Сценарий новогоднего спектакля

Саҥа Дьыллааҕы инсценировка

Белоснежка уонна сэттэ гном .

Оруолларга оонньууллар:

1 сыана

Автор: Арай биирдэ Белоснежка диэн кыыс, Маачахатын - Королеваны кытта дыбарыаска олобуттар. Кыыһырымтаҕай Королева Белоснежканы миигиттэн кыраһыабай буолуо диэн олус сөбүлээбэтэ. Ол иһин Белоснежканы куһаган илдьирийбит танаһынан таҥыннарар, дьиэ ис-тас үлэтин үлэлэтэр эбит.

Сыл-хонук ааһан иһэр, ол курдук күн аайы Королева аптаах сиэркэлэтиттэн ыйытар.

Королева: Сири дойдуну көрөр, дьон сирэйдэригэр тойон, кэл эрэ манна. Эт эрэ миэхэ, ким саамай кыраһыабайый бу Аан дойдуга?

Сиэркилэ: Эн саамай кыраһыабайгын, ол эрээри Аан дойдуга эйигиннээҕэр 100 төгүл кыраһыабай кыыс баар.

Королева: Ха-ха-ха! Кимий ол? Киниэхэ куһаҕан, этэ тат кимин, түргэнник!

Сиэркилэ: Ол кыыс уоһа кып-кыһыл роза сибэкки курдук, баттаҕа хап-хара солко курдук, дьүһүнэ мап-маҥан хаар курдук.

Королева: Оо-ааа-аа! Белоснежка! Ммм…(кыыһырар)

2 сыана

Автор: Белоснежка садка хаама сылдьар үҥкүүлүүр, ыллыыр. Принцы көрсө түһэр. (иккиэн үҥкүүлүүллэр). (Принц уонна Белоснежка тахсаллар) Ону үөһэттэн Королева көрөр уонна көмөлөһөөччүтүн ыҥырар. Киниэхэ маннык бирикээс биэрэр:

Королева: Сип-сибилигин, Белоснежканы тыаҕа таһаар уонна бу дойдуттан суох оҥор. Миэхэ, дакаастабылгын, сурэҕин аҕалаар.

Автор:(Королева кыыһырбыт харахтарынан көрөр). Көмөлөһөөччү олус куттанар, сөбүлэһэр.

Көмөлөһөөччү: Сөп-сөп, Королева хотунуом, Эн эппиккин барытын толоруом.

Автор:Белоснежка уонна Көмөлөһөөччү тыаҕа хаама сылдьаллар. Эмискэ Көмөлөһөөччү Белоснежка кэннигэр кэлэр уонна быһаҕын хостоон иһэн тохтуур, кыыһы аһынар.

Көмөлөһөөччү: Суох-суох, илиим барбат. Мин эйиигин өлөрүөхпүн баҕарбаппын! Куот тыаҕа уонна хаһан да манна төннүмэ!

Белоснежка: Туох буоллуҥ? Тоҕо миигин өлөрө сатаатыҥ?

Көмөлөһөөччү: Мин буолбатах! Ити, ити…

Белоснежка: Оччоҕо ким?

Көмөлөһөөччү:Королева эйиигин күнүүлүүр! Куот тыаҕа уонна кэлимэ дьиэҕэр! Сүүр! Куот! САС!

3 сыана

Автор: Белоснежка куотар, сүүрэр. Куттанар тыаҕа мунан хаалар, ытыыр. Арай көрбүтэ, тыа ортотугар, кып-кырачаан Дьиэ турар эбит. Ол дьиэҕэ тиийэн, тоҥсуйар да ким да эппиэттээбэт, киирэр. Арай көрбүтэ ып-ыһыллаҕас дьиэ эбит.

Белоснежка: Наһаа да ыһыллаҕас дьиэ. Барыта быыл, уай! Дьиэни хомуйар эбиппин.

Автор: Белоснежка үлэлээн олус сылайан утуйан хаалар. (Гномнар ыллыы – ыллыы киирэллэр. Шахтаҕа алмаастары хомуйаллар) Чаһы тыаһыыр:

Бары гномнар: Эйхо. Һуу! Үлэ күнэ бүттэ, дьиэбитигэр барыахха! (ыллы-ыллыы дьиэлэригэр бараллар) Арай көрбүттэрэ Дьиэлэрэ уоттаах.

