Урок «Бацька гарадоў беларускіх»

Тэма:Навум Гальпяровіч “Бацька гарадоў беларускіх”

Мэта:стварыць умовы для фарміравання чытацкіх уменняў

Задачы: фарміраваць чытацкія ўменні (знаходзіць у апавяданні з дапамогай выбарачнага чытання адказы на пытанні настаўніка, вызначаць персанажаў твора, аўтарскія адносіны да іх); выхоўваць цікавасць да чытання навукова-пазнавальных твораў пра гістарычнае мінулае Айчыны.

Навучальная мэта: планіруецца, што ў канцы ўрока вучні будуць умець знаходзіць у тэксце адказы на пытанні

Ход урока

І. Арганізацыйна-матывацыйны момант

Паглядзіце адзін на аднаго, усміхніцеся і пажадайце адзін аднаму поспехаў у працы.

ІІ. Праверка дамашняга задання

6–8 вучняў выразна чытаюць уголас вершПетрусяБроўкі “Дарагая Беларусь”.

ІІІ. Маўленчая размінка

Прачытайце з націскам на кожным слове.

Дарагая тая хатка, дзе радзіла мяне матка.

ІV. Паведамленне тэмы ўрока

Узнаўленне ведаў, набытых на ўроках “Чалавек і свет (“Мая Радзіма — Беларусь”)” пра Сафійскі сабор у Полацку (рубрыка “Успомніце”, с. 70).

Разважанне вучняў пра магчымы змест апавядання “Бацька гарадоў беларускіх” па загалоўку (рубрыка “Успомніце”).

Сёння мы будзем з вамі старацца размаўляць на роднай мове правільна. Дамовіліся?

V. Работа з апавяданнем Н. Гальпяровіча “Бацька гарадоў беларускіх”

а) Першасны сінтэз:

Рубрыка “Слоўнік”

Чытанне апавядання настаўнікам

Якія факты з прачытанага вам асабліва спадабаліся і запомніліся? Чаму?

Гульня “Перакладчык”

Фізкультхвілінка “Хто лепей пачуе” (выконваюць заданні з закрытымі вачыма)

б) Вызначэнне агульнага эмацыянальнага настрою апавядання (урачысты, заклічны);

в) Аналіз твора і другасны сінтэз:

- Чытанне апавядання вучнямі спачатку ўпаўголаса, потым ланцужком.

Запомніце і назавіце імёны славутых асоб, старажытныя мясціны Полацка, якія апісаныя аўтарам у творы.(Дойлід Іаан, манахіня і асветніца Еўфрасіння Полацкая, князёўна Рагнеда, князь Усяслаў Чарадзей; Сафійскі сабор, рэкі Дзвіна і Палата, Спаса-Еўфрасіннеўская царква, вал, Чырвоны мост.)

Аналітычная гутарка на падставе пытанняў і заданняў 1–6 (с. 74): выбарачнае чытанне, вызначэнне аўтарскіх адносін да сваіх персанажаў, фармуляванне тэмы і галоўнай думкі апавядання. (Паказ патрыятычных адносін празаіка да славутых людзей і мясцін малой радзімы.)

- Чаму апавяданне Навума Гальпяровіча “Бацька гарадоў беларускіх” можна назваць навукова-пазнавальным творам?У чым яно сугучна з творам Янкі Сіпакова “Любая мая Беларусь!”? Паразважайце.(Акрамя ўласных пісьменніцкіх уражанняў і эмоцый, што, безумоўна, надае мастацкасць, прысутнічае і навуковы характар. Абодва творы носяць навукова-пазнавальны, ці навукова-папулярны, характар, напоўнены канкрэтнымі гістарычнымі звесткамі з гісторыі нашай Айчыны.)

-Разгледзьце фрэску, на якой вы бачыце твар Еўфрасінні Полацкай, і рэпрадукцыю карціны Язэпа Драздовіча “Усяслаў Чарадзей пад Гародняй”. Чаму мастакі розных стагоддзяў палічылі вартым паказаць нашчадкам аблічча гэтых славутых асоб? (Напэўна, каб паказаць сучаснікам прыклад, як трэба жыць і служыць на карысць свайму народу і Радзіме.)

Фізкультхвілінка для вачэй

Адпрацоўка выразнага чытання твора па абзацах, пераход да чытання цалкам.

г) Работа ў групах:

1 група: знайдзіце ў тэксце асноўныя паняцці, з якімі мы знаёміліся на ўроку “Чалавек і свет” (князь, Полацкае княства, плямёны)

2 група: прыдумайце 3 пытанні, якія яшчэ не гучалі сёння.

3 група: складзіце схему для гэтага тэксту (у сярэдзіне Полацк, ад яго – стрэлкі:дойлід Іаан, манахіня і асветніца Еўфрасіння Полацкая, князёўна Рагнеда, князь Усяслаў Чарадзей; Сафійскі сабор, рэкі Дзвіна і Палата, Спаса-Еўфрасіннеўская царква, вал, Чырвоны мост)

4 група: пакрытыкуйце аўтара, што вам не спадабалася ў гэтым творы

5 група: пахваліце аўтара, што вам спадабалася ў гэтым творы

6 група: складзіце сінквейн

А цяпер складзем свот-аналіз.

VІ. Актуалізацыя ведаў вучняў.

- З якой мэтай, на вашу думку, такія пісьменнікі, як Навум Гальпяровіч і Янка Сіпакоў, пішуць навукова-пазнавальныя тэксты пра сваю краіну?

VІІ. Падвядзенне вынікаў урока.

• Адзнакі за работу на ўроку.

Ⅷ. Рэфлексія

ІХ. Дамашняе заданне. Падрыхтаваць выразнае чытанне апавядання. Выканаць па жаданні “Творчае заданне” на с. 74.

Адрес публикации: https://www.prodlenka.org/metodicheskie-razrabotki/626347-urok-backa-garado-belaruskih