Конспект открытого урока по осетинскому языку: «Уалдзæджы та нæм æртахтысты нæ мæргътæ»

Ирон æвзаджы гом урок

темæ:

«Уалдзæджы та нæм æртахтысты

нæ мæргътæ»

Къудухты Гульнази

МБОУ «СОШ № 2 ст . Архонская»

ахуыргæнæг.

Урочы нысан:

1.Ахуырадон хæс:Дарддæр кусын раст, тагъд æмæ аив кæсыны зонындзинæдтыл.

- Мивдисджыты ифтындзæг нырыккон æмæ суинаг афоны.

2.Ныхасы рæзтыл куыст: Сывæллæтты лексикæйы хъæздыгдзинадыл кусын. Ахуыр кæнын хибарæй хъуыды кæныныл,хатдзæгтæ кæнын æмæ хи хъуыды æргом кæнын.

3.Хъомыладон хæс: Ирон æвзагмæ уарзондзинад гуырын кæнын. Разæнгард кæнын æрдз хъахъхъæнын .

Урочы пайда гонд цæуы:4-æм къласы ирон æвзаджы ахуыргæнæн чиныгæй,компьютерæй,интерактивон фæйнæгæй.

Урочы цыд:

1.Бацæттæгæнæн рæстæг.

-Уæ бонтæ хорз сывæллæттæ.

-Алыбон æгас нæм цæут нæ зынаргъ уазджытæ.

-Абон цы бон у?

-Афæдзы афонтæй кæцы у?

-Боныхъæд абон цавæр у?

2.Фонетикон хъазт.Тахъддзуринаг.(слайд)

Мыртæй ахъазæм,мæ фæстæ дзурут.

Дзедро – дзедро – дзедзыкка, хорз лæппуйæн – еуу – дзыкка.Къупп – къупп – хъæдхой хойы, къупп – къупп – тæрс рæхойы.Цъиусур кауы сæрыл абадт, Цъиуты зард йæ хъустыл ауад.

3.Зонындзинæдты актуализаци.Мотиваци:

- Абоны урочы цæуыл дзурдзыстæм базондзыстут æмдзæвгæтæм куы байхъусат уæд.

Ног та сулӕфыди зӕхх, Быдыр ранӕй ран фацъӕх. Бӕлас акалдта сыфтӕр. Хъуысы тракторы къӕр-къӕр. Дзывылдар дӕр нӕмӕртахт, Тынг ыл бацин кодтам мах. У нӕм булӕмӕргъ дӕр уазӕг,- Уый та нӕмӕрлӕууыдуалдзӕг!

-Уæдæ абон цавæр темæйыл дзурдзыстæм?

-Уалдзæджы тыххæй !

-æмæ цавæр ивддзинæдтæ æрцæуы æрдзы уалдзæджы.

-Куыд уæм кæсы уалдзæг рæсугъд афæдзы афон у?

- Уалдзæджы рæсугъддзинад фенæн ис нывты, æмдзæвгæты.

-Цавæр æмдзæвгæтæ зонут уалдзæджы тыххæй?

Уалдзæг

Худынц фæзтæ,

Райы зæхх…

Иууыл бæстæ

Дары цъæх…

Гъе,мæ бæстаг,

Цырддæр лæуу:

Ахæм рæстæг

Сафгæ нæу. Хъаныхъуаты Руслан.

-Поэттæ кандуалдзæджы тыххæй нæ фыссынц,фæлæ ма уалдзæджы минæвæртты тыххæй.

Сывæллæттæ куыд амбарут дзырд минæвæртæ?

-Уыдоны тыххæй та нын Азæмæт бакæсдзæнис æмдзæвгæ.

ЗÆРВАТЫКК

Зæрватыкк – æнæхъыг,

Æнæмаст цæрæг!

Дæ зарæг – нæ дарæг,

Нæ уалдзæггæнæг!

Хъæлдзæгæй, æвзыгъдæй

Фæхæтай фæрнæй

Нæ хæхты, нæ бæсты,

Æлдар кæмæн нæй! Хетæгкаты Къоста

4.Текстыл куыст(слайд)

-Алкæмæн дæр йæ разы ис текст. Æз бакæсдзынæн текст,ахъуыды кæнут уалдзæджы минæвæрттæ цы сты?(целевой вопрос- уалдзæджы минæвæрттæ цы сты?)

Ралæууыдис уалдзæг. Уæлдæф фæхъарм ис.Мит атад.Бонтæ фæхъармдæр сты.Райхъал ис æрдз. Быдыртæ сæхи сфæлыстой алыхуызон рæсугъд дидинджытæй.Дидинджытæй фыццагдæр фæзыны малусæг. Хъарм бæстæй нæм æртахтысты нæ мæргътæ: зæрватыччытæ, булæмæргъ,. хърихъупп,сауцъиу. Уалдзæджы мæргътæ алы æвзæгтæй зарынц. Адæм сæ уалдзыгон куыстытæ райдыдтой.Уалдзыгон æрдз цæст рæвдауы.Куыд рæсугъд дæ, уалдзæг!

