Қазақ музыка өнерінің гималайы Ахмет Жұбанов

Пән: Музыка

Сабақтың тақырыбы: Қазақ музыка өнерінің– гималайы Ахмет Жұбанов

Сабақтың мақсаты: Тақырыпты меңгерту, пәнге деген қызығушылықтарын арттыру, тақырып бойынша алған білімдерін тиянақтау.

Міндеттері:

1.Қазақ музыкасының ең биік тұлғасы – А.Қ.Жұбанұлының өмірі мен шығармашылығы туралы қысқаша мәлімет беру. «Ақ көгершін»-әні.Оқушыларға музыка зерттеушісі,сазгер А.Жұбановтың өмірі мен шығармашылығы туралы мағлұмат беру.

2.Оқушылардың сөйлеу,ойлау,музыканы түсіне білу дағдысын дамыту.

3.Оқушыларды өнерді және ұлттық музыка өнерінің қадір қасиетін түсіне білуге тәрбиелеу.

Күтілетін нәтиже:

1. Қайталау, білім негізін қалау;

2. Жаңа теориялық ақпаратты беру арқылы оқушыға жаңа тақырып жайлы білімнің басталғанын сезіндіру;

3. Оқуға бағыттап отыру;

4. Оқушылардың өзін және достарын бағалау мүмкіндіктерін жасау.

І. Ұйымдастыру кезеңі

Оқушыларды ұйымдастыру, сәлемдесу 0,5 мин.

Мұғалімнің іс – әрекеті;

- оқушыларды ой қозғау арқылы тақырыпқа әкелу

- тақырып жайлы бұрынғы білетіндерін анықтау, соған сүйену жолдарын табу

І. Психологиялық дайындық /3 мин/

Әр топқа ат беріледі. Сол аттар бойынша оқушылар топқа бөлінеді.

Үй тапсырмасын тексеру.

Музыка – драма техникумы туралы эссе.

Музыка драма техникумы қай жылы, қай жерде ашылды? /1932 ж. Алматыда/

Музыка драма техникумының алғашқы түлектері кімдер? /Ағайынды Абдуллиндер/

Музыка драма техникумында дәстүрлі музыканы дәріптеушілер кімдер? /Ә.Қашаубаев., Д.Нұрпейісова/

Халық аспаптар оркестрін ұйымдастырумен басшылық жасау кімге жүктелді? /Ахмет Жұбановқа/

ІІ. Қызығушылықты ояту.

Миға шабуыл. «Кім жылдам» ойыны. Ф дыбысын сызып тастау.

ФҚфафзфафқ фмфуфзфыфкфа /Қазақ музыка

Фөфнфефрфіфнфіфң өнерінің

Фгфифмфафлфафйфы- Гималайы -

фАфхфмфефт фЖфұфбфафнфофв Ахмет Жұбанов

Олай болса бүгінгі біздің жаңа сабағымыз: Қазақ музыка өнерінің Гималайы Ахмет Қуанұлы Жұбанов.

Ахмет Жұбановтың өмір баяны

Ақтөбе облысы Темір ауданы 1906жылы 29 сәуірде туған. Академик, профессор, өнертану ғылымының докторы, қазақтың алғашқы кәсіби композиторы. Ахмет Жұбанов «Ғасырлар пернесі», «Замана бұлбұлдары» кітаптарының авторы. А.Жұбанов Қазақтың Құрманғазы атындағы мемлекеттік академиялық халық аспаптары оркестрін құрып, оның алғашқы көркемдік жетекшісі және бас дирижері болды. Композитордың 300 – ден астам музыкалық шығармалары бар.

Досы, құрдасы Евгений Григорьевич Брусиловскиймен бірге жұмыс істесе, Латиф Хамидимен бірге бірнеше өлеңдер жазған.

«Ойлан, тап» ойыны

Оқушылардың оркестр құру үшін қандай аспаптар керектігін,ол аспаптармен қалай ойнайтындары туралы алған әсерлерін ойын арқылы сұрау - Әрі қарай не болатынына қызықтыру, белсенділіктерін ояту

- Алатын білімінің пайдалылығына көздерін жеткізу

- Білімін, ақпаратты жүйелеуге үйрету

ІІІ. Мағынаны тану

Енді балалар Ахмет Жұбановтың «Ақ көгершін» әнін үйренеміз

Балалар бұл ән және Ахмет Жұбанов туралы не білеміз?

Музыка арқылы мақал – мәтелді, сөзжұмбақты шешу.

1.Тар жерде табысқан-

------------- жерде келіседі.

