Андроник Наталия Сергеевна
СВЯТА
ВАЛЯ: Прывітанне добрым людзям!
Я: Сёння свята для вас будзе!
ВАЛЯ: Мы ўсіх сардэчна просім,
Я: Завітаць да нас у госці.
ВАЛЯ: Увага, увага! Адкрываецца вясёлае гулянне!
Я: Дарагіх гасцей, чакае шмат падзей!
ВАЛЯ: А каб вы не сумавалі, мы будзем для вас спяваць.
Музычны нумар: Гурт "Мятліца" выконвае песні "Ехаў ясь на кані" і "Туман ярам".
ВАЛЯ (спявае):
Дзе мы едзем, дзе мы йдзем,
Свята не мінаем…
Дзе заедзем, дзе зайдзем –
Там і пагуляем!
Я: Ай, гляньце на яе, спявачка знайшлася, не смяшы ты людзей!
ВАЛЯ: Маўчы, кума, я гэта свята даўно чакала,
Я: Відаць, рабіць няма чаго?
ВАЛЯ: Рабіць! Усё рабіць ды рабіць, а адпачываць калі? Я што, не маю права на адпачынак?
Я: Маеш, маеш… іш распетушылася!
ВАЛЯ: Прыкусі, кажу, кума язык! Я вось тут цэлую праграму падрыхтавала.
Музычны нумар: Гурт "Мятліца" выконвае песні "Цячэ вада у ярок" і "Ад панядзелка да панядзелка".
Я: Ага, падрыхтавала! І калі гэта ты паспела?
ВАЛЯ: Дурная справа не хітрая. Паспела, свята ўсёж такі!
Я: І каму твая праграма патрэбна? Вось мае баранкі – іншая справа. Во, глядзі. (Крычыць) Баранкі! Каму баранкі? Свежыя! Хатнія! Каму за грошы, каму за даляры.
ВАЛЯ: За гро-о-шы, за даля-я-ры-ы… Думай, што ты гаворыш! Ты ж на свята прыйшла, а не на базар. Давай з людзьмі па-людску.
Я: Як гэта, за дарма, ці што?
ВАЛЯ: Як, як… Я ж казала табе, што праграму загатовіла.
Я: Ат… рабі што хочаш! (выходзіць).
ВАЛЯ: Во! Як кума замаўкае, тады аж душа спявае. А вы, людцы добрыя, паспявайце разам з намі.
Музычны нумар: Гурт "Мятліца" выконвае песню "У садзе гуляла".
ВАЛЯ: Людцы добрыя! Вы, куму маю не бачылі? От, гэтая кабета! Ну, ды ладна… Вы лепш, госцікі, паслухайце і паглядзіце сюды. Сёння на свята я прыпасла усяго дужа багата. Але ёсць у мяне такі тавар, які вы не знойдзеце ні на адным кірмашы. Паглядзіце і дзівіцеся!
Ну, вось, на прыклад вам, жанчынкі:
- Калі цяжка дакумекаць, пра што гэта раніцай, пасля застолля, намагаецца сказаць вам муж – у мяне ёсць выдатны слоўнік (паказвае), пры дапамозе якога вы зможаце перакласці любое мармытанне на люцкую мову.
- І яшчэ вось такая навіна для вас, жанчынкі, каб вы былі заўсёды спакойнымі, бо ўсе хваробы ад нерваў – вось вам кот Васька, які ў дні авансу і палучкі вынюхае ўсе заначкі вашага мужа.
Я (з’яўляецца): А што гэта ты тут робіш? Цікава… Ты зусім, як на базары, развела тут тары-бары! Ты ж казала, што ў нас сур’ёзная праграма. Ой! Глядзі, як раз і музыкі сюды накіроўваюцца, мабыць заспяваць хочуць!
Музычны нумар: Гурт "Мятліца" выконвае песню "Бараніся, бабка".
ВАЛЯ: Паважаныя глядачы! Пазабавілі мы вас ад душы!
Я: Але час і меру знаць, ды на развітанне пажадаць:
ВАЛЯ: Каб жылі вы, прыгажэлі. І багацце ў хаце мелі!
Я: Бяды, гора вы не зналі, чаёк з мёдам ужывалі.
ВАЛЯ: А калі вас нешта засмучае, замінае сну, перавярніцеся на другі бок і скажыце сабе…
ВАЛЯ і Я (разам): Абы здароўе!
ВАЛЯ: І ўсё ў вас будзе добра! Да новых сустрэч, да новых дзён! А вам ад нас – нізкі паклон. А на развітанне – песня.
Музычны нумар: Гурт "Мятліца" выконвае песню "Чарка на пасашок".
Чтобы оставлять комментарии, вам необходимо авторизоваться на сайте. Если у вас еще нет учетной записи на нашем сайте, предлагаем зарегистрироваться. Это займет не более 5 минут.