а)Беседæ тексты бындурыл:

-Уæдæ цы сты уалдзæджы минæвæрттæ?

-Раст зæгъут мæргътæ.

5.Ног дзырдтæ:

Зæрватыкк – ласточка Булæмæргъ – соловей Хърихъупп – журавль Сауцъиу – скворец

Дзырдуатмæ сæ рафыссут.

6.Релоксаци (слайд уалдзæджы ныв æмæ музыкæ мæргъты цъыбар-цъыбур баиу кæнын æмæ байхъусын)

-Афтæ дзурынц дзывылдар уалдзæджы минæвар. Куыд æй æмбарут?

-Сымах та цавæр æмбисæндтæ зонут? Хæдзармæ уын уыди æмбисæндтæ бацæттæ кæнын…

-Текст бакæсын по цепочке.

б) Тест текстмæ.

Сывæллæттæ уæ разы стъолыл ис хи аргъ кæныныны сыфтæ,æркæсут ма тестмæ.

1.Быдыртæ сæхи сфæлыстой алыхуызон: а) дыргътæй б) дидинджытæй2.Адæм сæ ….. куыстытæ кæнынц. а) уалдзыгон б) фæззыгон 3.Уалдзæджы мæргътæ алы æвзæгтæй: а) уасынц б) зарынц4.Дидинджытæй фыццагдæр фæзыны: а) уарди б) малусæг5.Уæлдæф: а) фæхъарм б) фæуазал

-Тексты ссарут мивдисджытæ æмæ сæ атасындзæг кæнут ивгъуыд æмæ суинаг афонты.(работа парами)

7.Фæлладуадзæн минут.(слайд)

8.Хæслæвæрттæ.

1.Дамгъæтæй сараз дзырдта.

Д,н,ы,д,и,т,и,дж,æ –дидинджытæ л,о,у,а,дз,ы,г,н –уалдзыгон к,з,æ,р,в,т,а,ы,к – зæрватыкк а,æ,с.г,у,м,л - малусæг

æ,ц,у,г,æ,н,о,д - цæугæдон

л,æ,г,с,у,м,а – малусæг

2.Бакæс дзырдты къордтæ æмæ сæ сараз хъуыдыйæдтæ.1.Та,уалдзæг,æрцыдис,нæм!

Æрцыди та нæм уалдзæг!

2.Райхъал,ис,фынæйæ,æрдз.

Æрдз фынæйæ райхъал ис.

3.Фестадис,дидинæг,бæстæ.

Бæстæ дидинæг фестадис.

4.Цъæх,æрдз,дарæс,йæ,скодта.

Æрдз йæ цъæх дарæс скодта.

5.Алыхуызон,зарынц,мæргътæ,хъæлæстæй.

Мæргътæ зарынц алыхуызон хъæлæстæй.

3.Дзырдтæй дзырдбæстытæ саразут.

рæсугъд

1.хъæлдзæг…

2.зараг…

3.хъарм…

4.уалдзыгон…

5.урс…

4.Дзырдбæстытимæ æрхъуыды кæнут

хъуыдыйæттæ.(работа парами)

9.Урочы хатдзæгтæ. Рефлекси

Беседæ.

-Цæуыл дзырдтам абон урочы?

-Цы баззыдтам уалдзæджы тыххæй?

-Сывæллæттæ абон тынг хорз куыстат æмæ уын стыр бузныг.

-Аргъ кæныны сывтæм æркæсын æмæ нысæнттæ сывæрын.

- Кæй куыст фæцыд абон уæ зæрдæмæ?

-Цы уæм фæкаст цымыдисаг урочы?

-Урок уæ зæрдæмæ фæцыд?

- Исчи уæ æнкъард кодта урочы?

- Равдисут ма, цавæр æнкъарæнтимæ цæут урокæй?

Перед вами смайлики с улыбочкой и без, если вам понравился урок, то поднимите улыбающийся смайлик. Не понравился, то смайлик без улыбки.

-Медæлттæ райуарын.

- Уæдæ нæ ног фембæлдмæ.

-Бæрæггæнæнтæ сæвæрын

10.Хæдзармæ куыст:

Нывмæ гæсгæ чысыл радзырд ныффыссут .

Чиныгимæ куыст ?

-Баххæст кæнын ? фæлтæрæн.

Адрес публикации: https://www.prodlenka.org/metodicheskie-razrabotki/294721-konspekt-otkrytogo-uroka-po-osetinskomu-jazyk