Жол белгілері не үшін керек?

Тәрбие сағатының тақырыбы: «Жол белгілері не үшін керек?»

Тәрбие сағатының мақсаты: Оқушыларды жолда жүру ережелерімен, жол

белгілерімен таныстыру. Жол ережесін, белгілерін

есте ұстай білуге үйрету. Жолда жүргенде жол

ережесін сақтап, оң жақпен жүруге тәрбиелеу.

Көрнекіліктер: жол белгілері, жол таңбалары, бағдаршам.

Тәрбие сағатының барысы:

1.Кіріспе әңгіме

-Балалар, сендер әрқайсыларың ойнауды жақсы көресіңдер.

-Суретте не көрдіңдер?

- Дұрыс суретте жол апатына түскен баланы көрдіңдер.

- Оның қолында не бар?

-Оның қолында доп бар.

-Неліктен бала жол апатына ұшырады?(балалардың жауабы)

-Балалар қауіпсіздік деген сөзді қалай ұғасыңдар?

-Дұрыс, ол қорғану, сақтану деген сөзді білдіреді. Жол жанында ойнау өте қауіпті. Өйткені жол бойы зуылдаған көліктер жүріп жатады. Суреттегі баланың добы жолға құлап қалды, оны аламын деген бала өз өмірін қауіпке төндіреді. Ойнауға арналған арнайы балалар алаңдары болады. Мысалы, футбол ойнауға арналған алаңы бар. Қазір біздің қаламызда арнайы балалар алаңы құрылып жатыр.

Ойын ойнату: Қай жерде ойнауға болады? Ал қай жерде ойнауға болмайды?

Ойын ережесі:Жолда жүру ережелерін бұзбай ойнап жүрген балалар салынған суретті жасыл түспен, ереже сақталмаған жерді қызыл түспен белгіле.

Ал, қанеки, үйренейік біз де жүру тәртібін

Ережені жақсы білер бар кімің?

Кім айтады жол белгісі неше түрден тұрады?

Өздеріне қойылатын бұл алғашқы сұрағым.

Сақтандыру белгісі

Қып-қызыл үшбұрыш-

Ескерту белгісі мен болам

Қауіптен сақ бол деп,

Сәт сапар жолдаған,

Аман сау жүреді жаяу да, көлік те,

Мен берген белгіні сақтаған, қолдаған.

Тыйым салу белгісі

Қызылмен бояған шеңберім аумақты,

Тиымшыл белгімін , қаталмын, салмақты.

Мен тұрған жерлерде хақың жоқ жүруге,

Қауіп бар, бағдарла, көз салып жан-жақты.

Міндеттеу белгісі

Белгімін көрсетер, жылдамдық, бағыты,

Міндетті бұрылыс, әйтпесе қауіпті.

Барлығын анықтап тұрамын жолында,

Абай бол, шартымды міндетті орында!

Нұсқау белгісі

Баратын жеріңнің бағытын, тұрағын,

Үн-түнсіз жол сілтеп, жол нұсқап тұрамын

Күндіз де, түнде де от болып жанады.

Көк түске боялған, төртбұрыш шырағым.

Жолда жүру ережелеріне қатысты жұмбақтар шешеміз.

1.Көліктің қаншасын жанынан өткізген

Іргеден басталып, алысқа өткізген.

(жол)

2.Жоқ өзінде бас та, құлақта,

Бақырайған үш көзі бар бірақ таа

(бағдаршам)

3.Бір көзім: «кідір!»,-дейді,

Бір көзім:«жүгір!»,-дейді,

Бір көзім:«абайла!»,-дейді,

«Қарап ал маңайға!»,-дейді.

(бағдаршам)

4.Үлкен-үлкен қалаларда жүреді,

Табаны темір, төбесінде жүрегі.

(трамвай)

Қортындылау:

Жол белгілеріне байланысты сұрақ- жауап:

Бағдаршам туралы не білесің?

Жүруге болмайтын белгіні көрсет?

Жаяу адам жүретін белгіні көрсет?

Үйден мектепке дейін қай жолмен барасың?

Машина жүретін жолда ойнауға бола ма?

Үлкен жолдан қалай өтеміз?

Адрес публикации: https://www.prodlenka.org/metodicheskie-razrabotki/51728-zhol-belgileri-ne-shin-kerek