Проект «Мая малая Радзіма»

А ддзел па адукацыі

Мсціслаўскага райвыканкама

Дзяржаўная ўстанова адукацыі

“Капачоўскі вучэбна – педагагічны комплекс

дзіцячы сад – сярэдняя школа”

ПРАЕКТ

“МАЯ МАЛАЯ РАДЗІМА”

ЗМЕСТ

УВОДЗІНЫ

Многія маральныя якасці чалавека закладваюцца ў дзіцячыя, школьныя гады. Любоў да роднага краю, жаданне бачыць родную вёску, родны горад, рэспубліку ўсё больш і больш квітнеючымі – усе гэтыя пачуцці ў вялікай ступені залежаць ад таго, як мы іх успрымаем у школьныя гады. Карціны роднай прыроды: рэкі і азёры, лугіі дрымучыя лясы-усё гэта ў роўнай ступені фарміруюць пачуцці да роднага краю, а цудоўныя мясцовыя легенды, казкі і песні пакідаюць вялікі след у нашай душы. Чым паўней, глыбей, ярчэй, змястоўней будуць нашы веды аб родным краі і яго людзях, тым больш дзейсна адаб'юцца яны на фарміраванні высакароднага маральнага пачуцця: цікавасці і любові да роднага краю, глыбокай павагі да патрыятычных традыцый землякоў.

Любоў да Айчыны пачынаецца з любові да сваёй малой радзімы-месца, дзе чалавек нарадзіўся. Малая радзіма і ёсць выток, пачатак, адкуль чалавек робіць першы крок у вялікі свет. З роднага кутка зямліі пачынаецца наша Беларусь, грамадзянамі якой мы з'яўляемся. Народная мудрасць тлумачыць: не ведаючы мінулага, не зразумееш і сучаснасці. Многія з нас не ведаюць радавод сваёй сям'і і далей трэцяга пакалення ў сваім родзе нікога не памятаюць. Забываюць імёны і імя па бацьку сваіх бабуль, дзядуляў. Дрэнна ўяўляем жыццё нашых продкаў і нават роднай вёскі, у якой нарадзіліся і жывём.

Мэта нашай працы :

- стварэнне ўмоў для сацыялізацыі першакласнікаў, фарміравання патрыятызму.

Усе ўдзельнікі праекта (1 класа) жывуць у двух розных населеных пунктах. Таму ў паняцце "малая радзіма" мы ўключылі ўсе населеныя пункты, у якіх жывуць нашы дзеткі, а менавіта: аграгарадок Капачы, аграгарадок Басценавічы.

Для дасягнення пастаўленай мэты мы разглядаем пытанні, звязаныя з рашэннем такіх задач, як:

- вывучыць прыроду роднага краю,

- высветліць асаблівасці развіцця гісторыі роднага краю,

- сабраць матэрыял аб малой радзіме (ілюстрацыі, фатаграфіі, тэксты і т. д.),

- выкарыстаць сабраны матэрыял у час правядзення мерапрыемства “Куточак Беларусі”,

- навучыцца супрацоўнічаць з аднакласнікамі і бацькамі.

МЕТАДЫЧНЫ ПАШПАРТ ПРАЕКТА

АСНОЎНЫЯ ЭТАПЫ РАБОТЫ НАД ПРАЕКТАМ

1.Арганізацыйны этап (верасень):

- фарміраванне груп і размеркаванне абавязкаў,

- складанне плана работы,

- знаёмства з тэмай праекта " Мая малая радзіма ",

- фарміраванне груп па месцы жыхарства:

1 група- аграгарадок Басценавічы

2 група- аграгарадок Капачы.

Пасля гэтага мы план працы склалі пад кіраўніцтвам настаўніка. Вызначылі тэрміны выканання праекта.

Першая група была падзелена на чатыры падгрупы, якія аб’ядналі навучэнцаў па актыўнасці і напрамку дзейнасці:

1 падгрупа збірала інфармацыю пра гісторыю " малой радзімы”,

2 падгрупа збірала інфармацыю аб памятных месцах, знакамітых людзях,

3 падгрупа збірала матэрыял аб прыродзе нашай малой радзімы, рабіла фатаграфіі, збіралі ілюстрацыі,

4 падгрупа збірала інфармацыю аб нашай школе.

Падключылі да працы групу зацікаўленых бацькоў, якія гатовыя працаваць разам з намі па праекце.

2.Падрыхтоўчы этап (верасень)

Пошукавая праца

Самастойная пошукавая работа вучняў усяго класа. Наведалі вясковую бібліятэку з мэтай азнаямлення з літаратурай па дадзенай тэме. Разам з настаўнікам схадзілі на экскурсію ў Сельскі Савет, дзе нам дапамаглі знайсці патрэбную інфармацыю. З дапамогай бацькоў шукалі матэрыял у сетцы Інтэрнэт і розных іншых крыніцах. Праводзілі інтэрв’ю з членамі сваёй сям'і.

Хутчэй за ўсіх удзельнікі праекта сабралі інфармацыю аб прыродзе, зрабілі фатаграфіі нашага роднага краю. Дзеці гэтай падгрупы сталі дапамагаць іншым удзельнікам праектах у знаходжанні матэрыялу пра жыццё выдатных людзей нашага краю, аб вытворчасці нашага краю. Да канца верасня ўвесь матэрыял быў сабраны.

3.Этап рэалізацыі (кастрычнік)

Апрацоўка сабранага матэрыялу

4.Заключны этап ( кастрычнік)

У канцы кастрычніка ў нас прайшло прамежкавае абмеркаванне па сабранаму матэрыялу. Быў распрацаваны сцэнарый і праведзена класная гадзіна “Куточак Беларусі”.

ЗАКЛЮЧЭННЕ

Праект "Мая Малая радзіма" ствараўся амаль два месяцы. У выніку можна сказаць, што дасягнуты ўсе задачы, якія мы ставілі. Усе этапы былі выкананы па плане і ў названыя тэрміны.Было праведена выдатнае мерапрыества “Куточак Беларусі”. Удзельнікі праекта не толькі глыбока пазнаёміліся, але і высветлілі асаблівасці прыроды і гісторыі роднага краю, зразумелі, што з малога складваецца вялікае – наш аграгарадок частка вялікай рэспублікі, якая называецца Беларусь. Мы навучыліся працаваць у камандзе, прымаць на сябе розныя ролі і абавязкі. Мы навучыліся супрацоўнічаць з бацькамі. Зразумелі ролю назіранняў, досведаў, кніг і іншых крыніц інфармацыі ў пазнанні навакольнага свету. Мы навучыліся выкарыстоўваць набытыя веды і ўменні ў практычнай дзейнасці і паўсядзённым жыцці, задавальняць пазнавальныя інтарэсы, шукаць дадатковую інфармацыю аб родным краі, краіне. Увесь сабраны матэрыял мы хочам размясціць у невялікай кнізе “Мая малая радзіма”.

Адрес публикации: https://www.prodlenka.org/metodicheskie-razrabotki/358541-proekt-maja-malaja-radzima