Конспект ООД по теме: «Снежинки»

Конспект ООД по теме: «Кар бөртекләре».

Максат: кар бөртекләрен традицион булмаган алым белән рәсемдә чагылдыру.

Белем бирү бурычы:традицион булмаган ысул белән кар бөртеген рәсемдә ясарга өйрәтү;

Тәрбия бурычы:кышкы матурлыкка соклану хисләре уяту;

Үстерү бурычы:рәсем ясау эшчәнлеген, кар бөртегенең үзлекләрен үстерү.

Методик алымнар һәм чаралар: күзәтү, табышмак чишү, сүзле уен, әңгәмә, сорауларга җавап, рәсем ясау, бармак уены.

Җиһазлау: манный ярмасы, зәңгәр картон, трафарет, пумала, җелем, кар, курчак Алисә.

Сүзлек өстендә эш: кар бөртеге, ак, йомшак, салкын, эри.

Алдан үткәрелгәнэш: «Кар ява» сюжетлы картинасын карау; «Кар кая китте?» тәҗрибә үткәрү, урамда кар явуын күзәтү.

Кулланылган әдәбият:“Туган телдә сөйләшәбез”. Хазратова Ф.В. , “ Балалар бакчасында бердәм белем бирү эшчәнлеге” З. М. Зарипова, А.Х. Миникаева.

Эшчәнлектөзелеше:

1.Психологик җайлашу;

2. Табышмакәйтү;

3. Кар бөртеге турында әңгәмә;

(сулыш гимнастикасы)

5. Сүзле уен «Кар бөртеге кун кулга»,

6. Ял минуты «Кар бөртекләре?»;

7. Рәсем ясау тәртибен аңлату;

8. Рәсем ясау(бармак уены)

9. Йомгаклау.

Эшчәнлек барышы:

(психологик гимнастика)

Хәерле көн балалар,

Хәерле көн апалар!

Хәерле көн, күзләрем!

Хәерле көн, кулларым!

Хәерле көн, аякларым!

Хәерле көн, дусларым!

Барыгызда игътибар белән миңа карагыз әле, мин сезгә табышмак әйтәсем килә,тыңлагыз әле.

Йолдыз- йолдыз вак кына,

Ак мамык сымак кына

Өс киеменә куна,

Тәнгә тисә, су була!

–Табышмак нәрсә турында, балалар?

(Ишек шакыган тавыш ишетелә)

3. (Алисә керә)

- Ә, Алисә, исәнме! Балалар , Алисә нигәдер күңелсез күренә?

-Алисә, нәрсә булды, нигә син шундый күңелсез?

- “Уйнаргадипурамнан кар алып кергән идем, карым юкка чыкты”- ди.

-Алисә без хәзер балалар белән кар турында сөйләшеп үтәрбез, игътибар белән тыңла әле,чиләгеңдәге карың ни өчен юкка чыкканын үзеңдә аңларсың.

4.Кар бөртеге турында әңгәмә:

(тәрбияче савытта кар күрсәтә)

Балалар , бу нәрсә?(Кар бөртекләре)

Кар бөртегениндитөстәбула? (Кар бөртеге ак төстә була)

- Кар бөртеге нинди ?(Кар бөртеге йомшак була)

- Кар каян ява? (Һавадан, күктән)

- Кар күктән кая төшә? (Җиргә)

(Сулыш гимнастикасы)

Исегездәме, урамда кар бөртекләре безнең бияләләргә очып кундылар. Без аларга өргән идек. Тагын шуны кабатлыйк әле, кар бөртекләренә өреп карыйк. Тирән итеп сулыш алыйк һәм бергәләп өреп җибәрик.

5.Кар бөртеге кун кулга

Азрак ял ит син шунда

Бер карасам гел боз син

Беркарасамйолдыз син

Искитәрлек матур син

-Әкрен генә кулларыгыз белән карга кагылып карагыз әле .Кар нинди? (салкын)

–Димәк, кар бөртеге нинди? (Салкын)

-Кулыгыздагы кар юкка чыктымы?. Ә Ни өчен соң кар юкка чыкты?

(чөнки безнең кулыбыз җылы, кар эреде)

-Әйе, балалар җылыда кар эри!!! Менә Алисә аңладыңмы инде, чиләгеңдәге карың ни өчен юкка чыкканын?

Ә сезнең кар бөртекләре буласыгыз киләме?

6.Әйдәгез, балалар Алисә белән уйнап алыйк, басабыз түгәрәккә.

(музыка куела “Кар бөртекләре”)

-Кар,кар,кар ява(астан – өскә куллар бн)

Болытларнытуздыра. (өстә уңга- сулга )

-Кулларга төшепэри,(куллар алгы өлештә)

Ә яңадантуңдыра.(Туңу элементы)

Йомшак карны алабыз,(утырып куллар белән кар алабыз)

Аннан туплар ясыйбыз.

7.Балалар, Алисәнең кар бөртекләре белән бик тә уйныйсы килгән бит,

- Әйдәгез, Алисәгә тылсымлы кар бөртекләрен ясап бирик.

Балалар утыралар.(балалар белән кар бөртекләрен ясау)Музыка куела.

Миңа карыйбыз, игътибар белән тыңлыйбыз:

Ә без Алисәгә кар бөртекләрен манный ярмасы кулланып ясарбыз. Сезнең алда зәңгәр кәгазь һәм ак кәгазьдән кар бөртекләреннән трафарет .

-иң беренче трафаретны зәңгәр кәгазь өстенә куябыз;

- кар бөртеге трафаретның эчен, зәңгәр өлешен,пумалага белән җелем алып сылап чыгабыз;

-манный ярмасын сибәбез.

8. Әйдәгез хәзер эшкә тотыныйк.

-Карагыз, трафаретны куйгач, нинди матур кар бөртеге килеп чыкты. Ул нинди төстә?

- Зәңгәр төстәге кар бөртеген җелем сылап, манный ярмасы сибәбез.

- Балалар,хәзер кар бөртегенинди төскә керде?

-трафаретларны әкрен генә алып кырыйга куябыз .

Йомгаклау. Балалар, нинди матур кар бөртекләре килеп чыкты. Барыгыз да тырыштыгыз, булдырдыгыз!

Балалар,хәзер әйдәгез басыйк, бармакларны ял иттереп алыйк.

(Бармак уены)

Саумы, кояш!

Саумы,һава!

Саумы, иртә!

Саумы, йомшак җил!

Саумы, тылсымлы ил!

9.Балалар, ә хәзер шулай итеп, ясаган кар бөртекләрен күтәреп, бер- берегезгә күрсәтегез.

-Охшыймы, сезгә эшләрегез?

-Миңа бик тә охшады, ә хәзер Алисәгә бүләк итик, шөгылебез тәмам, ял итегез!

Адрес публикации: https://www.prodlenka.org/metodicheskie-razrabotki/344678-konspekt-ood-po-teme-snezhinki