Рабочая программа по татарскому языку для русскоязычных групп, 2 класс

Татарстан Республикасы Лаеш муниципаль берәмлегенең Лаеш шәһәре 1 нче Гимназиясе гомумбелем муниципаль бюджет учреждениесе

2 А сыйныфы (рус төркеме) өчен татар теленнән

эш программасы

Төзүче::Аминова Гөлнара Гомәр кызы

1 категорияле укытучы

2014-2015 нче уку елы

Аңлатма язуы

2 нче сыйныфта татар теле фәненнән эш программасы түбәндәге норматив документларга нигезләнеп төзелде:

Россия Федерациясенең “Мәгариф турында” законы.

Федераль дәүләт башлангыч белем бирү стандарты. 2010 ел

Рухи әхлакый үсеше һәм Рәссәй гражданинын шәхес буларак тәрбияләү концепициясе. 2010 ел

Урта (тулы) гомуми белем бирү мәктәбендә рустеллебалаларгататартелен коммуникативтехнологиянигезендәукытупрограммасы (1 — 11 нчесыйныфлар), 2014. Төзүчеләр: Хәйдәрова, Р.Л.Малафеева.

Татарстан Республикасы Конституциясенең 4 нче маддәсе һәм “Татарстан Республикасы халыкларының телләре турындагы” Законнигезендә татар һәм рус телләре – тигез хокуклы дәүләт телләре булып тора. Татар телен дәүләт теле буларак өйрәнү телне аралашу чарасы, шулай ук укучыларны рухи һәм әхлакый яктан тәрбияләү, аларның аралашу культурасын формалаштыру ысулы буларак үзләштерүдән гыйбарәт. Татар телен аралашу чарасы буларак үзләштерү нәтиҗәсендә укучылар көндәлек тормышта, полиэтник җәмгыятьтә үзара аңлашу һәм хезмәттәшлек итү күнекмәләренә ия булалар.

Татар теле, танып белү чарасы буларак, укучыларның фикер йөртү, интеллектуаль һәм иҗади сәләтләрен үстерүгә хезмәт итә, шулай ук рус телле укучыларны татар халкының мәдәнияте һәм милли үзенчәлекләренә якынайта, башка халыкларга карата хөрмәт хисе, толерантлык, мәдәниара диалогка осталык кебек универсаль күнекмәләр булдыруга этәрә.

Татар теленә өйрәтүнең төп максатлары:

2 нче сыйныф укучысының аралашу даирәсен, аралашу ситуацияләрен исәпкә алып, сөйләм эшчәнлегенең барлык төрләре (тыңлап аңлау, сөйләү, уку, язу) буенча укучыларда коммуникатив компетенция (аралашу осталыгы) формалаштыру;

укучының танып белү мөмкинлекләрен, гомуми уку күнекмәләрен, сөйләм культурасын үстерү;

татар милләтенә, аның тарихи һәм мәдәни хәзинәләренә карата хөрмәт тәрбияләү; укучыларны мәдәниара диалогка тарту; татар телен дәүләт теле буларак өйрәнүгә ихтыяҗ тудыру.

Укыту – методик комплекты телгә өйрәтүнең иң заманча юнәлешле булган коммуникатив технологиягә нигезләнә. Гомуми дидактик прин тыш, татар теленә өйрәтүнең төп принциплары түбәндәгеләрдән гыйбарәт: коммуникативлык принцибы (телгә өйрәтү шартларын тормышта телне куллану шартларына якынлаштыру); шәхси индивидуальләштерү принцибы (укыту процессын укучыларның шәхси ихтыяҗларын, теләк-омтылышларын, индивидуаль-психологик үзенчәлекләрен исәпкә алып оештыру); телне актив фикерләү нигезендә өйрәнү принцибы (аралашу ситуацияләрендә сөйләм бурычына тәңгәл килгән лексик-грамматик материалны укучыларның мөстәкыйль комбинацияләп сөйләшүе); телне функциональ төстә өйрәнү принцибы (грамматик материалның коммуникатив максаттан, аралашу хаҗәтеннән һәм куллану ешлыгыннан чыгып билгеләнүе); ана телен исәпкә алу принцибы (балаларның ана теле буенча белемнәр системасын исәпкә алу). Моннан тыш, укыту процессында сөйләм эшчәнлеге төрләрен үзара бәйләнештә үзләштерү принцибы да зур әһәмияткә ия.

