" Героизм осетинского народа в годы ВОВ"

Урочы нысантæ

- Сабиты зонындзинæдтæ фылдæр кæнын Фыдыбæстæйы Стыр хæсты» тыххæй;

- Скъоладзауты æмбарынад парахатдæр

кæнын нæ адæмы историйы тыххæй;

- Ахуырдзаутæм сæрыстырдзинад рæзын кæнын Ирыстоны кæй цæрынц, уымæй.

Урочы хуыз

Рацыл æрмæг фæлхат кæнын æмæ ног зонындзинæдтæ гом кæныны урок.

Урочы ахуырадон фæстиуджытæ

Предметон: Фылдæр базонын Ирыстоны хъæбулты тыххæй Фыдыбæстæйы хæсты рæстæг.

Метапредметон: Логикон хъуыдыкæнынад рæзын кæнын; хи хъуыдытæ æргом кæнын; ног зонындзинæдтæй пайда кæнын зонын.

Удгоймагон: Ирыстонмæ, мадæлон æвзагмæ уарзондзинад æмæ цымыдис æвзæрын кæнын.

Ахуыры методтæ æмæ формæтæ

Иртасæн-абарсты метод, индивидуалон, къордты куыст, къæйтты куыст.

Æххуысгæнæг фæрæзтæ

Ветеранты къамтæ, магнитофон, дисктæ, чиныг,

компьютер, интерактивон фæйнæг, къулы газет.

Урочы сæйраг этаптæ æмæ структурæ

Ахуыргæнæджы архайды мидис

Скъоладзау-ты архайды мидис

Универсалон ахуырадон архайд (УАА)

Мотиваци.

(ахуыргæнæг дæтты ног темæ бамбарынæн æххуыс чи у ахæм æрмæг.)

- Уæ бонтæ хорз, сывæллæттæ.

- Уæ бонтæ хорз, нæ зынаргъ уазджытæ æмæ фарн уæ хæдзæртты.

- Мæ хæлæрттæ, цæттæ стут урокмæ?

- Сабитæ, уæдæ нæм абон цавæр урок ис?

- Зæгъут-ма, æмæ цæмæн ахуыр кæнут ирон æвзаг?

- Куыд ма хъуыды кæнут?

- Дæумæ гæсгæ та?

- Дæумæ та куыд кæсы?

Ахуыргæнæгмæ хъусынц, сæ цæттæдзинад æвдисынц.

Регулятивон

(ахуырадон нысан æвæрын), эмоционалон цæттæдзинад урокмæ.

Актуализаци

(зæрдыл æрлæууын кæнын рацыд æрмæгæй дарддæры куыстæн цы хъæуы, уыцы зонындзинæдтæ)

1) . - Сывæллæттæ, уæдæ цæмæй хуыздæр зонат уæ мадæлон æвзаг æмæ йыл ноджы рæсугъддæр æмæ аивдæр дзурат, уый тыххæй акусæм ирон кавказаг мыртыл. Хъыгагæн сæ бирæ ирон сабитæ раст нæ дзурынц.(Дзурут мæ фæстæ).

«а» - «æ» - ам, абон, æртæ, æз, аз, æнус, æри, арфæ, æмæ.

2). - Хъазт: «Чи растдæр зæгъдзæн?»

(Ахуыргæнæг дзуры дзырдтæ. Кæд дзырд райдайа мыр «а» - йæ, уæд сабитæ кæнынц иу къæрцц, кæд мыр «æ» - йæ, уæд та – дыууæ къæрццы.)

3). – Ныр та акусæм хъуырон мыр «хъ» - йыл.

Дзырдтæ: хъæбул, хъæбатыр, хъахъхъæнын, хъæддых.

( Фæйнæгыл дзырдтæ: хъæбатыр, Хъæбатыр)

- Сабитæ, чи зæгъдзæн, куыд у уырыссагау дзырд «хъæбатыр?»

Æмæ цымæ кæмæ куыд кæсы, дыууæ æмхуызон дзырдтæй сæ иу стыр дамгъæйæ фыст цæмæн у?

- Æмбисондыл куыст:

«Хъæбатыры ном – мæлгæ нæ кæны.»

Скъоладзаутæ дзуапп дæттынц.

Дзурынц сæ хъуыдытæ.

Урочы архайынмæ сразæнгард уæвын.

Зонадон:

Ирон мыртыл куыст.

Коммуникативон:

Хи хъуыдытæ æргом кæнын.

Удгоймагон: Æгъдау; эмоционалон цæттæдзинад урокмæ)

Темæмæ рахизын проблемон хуызы

- Сабитæ, дарддæр кæнæм нæ куыст æмæ абоны урочы цæуыл дзурдзыстæм, цæуыл кусдзыстæм, куыд у нæ урочы темæ, уый та мын хъуамæ уæхæдæг зæгъат, фидиуæгмæ куы байхъусат, уæд.

