Чисталык сәламәтлек нигезе

Муниципаль бюджет мәктәпкәчә белем бирү учреждениясе

Алабуга районы “Очкынкай”исемле 36 нчы катнаш төрдәге

балалар балалар бакчасы

(зурлар төркеме- дәрес)

Дәресне әзерләде:

1 нче категорияле татар теле

тәрбиячесеЯппарова Н.М.

Алабуга

Максат:

1.Балаларга чисталык сәламәтлекнең нигезе икәнен төшендерү.

2. Шапшаклыкка тискәре мөнәсәбәт тәрбияләү.

Интеграцияләштерү: танып – белү, аралашу, матур әдәбият уку.

Күрсәтмәлелек:

Уенчык дуңгыз баласы, кәрзин белән кишерләр, ширма.

Сүзлек өстендә эш: кишер, ю, су, чиста, пычырак.

Дәрес барышы:

Тәрбияче: Исәнмесез балалар! Бүген безгә кунакка дуңгыз баласы Мырык килгән. Исәнме Мырык!

Мырык: Исәнмесез! Мин сезгә кңчтәнәч алып килдем. (Кишер тулы кәрзинен күрсәтә) Сыйлыйм әле сезне.

Тәрбияче: Мырык, ә ул кишерләр юылганмы соң?

Мырык: Ә нигә юып торасың аны?

Тәрбияче: Балалар, юылмаган яшелчәләрне ашарга ярыймы.

Балалар: Юк. Юылмаган яшелчәләрне ашарга ярамый.

Мырык: Ярый алайса, мин кишерләремне тиз генә юып киләм!

(Ширма артына кереп китә.Аннан су агызган тавыш ишетелә.)

Тәрбияче: Кишерләрне әйбәтләп ю, Мырык. Аларны щетка белән юарга кирәк. Кайнаган су белән чайкарга онытма. Балалар, яшелчә һәм җиләк- җимешләрне беркайчан да юмыйча ашарга ярамый. Мырык юган арада без җиләк- җимешләрнең исемнәрен искә төшетик әле. (Алма, чия, слива, җир җиләге,кура җиләге,каен җиләге һ.б) Җиләк – җимешләрне чиста кул белән тотып ашарга кирәк.

(Юылган кишерләрне күтәреп, Мырык чыга. Бер кишере идәнгә төшшеп китә)

Мырык: Ой, төшеп китте! Хәзер мин аны кабат юып киләм. (Китә).

Тәрбияче: балалар, Мырык кишерне ни өчен кабат юарга булды?

Балалар: - Кишер идәнгә төште.

Төшкән әйбер пычырана.

Тәрбияче : Ой, кшернең өстенә чебен кунган! (Чебенне куа) Пычрак аякларың белән монда кунма әле!

Тәрбияче балаларга чебеннең төрле авырулар тарату мөмкинлеген, шунлыктан яшелчә, җиләк –җимешне һәрчак юарга кирәклеген аңлата.

Мырык: Балалар сезнең кулларыгыз юыганмы?

Балалар: Әйе, юылган.

(динамик пауза)

Ю – ю!

Ю – ю! Ю – ю!

-Менә сиңа су.

Бит – кулыңны ю.

Ю –ю, ю –ю, ю!

-Туңдыра ич бу.

Салкын ич бу су.

Ай –яй – яй –яй – яй!

Туңдырса да ю.

Әйбәт сакын су

Ю-ю –ю- ю – ю!

( Бари Рәхмәт шигыре)

(Балалар имитацион (охшатылган) хәрәкәтләр ясыйлар.)

Тәрбияче: Безнең балалар ашар алдыннан кул юарга кирәклеген яхшы белә. Ә менә Искәндәр исемле бер малайны беләм. Ул юынырга бер дә яратмаган. Тыңлагыз әле.

Ни җитмәгән?

Искәндәр торды,

Юынды, -

Кулында таплар бетмәгән.

Нишләп бетмәгән дисезме?

Юынгычта су җитмәгән.

Беркөнне ул мунча керде.

Сулар анда ләгән – ләгән!

Бите корымга буялып чыкты.

Ахрысы, су җитмәгән.

Иделдә су кереп чыкты.

Борыны кара – сөртмәгән.

Искәндәргә әллә инде

Иделдә су җитмәгән?..

Су җиткән – кул җитмәгән !

( Р. Фәйзуллин)

Балалар, Искәндәр кебек, юынырга иренмәскә кирәк. Суны яратыгыз. Чиста булсагыз, һәрчак сламәт булырсыз. Ә хәзер кулларыбызны юыйк та Мырык алып килгән күчтәнәчне ашарбыз. (Бергәләп кишер ашыйлар)

Адрес публикации: https://www.prodlenka.org/metodicheskie-razrabotki/19970-chistalyk-slamtlek-nigeze