Укытуның планлаштырган нәтиҗәләре

шәхси нәтиҗәләре:

шәхесара һәм мәдәниятара аралашуда татар теленә карата ихтирамлы караш булдыру һәм аны яхшы өйрәнү теләге тудыру;

әхлакый кагыйдәләрдә ориентлашу, аларны үтәүнең мәҗбүрилеген аңлау;

текстлардагы төрле тормыш ситуацияләренә һәм геройларның гамәлләренә гомүмкешелек нормаларыннан чыгып бәя бирү;

“гаилә”, “туган ил”, “мәрхәмәтлелек” төшенчәләрен кабул итү, “башкаларга карата түземлелек, кайгыртучанлык”, “кеше кадерен белү” кебек хисләр формалашу.

Татар теленә өйрәтүнең метапредмет (регулятив, коммуникатив, танып-белү) нәтиҗәләре:

Татар теленә өйрәтүнең предмет нәтиҗәләре

Сөйләшү

Диалогик сөйләм.

2 нче сыйныфта дәрес вакытының 60-70% ы сөйләшүгә өйрәтү ала. Сөйләм эшчәнлегенең бу төре буенча укучылар түбәндәге күнекмәләргә ия булырга тиешләр:

- сайланган эчтәлек аша әңгәмәдәшең белән контакт урнаштыра, сорау куя, җавап бирә, кире кага, раслый белү;

- дәреслектә бирелгән үрнәк диалогларны сәнгатьле итеп уку, сөйләү һәм охшаш диалоглар төзү, программада күрсәтелгән коммуникатив максатлар буенча әңгәмәдә катнаша алу.

Монологик сөйләм

Җанлы һәм җансыз предметларны, рәсем, картина эчтәлеген сурәтләп сөйли белү;

өйрәнелгән темалар буенча кечкенә информация бирә белү.

II. Ишетеп аңлау (аудирование).

Аралашу өчен, төп шартларның берсе - әңгәмәдәшләрнең бер-берсенең сөйләмен аңлавы. 2 нче сыйныфта ишетеп аңларга өйрәтүнең төп бурычлары түбәндәгеләр:

нормаль темп белән әйтелгәннең мәгънәсен аңларга, аңлаган турында фикер йөртергә, аралашуда куллана белергә өйрәтү;

сүзләрне, сүзтезмәләрне, җөмләләрне, грамматик формаларны бер-берсеннән ишетү аша аерырга өйрәтү;

ишетү хәтеренең күләмен үстерү.

III. Уку

Хәреф-аваз системасын аера, татар теленә хас булган авазларны дөрес әйтеп укый белү;

дәреслектә уку өчен бирелгән җөмләләрне, текстларны дөрес интонация белән укый белү;

Дәреслектә уку техникасын үстерүгә ярдәм итә торган рифмовкалар, җырлар, рифмалаштырылган әкиятләр бирелде. Үзләштерү дәрәҗәсенә карап, укытучы аларны арттыра яки киметә ала.

укыган материалның эчтәлегеннән кирәкле мәгълүматны аерып ала белү;

кечкенә күләмле шигырьләрне яттан сөйләү;

укыганда сүзлекләр куллана белү.

IV.Язу

Татаралфавитындагыхәрефләрне дөрес, матур яза белү;

- дөрес күчереп язу күнекмәләрен булдыру;

- бәйрәмнәр белән котлау язу.

Дәреслек: Күңелле татар теле. Дүртьеллык башлангыч гомуми белеем бирү мәктәбенең 2 нче сыйныфы өчен татар теле һәм әдәби уку дәреслеге (рус телендә сөйләшүче балар өчен). Р.З.Хәйдәрова. Казан, “Татмультфильм” нәшрияты, 2013.

2014-2015 нче уку елына төзелгән 2 нче сыйныфта (рус төркеме) татар теленнән эш программасында барлыгы 102 сәгать ( атнага 3 сәгать исәбеннән) вакыт бирелгән, ГМБУ 1 нче Гимназиянең укыту планына туры килә

Р.З Хәйдәрованың программасында әдәби уку һәм татар теле дәресләренең бүленеше юк, шуңа күрә сәгатьләр саны аерым күрсәтелде.

Рус телле балаларга татар телен һәм әдәбиятын коммуникатив технология нигзендә укыту программасы белән гимназиядәге эш программасы арасындагы аермалар түбәндәгеләр.