2. Әңгіме ----------- қысқартады.

3. Дұшпаныңнан бір сақтан,

Жаман достан -------- сақтан.

4. Дос жылатып айтады,

-------- күлдіріп айтады.

5.Досы көппен сыйлас,

-------- азбен сыйлас.

6.------ жаңасы жақсы,

Достың ескісі жақсы.

7.Саусақ бірікпей,

--------- ілікпейді.

8.----- үйдің бақыты тасар,

Ұрыс – керіс үйдің ырысы қашар.

9.Ерегескен ел болмайды,

Есептескен -------- болмайды.

10.Мың жолдас жақсы, Мың жолдастан ------------ дос жақсы.

Тест жұмысы

Фермата дегеніміз не?

а/ Дыбысты қысқа созу белгісі;

ә/ Дыбысты еркін созу белгісі;

б/ Дыбысты шығармау белгісі;

в/ Дыбыстың үндестігі.

Қазақ драма театрының алғашқы репертуарындағы пьеса қайсы?

а/ «Бүліншілік»;

ә/ «Майдан»;

б/ «Еңлік - Кебек»,

в/ «Түнгі сарын».

Қазақтың халық аспаптары оркестрін алғаш құрған адам кім?

а/ Е.Брусиловский;

ә/ А. Жұбанов;

б/ А. Затаевич;

в/ Б. Ерзакович

А.Жұбанов музыкатану ғылымындағы жазған еңбегін көрсет:

а/ «Қазақ ұлттық аспаптары»

б/ «Ән өнері мен уақыт»

в/ «Замана бұлбұлдары»

г/ «Саз теориясы»

Қазақ музыка өміріне зор із қалдырған, қазақ вальсінің патшасы кім?

а/ Қ.Қожамьяров

б/ Б.Жамақаев

в/ Ш.Қалдаяқов

г/ Е.Рахмадиев

«Би» күйі қай сазгердің шығармашылығы?

а/ С.Тұрысбеков

б/ А.Жұбанов

в/ Д.Нұрпейісова

г/ Н.Тілендиев

ІҮ. Ой толғаныс

Ү. Ой қорытынды.

Сонымен біз бүгін не туралы өттік? Тақырып не болды?

«Ақ көгершін»

Ақ көгершін, көгершін,

Қолғанат құс сен едің,

Бар, кезіп қайт ел үшін

Кең дүниенің көлемін.

Әділеттің құсы деп,

Көз алмастан жолыңнан

Бақыт болып қоншы деп,

Ұшырамын қолымнан

2. Сенен көзің алмайды

Ақ ниетті бар адам.

Ақ қанатың талмайды

Әділеттен жаралған.

Тыныш-бейбіт өмірдің

Белгісі боп қанат қақ.

Әлемге ортақ көңілдің

Қайт шыңына қонақтап.

Қайырмасы:

Ел тілегін алып ұш

Адамзаттың бағына.

Қара бұлтты жарып ұш

Мұхиттың арғы жағына

Тест

1.Фермата дегеніміз не?

а) Дыбысты қысқа созу белгісі; б) Дыбысты еркін созу белгісі; в) Дыбысты шығармау белгісі; г) Дыбыстың үндестігі.

2. Қазақ драма театрының алғашқы репертуарындағы пьеса қайсы?

а) “Бүліншілік”; б) “Майдан”; в) “Еңлік-Кебек”; г) “Түнгі сарын”.

3. Қазақтың халық аспаптары оркестрін алғаш құрған адам кім?

а) Е. Брусиловский; б) А. Жұбанов; в) А. Затаевич; г) Б. Ерзакович.

4. А. Жұбанов музыкатану ғылымындағы жазған еңбегін көрсет:

а) “Қазақ – ұлт аспаптары”; б) “Ән өнері және уақыт”; в) “Замана бұлбұлдары”; г) “Саз теориясы”.

5. Қазақ музыка өміріне зор із қалдырған, қазақ вальсінің патшасы кім?

а) Қ. Қожамьяров; б) Б. Жамақаев; в) Ш. Қалдаяқов; г) Е. Рахмадиев

6. “Би” күйі қай сазгердің шығармашылығы?

а) С. Тұрысбеков; б) А.Жұбанов в) Д. Нұрпейісова; г) Н. Тілендиев

Тест бағалауы: 1 қате-«5»; 2 қате-«4»; 3 қате «3»

Қ орытыңды бағам:

Рефлексия

Мен үшін жаңа ақпарат:..............;.................................;..............................

Мені не таңғалдырды: .................;.........................;..................................