Исем- сүз төркеме

Исем-сүз төркеме.

(татар теленнән дәрес планы 3нче сыйныф татар төркеме)

Татар теленнән дәрес планы.(3 нче сыйныф,татар төркеме)

Тема: Исем-сүз төркеме.

Максат: 1.Укучыларны предметларны белдерүче сүзләр белән таныштыру.Кем? нәрсә? сорауларына җавап бирүче сүзләрне аера белергә өйрәтү.2.Мөстәкыйль фикерләү сәләтен үстерү.3.Дуслык,татулык хисләре тәрбияләү.Бер-береңә ихтирамлы булырга өйрәтү.

Җиһазлау:дәреслек,иҗекләр язылган карточкалар,

Дәрес барышы.

I.Оештыру моменты.

-Исәнмесез!Хәерле көн сезгә!

Зиһен һәм тел ачкычлары

Телимен һәммәгезгә.

-Бүген кем дежур?

-Дәрестә кемнәр юк?- Бүген ничәнче число?

-Атнаның нинди көне?

-Татар теле дәресен башлыйбыз.

1.Кереш сүз.

-Балалар,хакыбызның бер әйтемен искә төшерик әле.

”Тел дигән дәрья бар,

Төбендә энҗе-мәрҗән бар.

Белгәннәр чумып алыр,

Белмәгәннәр коры калыр.”

Мин дә сезне, белем дәрясына чумып,андагы хәзинәне табарга чакырам.Димәк,бүген дәресебез җиңел генә булмаячак.

-Барыгыз да дәрескә әзерме?

II.Белемнәрне актуальләштерү.

1.Өй эшен тикшерү.

-әйдәгез укучылар хәзер өй эшен тикшереп алабыз.

62нче бит,144нче күнегүдә сүзләрдән кушма яки парлы сүзләр ясарга һәм алар белән 3 җөмлә төзеп язарга иде.

2.Уен.

-Ә хәзер без сезнең белән бер уен уйнап алабыз.Уенның исеме “Кем тизрәк?” дип атала.Сезгә бирегән иҗекләрдән сүзләр төзеп язарга кирәк. Кайсы парта тизрәк төгәлли? Кайсы парта күбрәк сүз төзи?

( һәр өстәлгә иҗекләр язылган бишәр карточка бирелә)

3.Тикшерү.

III.Төп өлеш.

1.Сүзләр өстендә эш. Слайд №3-8

-рәсемнәргә карап предметның исемен әйтергә кирәк.

-бу сүз нинди сорауга җавап бирә.

2.Дәрес темасын ачыклау.

-Әле генә без рәсемдә нәрсәләр күрдек?

-Предметлар.

-Алар нинди сорауга җавап бирәләр? Слайд №9

-Кем? нәрсә?

3.Кагыйдә чыгару.

-Димәк, без әйткәннәрдән чыгып,нинди кагыйдә чыгара алабыз?

-Предметларны белдереп, кем? нәрсә? сорауларына җавап биргән сүзләр исем дип атала.

-Без бүгенге дәресебездә нәкъ менә исем турында сөйләшәчәкбез дә.

-Укучылар, ә нинди сүзләргә без Бу кем? дип сорау куйдык?(укытучы)

-Кайсы сүзләргә Бу нәрсә?(песи, кош,)

Димәк,татар телендә кем? соравына бары тик кешеләрне белдергән сүзләр генә җавап бирә,ә калган барлык сүзләр нәрсә? соравына җавап бирә.

IV.Ял минуты.

V.Белемнәрне ныгыту.

1.Дәреслек белән эш.

-Ә хәзер дәреслекләрдән 146нчы күнегүне табабыз.Биремне укыйбыз.( калын хәрефләр белән бирелгән сүзләргә сораулар куеп язарга)

-Күнегүне башта телдән эшлибез.

–Дәфтәргә язабыз.

-Тагын бер кат кагыйдәне кычкырып укыйбыз.

-147нче күнегү өстендә эш.

-Ничек сорарга?

-Бирелгән сүзләргә сораулар куеп укырга.

2.Сүзлек диктанты язу. Слайд №10

-Укучылар, ә хәзер сезгә тагы да игътибарлы булырга кирәк. Без сезнең белән сүзлек диктанты язачакбыз.

-Экрандагы рәсемгә карап сүзләргә хәрефләрнең тиешлесен куеп язарга.(балалар сүзләрне дәфтәрләренә яза баралар)

-Диктантны тикшерү.(күмәк укып чыгу,хаталарны төзәтү)

VI. Йомгаклау.

-Бүгенге дәрестә без нинди тема белән таныштык?

-Исем инди сорауларга җавап бирә?

-Татар телендә нинди сүзләр кем? соравына җавап бирәләр?

VII. Өй эше бирү. 65нче бит,149нчы күнегү. Слайд №23

VIII. Билгеләр кую.

Адрес публикации: https://www.prodlenka.org/metodicheskie-razrabotki/43527-isemsz-trkeme