Қазақстан болашағы-білімді ұрпағында

Тақырыбы: «Қазақстанның болашағы-білімді ұрпағында»

Мақсаты:Оқушылардың білімдерін тексеру.Жан-жақты сауаттылығын бақылау,ойлау,есту қабілеттерін арттыру,тіл байлық,сөздіктқорларын молайту.Оқушылардың бойына патриоттық сезім қалыптастыру.

Сабақтың түрі:Интеллектуалды дамытпалы ойын сабақ.

Сабақ көрнекілігі: презентация,сұрақтар, суреттер

Сабақ әдісі: сұрақ-жауап, ой шақыру, мазмұндау.

Пәнаралық байланыс: орыс тілі, қазақ әдебиеті,ағылшын,тарих

Сабақ барысы

Ұйымдастыру кезеңі: әнұранды орындау, оқушыларды түгендеу, назарын сабаққа аудару, түрлі-түсті стикерлер негізінде 2топқа бөлу.

Бірінші топ: «Болашақ»

Екінші топ: «Достық»

Ұрандары: 1-топтың- «Тәуелсіз елдің тірегі-оқу мен білім»

2-топтың- «Егемен елдің тірегі-оқу мен білім»

I айналым. «Ұшқыр ой» (топ жетекшілеріне 1 минутта жауп беруге 10 сұрақ ).

«Үш бақытым» өлеңінің авторы кім? (Мұқағали Мақатаев).

Қазақтар өзінің ұлттық тілін қалай деп атаған (Ана тілі)

Қай халықтың тілі көп тараған? (Қытай)

Сөйлеушілерінің саны жағынан қазақ тілі дүние жүзінде нешінші орында тұр? (70-орында)

Ауызекі сөйлеу стилі неше түрге бөлінеді? (3 түрге)

Тұрлаусыз мүшелерді ата! (бастауыш,баяндауыш)

Мақалды жалғастыр. Ана алдында-құрмет,..... (...ата алдында-қызмет)

Халық ауыз әдебиетінен мол орын алатын күрделі шығармалардың бірі. (Ертегілер)

Атақты ақын,айтыскер Б.Қожағұлұлы қай жылы,қай жерде дүниеге келді? (1834 жылы Көкшетау облысы,Еңбекшілер ауданында)

Шешендік сөздер мазмұнына қарай нешеге бөлінеді? (3 түрге,шешендік арнау,шешендік толғау,шешендік дау)

II айналым.Мақал-мәтел жарысы (Әр топ он бес мақал айтады,әр тақырыпқа 5 мақалдан)

(Туған жер,Отан,Ерлік туралы)

(Күтілетін жауаптары: Ердің құны – жүз түйе, 
Көздің құны – елу тайлақ. 
Батыр болсаң – жауыңа найзаң тисін, 
Бай болсаң – еліңе пайдаң тисін. 
 
Мерген қорғаныста тіреніш, 
Шабуылда сүйеніш. 
 
Мергеннің көзі де мерген, 
Қолы да мерген.) 

III айналым.Жұмбақ жарысы.Жұмбақтардың шешуін тауып,оларды орыс және ағылшын тіліне аударыңдар.

I топқа.

1.Тұмсығы мықты,

Ой мен қырды тегістеп шықты. (Үтік,утюг,smoothing-iron,)

2.Қимылдаса қос шебер,

Қыруар-қыруар іс өнер (Адамның қолы,рука,hand)

3.Ине бел,қылқа мойын,қара батыр

Қара тауды арқалап бара жатыр. (Құмырсқа,муравей,ant)

4.Бір бұтақ,бір бұтақта төрт бұтақ. (Айыр,вилы,pitchfork)

5.Отқа жанбайды,

Суға батпайды (Мұз,лед,ice)

II топқа

1.Қара үңгірде қара тас,

Жанғанда бет қаратпас. (Көмір,уголь,coal)

2.Ата басты,

Арқар мүйізді

Бөрі кеуделі

Бөкен санды. (Шегіртке,стекоза,dragonfly)

3.Белін бекем байлаған,

Қоқысты қоймай айдаған. (Сыпырғыш,веник,broom)

4.Бір бұлбұл отырады салып әнді,

Жүруге аяғы жоқ,емес жанды

Өнері қандай асқан деп ойладым,

Бір демде жер түбінен хабар алды. (Радио,radio)

5.Жүрсе ізі жоқ,

Сойса қаны жоқ. (Қайық,лодка,zboat)

IV айналым. Жаңылтпаш жарысы.

1.Ағаны бала ағаламағаны

Бала ағаны бағаламағаны

Ағаны бала бағаламағаны

Әдепті бала бола алмағаны.

2.Қара қарғаларға

Ала қарғалар үйір

Ала қарғаларға

Қара қарғалар үйір.

3.Төбесі төбел төрт бөрік,

Төртеуі де көк бөрік.

V айналым

(Жасырылған мақалдың жалғасын тап)

1.Батыр туса ел ырысы, 
(Жаңбыр жауса жер ырысы.) 

2. Білім — ер азығы,

(Ер — ел азығы.)

 3.Жау жоқта батыр көп, 
(Дау жоқта ақыл көп.) 

4. Білім басы — бейнет,

(соңы — зейнет.)

5.Ілім — бұлақ

(Білім — шырақ.)

6.Оқусыз білім жоқ,

(Білімсіз күнің жоқ.)

7.Оқу инемен

(құдық қазғандай.)

8. Оқу — білім азығы,

(Білім — ырыс қазығы.)

9.Ойнада күл,

(Оқыда біл.)

10.Оқу — білім бұлағы,

(Білім — өмір шырағы)

Сабақты қорыту: 2 топқа соңғы екі мақалды суреттеу беріледі.

Оқушыларды бағалау: жинаған ұпай сандары негізінде жеңімпаз топты анықтау.

Рефлексия: сабақ басталғанда таратылған стикерлерге өз ұсыныстары мен пікірлерін жазу.

Адрес публикации: https://www.prodlenka.org/metodicheskie-razrabotki/238552-azastan-bolashay-bilimdi-rpaynda