Урок крымскотатарского языка в 4 классе: обобщающее занятие по теме «Золотая осень»

4 сыныф

Мевзу. Алтын кузь. Умумийлештириджи дерс.

Макъсат. Талебелерге кузь мевсимининъ дюльберлигини, берекетлигини косьтермек; табиаткъа севги, месулиетлик ашламакъ.

УУД. Универсаль окъув фаалиетлери.

Предмет нетиджелери. Талебелернинъ дикъкъатлы олмагъа ве козетюв этмекни огретмек. Табиаткъа мерагъыны юксельтмек.

Метапредмет нетиджелери. Дерсте эсас меселени чезмек. Нутукъларыны инкишаф этювни девам этмек.

Шахсиет нетиджелери. Табиат огюнде месулиет дуйгъусыны тербиелемек.

Донатма. Кузьни тасвирлеген ресимлер, языджыларнынъ сурети, къушларнынъ ресими.

Эпиграф: «Аталар сёзюнде алтын бар»

Дерснинъ кетишаты

Тешкилий къысым. Селямлашув. Субет.

-Йыл мевсимлери дегени недир?

-Шимди насыл мевсим?

-Кузь мевсимине насыл айлар кире?

-Эр айнынъ озь ады бар, оларны билесинъизми?

(-ильк кузь айы)

(-алтын кузь айы-чиллеси)

(-сонъки кузь айы).

II. Талебелернинъ бильгилерини актуаллештирюв.

Оджа. Адиле тапмаджа азырлады. Онъы дикъкъатнен динълеп, джевабыны тапынъыз.

Пишип бите мейвалар,

Сарарып сола япракълар,

Ягъа сувукъ ягъмурлар,

Учып кетелер къушлар.

(-кузьде)

Оджа. Догъру. Сейран Усеиновнынъ «Бу не вакъыт ола?» шииринден парча.

Бу мевсим даа алтын кузь деп, адлана.

-Не ичюн? Бу эпитет, чюнки кузьде энъ эсас тюс-бу сары тюстир.

-Бу ибарени насыл анълайсынъыз?

(«эллери алтын кесер»)

(-чебер эллер)

-Эль сёзюне синоним тапынъыз.

(Эль, къол)

-Кузьде даа насыл тюслер ола?

(къызыл, ешиль, къаверенкли)

«Кузь ренклери»

(оюн шекильде)

Оджа. Кечкен сенелерде кузь мевсимини огренген эдик.

(2, 3 сыныфта кечкен мевзулардан парчалар окъуй, талебелер джевабыны тапалар).

А) Тез етишти ягъмурлы кузь,

Кете дерске балалар.

Ягъмур ягъа гедже-куньдюз,

Энди сувуй авалар.

Эсернинъ ады ве муэллифи?

(О.Амит «Кузь»)

Б) Оджа. Емишлерни алгъанда

Агълар кузьде тереклер…

Балалар, ким девам этер?

(«Азырлана эр ерде

Къышлыкъ бутюн тереклер…»

(«Кузь» А. Одабаш)

В) Титислене эр бир якъ,

Сувукъ артта кунь-куньден…

Ким девам этер?

(Ю. Темиркъая «Ноябрь»

III. Раатлыкъ дакъкъасы (янъгъырай музыка), талебелер аякъкъа турып, ойнайлар.

IV. Пекитюв

Йырнынъ адыны билесинъизми?

(-Турналар)

-Нагъмесини ким язды?

(Бестекяр-Зоре Къадыева)

Дерсликнен чалышув. С. 44. Дж. Кендже «Турналар кочелер». Эр талебе шиирден бирер дёртликни окъуй.

2, 3, 4 суаллерге джевап берелер.

Оджа. Даа насыл къушлар кочелер?

(турналар, къарылгъачлар, сыгъырчыкълар)

(Къушчыкъларнынъ ресими)

-Олар не ичюн кочелер?

(-сувукътан къоркъып)

-Не вакъыт къайтаджакълар?

(-баарьде)

3. Кузьде насыл берекет ола?

А) Лугъат иши: мейва, емиш; зарзават-себзе.

Б) 2 группагъа болюнип, тахтада себзе ве емишлернинъ адыны язалар.

V. Рефлексия.

-Бугунь насыл мевзуны кечтик?

-Мевзу сизге меракълы олдымы?

-Даа не бильмек, огренмек истейсинъиз?

-Сагъ олунъыз. Бугунь дерсте эпинъиз фааль иштиракъ эттинъиз!

-Озюнъизге баа къоюнъыз.

VI. Эвге вазифе. Кузь мевзусына багъышлап, ресимлер чызынъыз.

Дерсни ишлеген:

Асанова Фатма Османовна

МБУМ 33-санлы мектебининъ къырымтатар тили ве эдебиятынынъ I категориялы оджасы

Адрес публикации: https://www.prodlenka.org/metodicheskie-razrabotki/297503-urok-krymskotatarskogo-jazyka-4-klass