Салт-дәстүрді сақтаймыз!

Әбдірахим.

Уа, ағайын халайық,

Мұнда назар салайық.

Мерекесі халықтың,

Наурыз тойын бастайық!

Айжан.

Наурыз тойым, Наурыз тойым,

Құтты болсын халайық!

Қане, достар, қане, достар,

Шырқап әнге салайы

Балауса

.Наурыз келді сан құрып,

Жасарып жаңғырып.

Құлпырды жер мен көк,

Мейрім таң күліп.

Али.

Көктем келді, балақай,

Жасарды жер, алақай.

Наурыз тойын тойлайық,

Әсем әнге сал, апай.

Анель.

Қыс өтіп, қар кетіп

Шырайлы жаз жетіп,

Шаруаның кенелген

Мейрамы ежелден –

Құтты болсын, Наурыз!

Дәукен.

Наурыз тойы – тамаша

Наурыз тойы – жаңаша.

Табиғат та тамаша,

Тамылжып тұр жараса.

Алим.Жылдың басы Наурыз,

Жердің басы Наурыз.

Мерекеге арналсын

Бүгінгі жыр- әніміз.

Бала:Сүйінші, сүйінші, сүйінші дүниеге ұл бала келді.

Жүргізуші: «Ат қою дәстүрін көрсету.

Қане балалар дүниеге ұл бала келді,ұлды болдық.Енді осы ұл балаға ат қоямыз.Кім деп қоямыз.

Балалар: «Сенің атың – Наурызбек»

(Бала үш мәрте қайталайды).

Жүргізуші:Жарайсыңдар балалар, Наурызбекке жақсы тілектер айтайық.

- Наурызбектің денсаулығы зор болсын!

- Наурызбектің өмір жасы ұзақ болсын!

- Бақытты болсын!

- Абай атадай ақын болсын!

- Құрманғазы атадай күйші болсын!

Сымбат әже:Сәлеметсіңдер ме,балалар!Мен сендерді арнайы немереме бесікке салуға шақырдым.Рахмет сендерге балалар Наурызбек деп ат қойғандарыңа.Енді Наурызбекті бесікке салайық.

Бесік жыры тұрмыс-салт жырларының көне түрінің бірі.Әлемде бесік жырын айтпайтын халық жоқ.Бесік жыры баланың сәби кезінде, яғни 1-5 жас аралығында бала жасына жағымды әуенмен айтылады.

Бесік-нәрестені бөлеуге арналған ағаш төсек.

Бесік құралдарымен таныстыру: құс төсек, жастық, жөргек, қолбау, тізебау, бесік көрпе, шүмек, түбек.Қазақта бесік-қасиетті, киелі құтты мүлік.

Бесікті аластау:Алас, алас, алас, пәледен алас,

Көзі жаманның көзінен алас,

Тілі жаманның тілінен алас.

-Қане, балалар, мен өзім баланы бесікке бөлейін.

Бесік жыры: Әлди, әлди, ақ бөпем,

Ақ бесікке жат, бөпем.

Құнан қойды сой, бөпем,

Құйрығына той, бөпем.

Әлди, әлди, бөпешім.

Ұйықтай қойшы, көкешім.

Тербетейін, жата ғой,

Тәтті ұйқыға бата ғой!

Жүргізуші:Балалар, бесік туралы қандай тыйым сөздер білесіңдер?

Балалар тыйым сөздер айтады.

Бос бесікті тербетпе.

Ел болам десең, бесігіңді түзе.

Жүргізуші: «Батырлар биі» ұлдар билейді.

Ән хормен: «Наурыз жыры»

Жүргізуші: «Арқан тарту».Балалар бұл ойын қазақтың ұлттық ойыны.Қане екі топтан қайсымыз күшті екенбіз, көрейік.

Жүргізуші:Жарайсыңдар,ал енді Наурыз туралы тақпақ айтамыз.

Жүргізуші:Балалар Наурызбегіміз үлкен ер азамат болып тәй-тәй басқалы тұр.Енді біз Нұрымның әжесін «Тұсау кесер» рәсіміне шақырамыз.Әжесі Наурызбектің тұсауын кессін.

Тұсау кесу – сәби қаз тұрғаннан кейін тез, жығылмай, сүрінбей жүріп кетсін, болашағы жарқын болсын деген тілекпен жасалатын дәстүр.Арнайы дайындалған ала жіппен баланың аяғын тұсап байлайды. Ала жіппен тұсаудың негізінде «Болашақта бала ешкімнің ала жібін аттамасын!» деген тілек бар.Жіпті қадірлі, ісі алға басып тұрған, әрі жылдам, сүрінбей жүретін адам кеседі.Бұл-бала осы адамға тартсын деген тілекпен туған рәсім.Тұсау кесуші өткір қайшымен ала жіпті кесіп жатып:

Қаз-қаз, балам, қаз, балам,

Қадам бассаң, мәз болам.

Күрмеуіңді шешейін,

Тұсауыңды кесейін,- деп жырлайды.

Тұсауыңды кесейін, - деп жырлайды. Тұсау кескен әйелге баланың әке-шешесі арнайы сыйлық береді. Тұсауы кесілген баланы екі қолынан ұстап тез жүгіртеді.

Баланың алғашқы қадамына арналған той қызу әңгімемен, ән-күймен жалғасады.

Би: «Қазақ би» қыздар билейді.

Ойын:«Қол күрес» .

Жүргізуші:

Сәулесі бар Наурызда таңғы үміттің

Басын қосқан сан адам сан ғұртың

Ұлыстың ұлы күні паш етейік.

Белгісін достықпенен мәңгіліктің.

Би: «Қара жорға»

Жүргізуші:Құрметті қонақтар Наурыз мерекесіне арналған ертеңгілігіміз осымен аяқталды.Сау болыңыздар!