Эш төрләре: күчереп язу, тест, контроль эш, сүзлек диктанты.

Укыту методы һәм алымнары:

- катнаш (комбинированный),

- тәрҗемә итү,

- таныштыру,

- аудиовизуаль,

- күзәтү,

- әңгәмә,

- эксперимент.

Дәрес типлары:

ЛКФ - лексик күнекмәләр формалаштыру

ЛКК - лексик күнекмәләр камилләштерү

ГКФ - грамматик күнекмәләр формалаштыру

ГКК - грамматик күнекмәләр камилләштерү

ЛГКК - лексик-грамматик күнекмәләр камилләштерү

Д/с - диалогик сөйләм

М/с - монологик сөйләм.

Рус телендә сөйләшүче балаларның татар теленнән белем һәм күнекмәләрен тикшерү төрләре

Укучыларның белем дәрәҗәсенә таләпләр

Грамматик минимум

Исемнең төшем килеше белән таныштыру.

Исемнәрнең юнәлеш, чыгыш, урын-вакыт килешләрен сөйләмдә куллануны камилләштерү.

Исемнәрнең берлек санда 1,2 затта тартым белән төрләнешен сөйләмдә куллануны камилләштерү.

Исемнәрнең берлек санда 3 затта тартым белән төрләнеше белән таныштыру (аның китабы, сумкасы).

Сыйфатның гади дәрәҗәсен сөйләмдә куллану.

11дән 20 кадәр саннарны сөйләмдә куллану.

Мин, син зат алмашлыкларын юнәлеш килешендә сөйләмдә куллану.

Зат алмашлыкларын күплектә сөйләмдә куллану.

Кайчан? сорау алмашлыгы белән таныштыру.

Кем? Нәрсә? кайда? кая? кайдан? нинди? ничек? ничә? ничәнче? сорауларына җавап бирә, аларны кулланып, сорау бирә белүне камилләштерү.

Хәзерге заман хикәя фигыльнең 1,2,3нче зат юклык формасы белән таныштыру.

Билгеле үткән заман хикәя фигыльнең барлыкта һәм юклыкта берлек сан 1,2,3нче зат формасы белән таныштыру.

Боерык фигыльнең барлык һәм юклык формалары белән таныштыру.

Кирәк, кирәк түгел, ярый, ярамый хәбәрлек сүзләрен сөйләмдә куллану.

Чөнки теркәгечен сөйләмдә куллану.

Орфографик и орфоэпик минимум.

1. Сузык авазлар. Калын һәм нечкә сузыклар, аларны дөрес әйтү һәм язу күнекмәләрен камилләштерү. Сингармонизм законы. Татар теленең үзенчәлекле сузыклары һәм аларны белдерә торган хәрефләрнең дөрес язылышы. Сүзләрне транскрипция билгеләре белән яза белү.

2. Тартык авазлар. Яңгырау һәм саңгырау авазлар. Алар кергән сүзләрне дөрес әйтә һәм язу күнекмәләрен камилләштерү.

3. Татар алфавитын яттан белү.

4. Сүзләрне иҗекләргә бүлү. Укылган иҗекләр санын билгели белү.

5. Аралашу өчен бирелгән темаларга караган сүзләрнең дөрес әйтелешенә ирешү.

6. Җөмлә ахырында тыныш билгеләрен интонациягә бәйле рәвештә кую

Уку-укыту тематик планы

Календарь-тематик план

Гомумбелем күнекмәләрен бәяләүнең критерийлары һәм нормалары

Аңлауны бәяләү

Тыңланган татар сөйләмен тулаем дөрес аңлап, эчтәлеген сөйли алганда, “5”ле куела.

Тыңланган татар сөйләмен дөрес аңлап, эчтәлеген якынча сөйли алганда, “4”ле куела.

Тыңланган татар сөйләмен аңлап, эчтәлеген өлешчә генә сөйли алганда, “3”ле куела.

Тыңланган татар сөйләменең эчтәлеген тулаем аңламаганда, “ 2 “ ле куела.

Диалогик сөйләмне бәяләү

Бирелгән ситуация яки өйрәнелгән тема буенча әңгәмә кора алганда, әйтелеше һәм грамматик төзелеше ягыннан дөрес, эчтәлеге ягыннан эзлекле һәм тулы диалогик сөйләм төзегәндә, “5”ле куела.

