Конспект урока для 1 класса по уроку охрана окружающей среды

Сабақтың тақырыбы: Құстар тақырыбын қайталау.

Сабақтың мақсаты:

Білімділік:Оқушылардың құстар жайлы алған білімдерін тереңдету, теориялық және практикалық білімдерін шындай түсу.

Тәрбиелік:Құстар түрін класын қорытындылау барысында эстетикалық, экологиялық тәрбие беру, табиғатты қорғауға, аялауға үйрету, патриоттыққа, ұйымшылдыққа, еңбек сүйгіштікке үйрету.

Дамытушылық:Оқушының ойлау қабілетін, іскерлік дағдысын, есте сақтау, ой-өрісін, қабілетін дамыта отырып жылдамдық, шапшаңдық, көрегендік қасиеттерін дамыту.

Сабақтың көрнекілігі: Құстар жайлы буклет. Құстардың суреттері, сөз жұмбақ. Құстардың ұясы, оқушылардың шығарған газеті. Сабақтың өтілу барысы.

Сайыс түрінде: I. Ұйымдастыру кезеңі. Оқушыларды 3 топқа бөліп отырғызу.

1. Ақку.

2. Шағала.

3. Көгершін.

Әділқазылар мүшелерін сайлау, таныстыру.

Кіріспе сөз. Біз дүниетану пәнінен желілілер типінен құстар класын оқып аяқтадық, соған байланысты бүгінгі сабағымызда құстардың ерекшелігін тіршілік әрекетіне, құстардың маңызы, пайдасы туралы алған білімдеріңді осы жарыс сабақ арқылы көрсетпекшіміз. Сайыс 9 түрлі тапсырмадан тұрады.

I тапсырма. Топқа берілген үй тапсырмасы.

Сәлемдесу, топпен таныстыру, эмблема газеттері туралы айту.

1. Аққу тобы.

2. Шағала тобы.

3. Көгершін тобы.

IIтапсырма.Сен құстардың тіршілік ету мекеніне байланысты ерек-шеліктерді білесің бе? Топпен жұмыс.

1. Қыртөссіз

2. Ұшқыр

3. Тұмсығы қашау тәрізді түзу

4. Мүйізгек

5. Қалқып

6. Терілі жарғақ

7. Екі саусағы

8. Тілі ұзын.

Сөздерін сөйлем арасында байланыстырып, көп нүктенің орнына қою.

Ауылдың маңында кездесетін қарлығаш ұшқыр құс, қалқып су ішеді. Қаз тәрізділер тұмсығының қалындау ұшы мүйізгек деп аталады. Үш саусағы терілі жарғақпен байланысқан. Африка құрғақ даласында мекендейтін түйе құс қыртөссіз аяғында екі саусағы болады. Ағашта мүйізгек саусағының екеуі алдыға, екеуі артқа бағытталған өткір тырнақты құстың тұмсығы қашау тәрізді түзу және сілекейлі тілі ұзын ұшы сояуланып бітеді.

IIIтапсырма.Жарысқа қатысушы топтардан бір-бір оқушы шығып құстардың жіктелуін орындап беру.

IV тапсырма. Конверттің ішінде бірнеше құстың суреті бар, сол суреттегі құстарды біріктіріп бір құстың бейнесін құрастыру және ол қандай құс, маңызы, мекендеу ортасы туралы айту.

Үш топтан 3 оқушы шығып құстардың маңызы, пайдасы туралы мақал - мәтел айту. 5 мақалдан жоғары болу керек.

V тапсырма. Сен құстардың тіршілік ету мекенін білесің бе?

Әр топ оқушылары өздері таңдап алған топтарда мекен ететін құстардың тіршілігін білуі тиіс. Тақтада орманды жерлер, сулы жерлер, ауыл маңы деп бейнеленген сурет болады. Осы аймақтарда тіршілік ететін құстарды парта бетінде тұрған алуан түрлі құстардан тауып мекендеу орнын анықтайды.

Ауыл маңы:

Сулы жерлер:

Орманды жерлер:

VI тапсырма. "Орманда,әлде суда ма?"

Бұл тапсырмада жұмбақ жауабынан тұратын сөз жұмбақ пайдаланады. Жұмбақ оқылып, балалар оның жауабын сөзжұмбақ торына жазады.

1. Тұмсығында ауы бар

Бұл қай құс тауып ал. (Бірқазан)

2. Болса да көзі, жарықта көрмейді көзі.

Көргіш-ақ түнде, құс па бұл не? (Үкі)

3.Орман, тоғай мекені,

Көктемде ойнағы бар,

Қыста өзгеріп кетеді.

Бұл қай құс балалар? (Құр)

4. Көлдің көркі, сәні екен,

Ұшқанда сазды ән екен

Ақындар оны ашпаған

Бұл қай құс, балалар?

Адамдар қорғап сақтаған. (Аққу)

5. Ағашта жабысып тұрады

Тұмсығын аямай ұрады. (Тоқылдақ)

VII.Үй тапсырмасы: Оқушылар бір-біріне дайындап келген ребустары бойынша құстар тақырыбында жасырып, соны шешеді.

VIII. Жасырын құстың астын сыз. Әр топ әңгімедегі сөздерден құстардың 15 жасырын аттарын тауып астын сызу керек.

Әңгіме үлгісі: Ағайыңды Асқар, Абай, Саттар, Тарлан бастары қосыла қалса, жазғытұрым тайға мініп, Асы жайлауына барғандарын еске алады. Бұлар шілдеде жапалақтап жауған қардың астында қалған. Алыстан аппақ қураған ағаш жанында қаракөз анық астына от жағып жүрген үкілі әжесін көргенде қуанып кеткен. Самырсын ағашының жанына көк текеметтен жасалған қазақ үйі құрылған. Қарлыға шашын тарап болысымен еттің нанын илеуге кірісті. Ал біздер Асы шатқалына жылқышы Байқұтан атаны тамаққа шақыруға бардық. Атай "Ақсұңқар" транзистерінен "Сандуғаш", "Қараторғай", "Бозторғай" т.б. әндерін шынтақтап жатып тыңдап жатыр екен. Бізді көріп қуанған ата уыстап әрқайсымымзға бүлдірген берді. Бірқазан еттін жеп отырып, кештің қалай батқанын білмей қалдық.

IX.Құстар жайлы ән айту.

1. Аққу тобы Аққулар әні.

2. Шағала тобы, Құстар қайтып барады.

3. Көгершін тобы. Ақ көгершін.

X.Қорытындылау.

Адрес публикации: https://www.prodlenka.org/metodicheskie-razrabotki/128367-konspekt-uroka-dlja-1-klassa-po-uroku-ohrana-