмæ мæ фæнды цæмæй нæ урочы кæронбæттæны азарат « Мады зарæг»

- Ныр та сæвæрут уæхицæн бæрæггæнæн фæстаг куыстæн – зарæгæн.

- Æмæ ныр сæвæрут иумæйаг бæрæггæнæн æнæхъæн урокæн.

- Дзуапп радтут, цы сæвæрдтат уæхицæн æмæ цæмæн?

14. – Нæ урок кæронмæ æрхæццæ. Бузныг .

Адрес публикации: https://www.prodlenka.org/metodicheskie-razrabotki/281179-konspekt-otkrytogo-uroka-po-rodnomu-jazyku