Бирелгән ситуация яки өйрәнелгән тема буенча әңгәмә кора алганда, әмма репликаларның әйтелешендә һәм аерым сүзләрнең грамматик формаларында 2-3 хата җибәреп, эчтәлеге ягыннан эзлекле диалогик сөйләм төзегәндә, “4”ле куела.

Өстәмә сораулар ярдәмендә генә әңгәмә кора алганда, репликаларның әйтелешендә һәм сүзләрнең грамматик формаларында 4-6 хата җибәреп, эчтәлеген бозып диалогик сөйләм төзегәндә, “3”ле куела.

Бирелгән ситуация яки өйрәнелгән тема буенча диалог төзи алмаганда, “2”ле куела.

Монологик сөйләмне бәяләү

Өйрәнелгән яки тәкъдим ителгән тема буенча әйтелеше, грамматик төзелеше ягыннан дөрес һәм эчтәлеге ягыннан тулы, эзлекле булган монологик сөйләм өчен “5”ле куела.

Өйрәнелгән яки тәкъдим ителгән тема буенча эзлекле төзелгән, әмма аерым сүзләрнең әйтелешендә, грамматик формаларында яки җөмлә төзелешендә 2-3 хатасы булган монологик сөйләм өчен “4”ле куела.

Өйрәнелгән яки тәкъдим ителгән тема буенча эзлекле төзелмәгән, сүзләрнең әйтелешендә, җөмлә төзелешендә 4-7 хатасы булган монологик сөйләм өчен “3”ле куела.

Өйрәнелгән яки тәкъдим ителгән темага монолог төзи алмаганда, “2”ле куе

Сүзлек диктанты һәм аны бәяләү

Пөхтә,төгәл һәм орфографик хатасыз язылган эшкә“5” ле куела.

Пөхтә,төгәл язылган, әмма 1-3 төзәтүе яки 1-2 орфографик хатасы булган эшкә “4”ле куела.

Пөхтә һәм төгәл язылмаган, 4-5 төзәтүе яки 3-5 орфографик хатасы булган эшкә “3”ле куела.

Пөхтә һәм төгәл язылмаган, 6 яки артыграк орфографик хатасы булган эшкә “2”ле куела.

Контроль күчереп язуны бәяләү

Пөхтә,төгәл һәм орфографик хатасыз язылган эшкә“5” ле куела.

Пөхтә,төгәл язылган, әмма 1-3 төзәтүе яки 1-2 орфографик хатасы булган эшкә “4”ле куела.

Пөхтә һәм төгәл язылмаган, 4-5 төзәтүе яки 3-5 орфографик хатасы булган эшкә “3”ле куела.

Пөхтә һәм төгәл язылмаган, 6 яки артыграк орфографик хатасы булган эшкә “2”ле куела.

Язма сөйләмне бәяләү.

Тәкъдим ителгән темага эзлекле язылган, 1 орфографик һәм 1 пунктуацион яки 1 грамматик хатасы булган эшкә “5” ле куела.

Тәкъдим ителгән темага эзлекле язылган, ләкин эчтәлектә ялгаш җибәрелгән, 2-3 орфографик һәм пунктуацион яки 2-3 грамматик хатасы булган эшкә“4”ле куела.

Тәкъдим ителгән темага эзлекле язылмган, 4-6 орфографик һәм пунктуацион яки 4-6 грамматик хатасы булган эшкә “3”ле куела.

Тәкъдим ителгән темага эзлекле язылмган һәм эчтәлеге ачылмаган, 7 дән артык орфографик һәм пунктуацион яки 7 дән артык тупас грамматик хатасы булган эшкә “2”ле куела.

Укытуның методик тәэмин ителеше

1. Р.З.Хәйдәрова, Н.Г. Галиева “Күңелле татар теле”. Дүртьеллык башлангыч гомуми белем бирү мәктәбенең 2 нче сыйныфы өчен татар теле һәм әдәби уку дәреслеге (рус телендә сөйләшүче балалар өчен). Казан “Татармультфильм” 2013.

2. Рус телендә сөйләшүче балаларга татар теле укыту. 2 нче сыйныф: Укытучылар өчен методик кулланма. Р.З.Хәйдәрова, Н.Г. Галиева, Л.Ә.Гыйниятуллина. - Казан “Татармультфильм” 2012.

