Мерекелік шара «Қыз еркем- қылығымен көркем»

«Қыз еркем,қылығымен көркем» мерекелік шарасы7.03.2019 ж

5 «А» сыныбы

Мерекелік кештің басты мақсаты: Нәзік жанды аруларымызға қуаныш сыйлау.Оқушылардың оларға деген ізгі ниеттерін көрсету.

Кештің көрнекілігі: ұлағатты сөздер, суреттер, шар, үнтаспа, гүл т.б.

(Көңілді әуен қосылып оқушылар сахнаға шығып, ай секілді дөңгеленіп тұрады да орталарына екі жүргізуші келіп тұрады).

Өту барысы:

1-жүргізуші: Армысыздар, аяулы аналар, құрметті ұстаздар, гүлдей құлпырған қыздар! Барлығымыз асыға күткен көктемнің алғашқы күндерімен бірге 8 наурыз Халықаралық әйелдер күні де келіп жетті. Бұл - бір қолымен бесікті, екінші қолымен әлемді тербеткен аналар мен нәзік жанды қыздар қауымының төл мерекесі.

Сенен өскен балалар,

Батырлар мен даналар.

Құттықтаймыз мейраммен,

Құрметті, жан аналар!

(Екі жүргізуші сөзін аяқтай салысымен сахна төрінде тұрған оқушылар қысқа би билейді де, сахнадан шығып кетеді).

2-жүргізуші: Құрметті аналар мен мектебіміздің ұстаздары, сыныбымыздың арулары

5 «А» сыныбының ұлдары дайындаған «Қыз еркем,қылығымен көркем» атты мерекелік шарасына қош келдіңіздер! Бүгінгі мерекелеріңіз құтты болсын! Сіздерге сарқылмайтын денсаулық, ұзақ ғұмыр тілейміз. Осы күні өздеріңізге бағытталған тілектер періштенің құлағына шалынсын. Әрдайым біздердің жанымызда жүре беріңіздер.

Ару ана өмірдің асылдары,

Жайнаған көңілімнің жасыл бағы

Сіздер үшін шырқалады ән мен би

Сіздер үшін мереке шашулары , дей отырып алдарыңызға әнші шәкіртіңізНұрмұханның орындауындағы «Қос бәйтерегім» атты әнін қол соғып қошеметтеп қарсы алыңыздар.

1-жүргізуші:

Бүгін бізде мейрам, аналарымыздың мейрамы, ал мереке құттықтаусыз болмайтыны рас. Ендеше, сынып ұлдарының құттықтау тілектерін тыңдасақ.

2-жүргізуші:

Шалқып, тасып әніміз

Жадырасын жанымыз,

Ана, сені құттықтап,

Әндетеміз бәріміз. Сыныптасымыз Нұрланның орындауындағы «Ана туралы жыр » әнін қабыл алыңыздар.

1-жүргізуші:

Пір тұтқан адамдықты, адалдықты,
Көркімен таң қалдырған тамам жұртты.
Қыздардың қылығымен өмір қызық,
Қыздардың ғұмырымен заман құтты – дегендей ортаға сынып аруларын шақырамыз.

2-жүргізуші:

Қыздар, сіздермен «Бір сөйлеммен » деп аталатын ойын ойнатсақ деп тұрмыз. Қазір қолдарыңызға бір сөз беріледі, сол сөзді пайдаланып, ата-аналармен сыныптастарңызға тілек тілеулеріңіз керек. Олай болса, ойынымызды бастайық. Сұлу да, инабатты ару қыздар тілектеріңізге рахмет. Сіздерге де тек жақсылықтар тілейміз.

1-жүргізуші:

Ал ендігі кезекте сыныптастарымыздың орындауында «Қыз бала гүл» әнін ұсынамыз.

1-жүргізуші:

Мерекеге арналады бүгін билер.

Көтерілсін, қанекей, көңіл-күйлер.

Алдарыңызда қазіргі ұлдар биі,

Таң қалдырып қанекей би билеңдер, – демекші, ендігі кезекте сынып ұлдарының флемобын қабыл алыңыздар!

2-жүргізуші: Өміріміздің әрбір сәтін есімізде сақтап қалу мүмкін емес. Десе де, фотоаппараттың көмегімен оны жүзеге асыруға болады. Назарларыңызға сынып ұлдарының дайындаған мерекелік видеоролигін ұсынамыз. Назарымызды экранға салсақ.

2-жүргізуші:

«Қыз емес қыздың аты қызыл алтын,
Көрінер толған айдай жүзі жарқын,
Үлкеннің алдын орап сөз сөйлемес,
Халқының сақтай білген ізгі салтын» - дегендей, қыздарымыз апаларының өнегелі істерін өз бойларына дарытып өссе екен дейміз. Қыздарымыз ата-бабаларымыздың ықылым заманнан келе жатқан салт-дәстүрін, әдет-ғұрып сөндірмей жалғастыратын өнерлі де ибалы боп өссе дейміз.Ару қыздарымызға рахмет айта отырып, өздеріңізге арналған мерекеліксыйлықтарымызды табыстауға рұқсат етіңіздер.

1-жүргізуші: Аналар ажалдан күштірек, жапанға бір тоқтамсыз данышпандарды, ақындарды, ерлерді тауып беретін аналар. Барлық жақсылықты себетін де аналар. Ендеше сол аналар алдында бас иелік! Мерекелік кешімізді қорытынды тілегін ата-аналарғабереміз.

2-жүргізуші:

Демеңіз біз өнерді аяп қалды,

Мезгіл де біраз жерге таяп қалды.

Қош болып тұрыңыздар көріскенше

Осымен концертіміз аяқталды.

1-жүргізуші: Ендеше, оқушылар аналарымыз бен аруларымызды сыйлап, құрметтеп жүрейікші!Келесі кездескенше аман-сау болыңыздар! 8 наурыз құтты болсын!

Адрес публикации: https://www.prodlenka.org/metodicheskie-razrabotki/355010-merekelik-shara-yz-erkemylyymen-krkem