Умник: (Тохтуур) Дьиэ уоттаах дии. Хайа, хайдах-хайдаҕый?

Скромник: Ааммыт аһаҕас, һмм?

Весельчак: Оһохпут оттуллубут......

Чихун: Уааай! Эс абааһылар дьи ити!

Соня: Ааа-аа! Эбэтэр Иччилэр!

Простак: Истиҥ эрэ! Мин этэрбин ити драконнар биһиги дьиэбитин былдьаабыттар..

Ворчун: Саныаххыт ээ миигин, алдьархай буолар буолла! Эппитим дьи, ол иьин сарсыардаттан тобугум ыалдьар диэн. Сэрэйдэҕим дьи!

Бары Гномнар: Уой-ой-ой-ой! Тугу гынабыт, хайдах буолабыт?

Умник: Кэнниттэн тийиэххэ, уу чумпутук (атахтарын төбөтүнэн хааманнар дьиэлэригэр тийэллэр, киирэллэр). Арай муоста тыаһыыр бары соһуйаллар.

Бары: Чшш-шш!

Умник: Көрүҥ, муостабыт ып-ыпраас!

Ворчун: Быылы быллаабыттар…

Весельчак: Түннүктэрбитин эмиэ сууйбуттар…

Скромник : Ооҕуй оҕус уйата сүппүт.

Умник: Ып-ыраас дии дьиэбит…

Ворчун: Мээнэҕэ ыраас буолбатаҕа буолуо, туох эрэ дьикти.

Чихун : Апчхиии, иһиппитин уорбуттар!

Весельчак: Уорбатахтар, ыскаапка сууйан уурбуттар

Скромник: Чааскыбын сууйбуттар, саахарым аны суох.

Весельчак: Хайа, бу туох эрэ буһа турар.

Простак. Мм-даа, да! (төбөтүнэн тоҥхойор)

Ворчун: Тыытымаҥ, дьаат астана турара буолуо!

Умник: Остуол тардыллыбыт дии… (үөрэр)

Скромник: Көрүҥ кэрэ да сибэкки! (Чихунна биэрэр. Онуоха Чихун ытырдар бары охтон түһэллэр)

Ворчун: Айдаарымаҥ! (Хоско барарга сананаллар. Простагы ыыталлар. Простак куттана- куттана хоско барар)

Умник:Куттаныма биһиги эйигинниин баарбыт, давай! (Простак Белоснежканы көрөн куттанан сүүрэн тахсар, атыттар хаһыыны истэн, эмиэ сүүрэллэр. Дьэ уонна бары хоско киирэргэ сананаллар).

Умник: Хайа, кыыс дии!

Скромник: Уаа наһаа кыраһыабай дии!

Ворчун: Суох-суох кыыстан алдьархай эрэ буолар! Ол чахчы!

4 сыана

(Белоснежка уһуктан кэлэр, соһуйар)

Белоснежка: Уай кыра дьоннор! Ааткытын таайан көрөбүн дуо? Эн Умниккын, онтон эн Скромниккын, Соня, Чихун…

Весельчак: Мин Весельчакпын, онтон бу Простак кини санарбат. (Белоснежка үөрэр).

Белоснежка: Ууу, онтон эн арааһата Ворчунҥун быһылаах.

Ворчун: Эн биһигини билэгин? Онтон эн кимҥиний?

Умник: Кырдьык даганы эн кимҥиний?

Белоснежка:Уай, мин аатым Белоснежка.

Бары: Принцесса да?

Белоснежка: Аһа

Ворчун:Чэ билистибит, табаарыс принцесса, аны дьиэҕэр бар!

Белоснежка:Үүрүмэҥ миигин, баһаалыста, көрдөһөбүн! Дьиэбэр тиийдэхпинэ миигин өлөрүөхтэрэ. Мм-мм-ммм.

Бары: Ким?

Бел: Маачахам, Королева. Мм-ммм

Бары: Королева даа?

Скромник: Куһаҕан да санаалаах эбит дьи.

Чихун: Аапчхиии, куһаҕан да Королева эбит дьи.

Ворчун: Өйдүөххүт миигин, кини эйиигин син-биир булуоҕа!

Белоснежка: Кини мин ханна баарбын билбэт ээ.