3. Книга для родителей. Казан “Татармультфильм” 2013.

4. Татар теленнән эш дәфтәре. Гомуми белем бирү мәктәбенең 2 нче сыйныфы өчен (рус телендә сөйләшүче балалар өчен). Казан “Татармультфильм” 2013.

5.”Балалар дөньясында” Рус теле башлангыч гомуми белем бирү мәктәбенең 2 нче сыйныфы өчен хрестоматия. Төзүче авторлар: Р.М. Исхахова, Г.М.Әхмәтҗанова Һ.б.Казан”Татарстан китап нәшрияты”2013.

Әдәбият исемлеге

1.Федераль дәүләт башлангыч белем бирү стандарты. 2010 ел

2.Россия Федерациясенең “Мәгариф турында” законы.

3.Федераль дәүләт башлангыч белем бирү стандарты. 2010 ел

4.Рухи әхлакый үсеше һәм Рәссәй гражданинын шәхес буларак тәрбияләү концепциясе. 2010 ел

5. Урта (тулы) гомуми белем бирү мәктәбендә рустеллебалаларгататартелен коммуникативтехнологиянигезендәукытупрограммасы (1 — 11 нчесыйныфлар), 2014. Төзүчеләр: Хәйдәрова, Р.Л.Малафеева.

Еллык контроль эш

1 вариант

A-1. Поставь нужную букву:

Бол...т, яңг...р, оз...н,бол...н

а)о; б) а; в )ы; г) е

А-2. Выбери слово с мягкими гласными:

а) эссе; б) тамчы; в)яфрак; г) чыпчык

А-3.Выбери правильное окончание:

Җәй көне балалар авыл ... (кая?) китәләр.

а)-ка; б)-да; в)-дан; г)-га

А-4. Выбери правильный вопрос к выделенным словам:

Урманда кызыл, зәңгәр чәчәкләр үcә.

а)кайчан?; б)нинди?; в) кайда?; г) нәpcә?

A-5.Найди слово, отвечающее на вопрос кайда?:

а) агачта; б) авылга; в)елгадан; г)мәктәпне

А-6. Выбери слово, отвечающее на вопрос нишләмәде?:

а) жырлады; б) көрәште; в) карамады; г) сөйләде.

А-7. Вместо точек поставь нужное слово:

Җәй көнекөннәp ... була.

а) кыска; б)озын; в) кечкенә; г) салкын

А-8.Найди правильный перевод: Прекрасное лето.

а) матур җәй; б) ямьле җәй; в) күңелле җәй; г) ямьле яз

А-9. Выбери правильное предложение: Җәй көне бик күңелле.

а) Весной очень весело.

б) Летом очень хорошо.

в) Летом очень весело.

г) Летом бывает весело.

Еллык контроль эш

2 вариант

A-1. Поставь нужную букву:

Зәңг...р,күб...ләк,җ...й,б...йрәм

а) ө; б) е; в ) ү; г) ә

А-2. Выбери слово с мягкими гласными:

а) болын; б) яшел; в)яфрак; г)урман

А-3.Выбери правильное окончание:

Җәй көнелагерь...(кайда?)бик күңелле.

а)-та; б)-да; в)-дан; г)-га

А-4. Выбери правильный вопрос к выделенным словам:

Болында сары, зәңгәркүбәләкләроча.

а)кайчан?; б)нинди?; в) кайда?; г) нәpcә?

A-5.Найди слово, отвечающее на вопрос кайдан?:

а) агачта; б) авылга; в)елгадан; г)мәктәпне

А-6. Выбери слово, отвечающее на вопрос нишләмәде?:

а) жырламады; б) көрәште; в) карады; г) сөйләде.

А-7. Вместо точек поставь нужное слово:

Җәй көнетөннәp ... була.

а) кыска; б)озын; в) кечкенә; г) салкын

А-8.Найди правильный перевод:Веселое лето.

а) матур җәй; б) ямьле җәй; в) күңелле җәй; г) ямьле яз

А-9. Выбери правильное предложение: Җәй көне бик рәхәт.

а) Весной очень весело.

б) Летом очень хорошо.

в) Летом очень весело.

г) Летом бывает весело.

Адрес публикации: https://www.prodlenka.org/metodicheskie-razrabotki/74892-rabochaja-programma-po-tatarskomu-jazyku-dlja