( Фæзынд фидиуæг)

Сабиты урочы архайынмæ сразæнгард уæвын.

Ног æрмæгыл куыст.

Цæлхдуртæ аиуварс кæныныл куыст.

- Раст зæгъут, нæ темæ у… (Интерактивон фæйнæгыл фыст):

«Ирон адæмы лæгдзинад Фыдыбæстæйы Стыр хæсты!»

Зонадон:

Базонын ирон адæмы хъæбатырдзинады тыххæй.

Коммуникативон:

Хи хъуыдытæ æргом кæнын.

Къордтимæ куыст

Къордты хæслæвæрдтæ.

- Абоны урокмæ цæттæгæнгæйæ кълас адих ис æртæ къордыл.

Фыццаг къорды ном у «Бабайы хъæбултæ», дыккаг къорды ном та – «Нанайы хуртæ», æртыккаг къорды уæнгтæ та сты ирон сывæллæтты журнал «Ногдзау» - ы редакцийы кусджытæ.

Алы къордæн дæр уыдис хæслæвæрд æмæ сæм зæрдиагæй байхъусдзыстæм.

Æмдзæвгæтæ кæсын. (Алы къордæй дæр иугай сабитæ кæсынц æмдзæвгæтæ хæсты темæйыл.)

Викторинæ:

« Ирыстойнæгтæ Фыдыбæстæйы Стыр хæсты».

(Викторинæйы фæрстытæ дæтты скъоладзаутæй иу.)

Алы къорд дæр æвдисы йæ проект.

Фыццаг къорд бацæттæ кодта æрмæг Плиты Иссæйы номыл.

Зонадон:

Базонын ирон адæмы хъæбатырдзинады тыххæй.

Удгоймагон:Сæрыстирдзинад рæзын кæнын сабиты зæрдæты.

Чиныгимæ куыст

Текст«Арвы цъæх»-ыл куыст.

1. Текст кæсын.

2. Фæрстытæн дзуæппытæ дæттын тексты мидисмæ гæсгæ.

3. Зæрдыл æрлæууын кæнын ирон æвзагæй цы темæйыл куыстам, уый. (Архайд æвдисæг дзырдтæ иртасын).

Фыццаг къорды уæнгтæ тексты фыццаг абзацы агурынц дзырдтæ, кæцытæ æвдисынц предметты архайд.

Дыккаг къорды уæнгтæ та – тексты дыккаг абзацы.

Алы къордæй дæр дзуапп дæтты иу скъоладзау. Уый

фæстæ дзуæппытæ сбæрæг кæнæн ис интерактивон фæйнæгыл.

Сабитæ кусынц чиныгимæ.

Регулятивон : Тесты дзæппытæ агурын.

Коммуникативон:

Фæрстытæн дзуæппытæ дæттын.

Удгоймагон:

Сæрыстырдзинад рæзын кæнын

Рефлекси.

Æрмæг бафидар кæныныл куыст.

Улæфт цæстыты электрон физзарядкæимæ.

( Рæсугъд чыргъæдмæ хауынц сырх уардитæ. Хъуысы зарæг «День победы»

- Ацы рæсугъд дидинджыты чыргъæд лæвар кæнæм нæ хæсты ветерантæн.

Сабитæ улæфынц

Зонадон:

Коммуникативон:

Удгоймагон:Ветерантæн аргъ кæнын ахуыр кæнын сабиты.

Хатдзæгтæ скæнын.

Зарæг «Æфсадмæ».

- Мах абон дзырдтам Фыдыбæстæйы Стыр хæсты , нæ кадджын ветеранты тыххæй. Уыдон нын æрхастой Уæлахиз, бахъахъхъæдтой нæ бæстæйы сæрибардзинад, цæмæй мах абон цæрæм сабыр дунейы, уæм хъæлдзæг, зæрдæрухс æмæ амондджын.

Цалдæр азы фæстæ нæ къласы лæппутæ дæр æфсадмæ ацæудзысты æмæ цырддзастæй хъахъхъæндзысты нæ бæстæйы арæнтæ.

Æмæ абон мах азардзыстæм уыдоны кадæн зарæг.

(Зарынц æппæт къласы скъоладзаутæ дæр).

Сабитæ иууылдæр зарынц зарæг.

Удгоймагон:Сабитæм рæзын кæнын патриотикон æнкъарæнтæ.

Хæдзармæ куыст

Бацæттæ кæнын æрмæг хæсты Хъæбатыртæй иуы тыххæй æмæ йæ радзурын æмбæлттæн.