Ворчун: Ээс ити эн эрэ инник саныыгын, кини билбэтэҕэ суох. Кини туох баҕар буолуон сөп, оннооҕор көстүбэт да буолуон сөп. Эбэтэр кини биһиги икки ардыбытыгар баара буолуо билигин. Эппэтэҕэ диэмээриҥ!!!

Белоснежка: Баһаалыста, көрдөһөбүн хаалларын миигин, мин эһиэхэ ас астыам, дьиэҕитин-уоккутун көрүөм!

Быры Гномнар: Хаал-хаал, биһиэхэ. Эйиигин биһиги кыра балыс оҥостуохпут.

5 сыана

Автор: Ити бириэмэҕэ дыбарыаска

Королева: Аптаах сиэркилэ, эт эрэ миэхэ ким саамай кыраһыабайый бу Аан дойдуга?

Сиэркилэ: Анараа хайалар, үрэхтэр диэки сэттэ гномнарга олорор Белоснежка саамай кыраһыабай бу Аан дойдуга!

Королева:Ха-ха-ха!Белоснежка суох, өлбүтэ!

Сиэркилэ: Суох, Белоснежка тыыннаах, самаай кыраһыабай кини. Онтон эн дыбарыаскар эрэ…

Королева: Суох-суох-суох! Албынчык, өссө көр эрэ кинини, албыннабыт буола-буола. Бэйэм тиийиэм гномнарга уонна, уонна…Таак, туох аптаах утах баарый? Кыраһыабайы куһаҕан оҥорорго. Так, так, так. Ьок бу баар. (Дьаат астыыр) Кырдьаҕас эмээхсин буолан хаалар.

Королева: Ха-ха-ха ким да билиэ суоҕа миигин. Хайдах Белоснежканы суох онорорбун, Ха! Дьааттаах дьаабылака! Биирдэ ыстаата да уһуктубат түүлүнэн утуйуо. Кинини таптыыр киһитэ эрэ уһугуннарыа. Ха - ха - ха Тохтоон эрэ тиллэн кэлиэн сөп дуу? (Кинигэни ааҕар)

6 сыана

Автор: Белоснежка ылыы-ыллыы ас астыыр сылдьар, арай көрбүтэ эмээхсин турар

Королева: Хы -хы -хы. Соҕотоххун да кыыс?

Белоснежка: Соҕотохпун

Королева: онтон Гномиктар?

Белоснежка: Үлэлэригэр

Королева: Пирог астыы сылдьагын? Гномнар дьаабылакалаах пирогу быдан сөбүлүүллэр. Мэ бу дьаабылака курдуктары. Боруобалаан көрөҕүн дуо? Мин эйиэхэ биир кистэлэҥи этиэм. Бу дьаабылака боростуой буолбатах кини аптаах, кистэлэҥ санааҕын искэр этэн баран ыстаа, оччоҕо туолуо. (Белоснежка кистэлэҥ санаатын этэр, ыстыыр дьаабылаканы уонна утуйан хаалар).

Автор: Гномнар Белоснежканы ороҥҥо сытыарбыттар. Оронун хурустаал ,кыһыл көмүс гына онорбуттар уонна түүннэри күнүстэри кэтиэхпит-харыстыахпыт диэн тыл биэрбиттэр. Принц Белоснежканы көрдөөбүт да булбакка төннөн иһэн гномнар дьиэлэригэр тохтуур. Арай көрбүтэ, кини Белоснежката, аптаах ууга ылларан утуйа сытар эбит.

Принц:Оо, наһаа да өр көрдөөбүтүм дии Белоснежканы. Хойутаабыт эбиппин, хайдах буолабын, тугу гынабын? (ытыыр уоннаПринц Белоснежканы иэдэһиттэн сыллыыр. Белоснежка уһуктан кэлэр.)

Автор:Ити курдукдьааттаах дьаабылака аптаах дьайын Принц уһулбута. (Принц уонна гномнар олус үөрэллэр, бары үҥкүүлүүллэр) Ол кэмтэн ыла Белоснежка, Принц уонна Гномнар эйэ дэмнээхтик бииргэ олорбуттара эбитэ үһү.

Адрес публикации: https://www.prodlenka.org/metodicheskie-razrabotki/434964-scenarij-novogodnego-spektaklja