Тәуелсіздік тірегім, елім деп соққан жүрегім

«Қашаған Құржыманұлы атындағы № 8орта мектеп» мемлекеттік мекемесі

Ашық тәрбие сағаты

Тақырыбы: «Тәуелсіздік тірегім,

елім деп соққан жүрегім»

Өткізген: 2 «А» және 2 «Ғ» сынып жетекшілері

Жұмабаева Ақбалдай

Жарилгасова Жанар

Жаңаөзен қаласы

2016 – 2017 оқу жылы

Сабақтың тақырыбы: «Тәуелсіздік тірегім, елім деп соққан жүрегім»

Сабақтың мақсаты:

Білімділік: Оқушыларды еліміздің Тәуелсіздік алғанына 25 жыл толуына байланысты Қазақстан туралы білімін кеңейту.

Дамытушылық: Тарихи деректердің маңызын аша білуге және материалдарды диалектикалық тұрғыдан талдай білуге дағдыландыру.

Тәрбиелік: Тәуелсіздік жолында күрескендердің ерлігін кейінгі ұрпаққа үлгі ете отырып, ұлт жандылыққа, Отанын сүюге тәрбиелеу.

Түрі: Тәрбие сағаты

Көрнекілігі: Слайдтар, қанатты сөздер, мақал – мәтелдер, схемалар, шарлар, музыка, безендірулер.

І. Ұйымдастыру

1 – жүргізуші:

«Бостандық» - деп аталатын асқақ арман жолында қаншама қан төгілді, қаншама батыр мерт болды. Бұл арпалыс бір күн, бір түн, бір мезет емес талай ғасырларға созылған.

2 – жүргізуші:

Егемендік! Тәуелсіздік! Осыдан 25 жыл бұрын бұл сөздердің қаншалықты мағыналы екенін біз қазіргі уақыттағыдай түсінбеген шығармыз. Ешкімге тәуелді болмауды арман еткен Кенесары секілді айбарлы ханымыз Наурызбай, Ағыбай батыр найзаның ұшымен білектің күшімен күресіп құрбан болған.

3- жүргізуші:

Төле, Қазыбек, Әйтеке секілді аузы дуалы билеріміз ел тыныштығын сақтады. Сол заманнан бері азаттың егемендік елімің арманы болды. Халқының қамын жеген ата- бабаларымыздың қайсар ұрпағы 1986 жылы арман еткен тәуелсіздіктің азаттықтың туын көтерді.

Ән «Алға, Қазақстан » Өтеген Мадияр

Миға шабул 2 – слайд

Мұғалім:

1.Тәуелсіздік ұғымын қалай түсінесіңдер?

- Азаттық таңы (барлығы)

2. Қазақстанның қазіргі жай күйін сипатта.

1- оқушы:

Қазақ мемлекетінің тәуелсіздігін 1991 жылы 16 желтоқсанда жариялады.

Қазақ мемлекетінің тіуелсіздігін 140-тан астам ел таныды.

2 – оқушы:

1992 жылы Қазақстан дүние жүзіндегі ең ықпалды және беделді ұйым БҰҰ– ға

Ұйым болды.

3- оқушы:

1991 жылы қазақ халқының тұңғыш ғарышкері Тоқтар Әубәкіров ғарышқа ұшты.

4- оқушы:

1992 жылы Қазақстан Республикасы жоғарғы Кеңесінің сессиясында еліміздің мемлекеттік рәміздері қабылданды.

1993 жылы 15 қарашада ұлттық валюта теңге енгізілді.

5- оқушы:

Шарықта, шарла, көкте көк байрағым

Арманым Азаматтығым, көпке айғағым

Мен сенің Салтанатты сағатыңа

Өлеңмен алтын шашақ шоқ байладым

Ал, самға әлем кезіп әнұраным

Қалықта Елтаңбасы шаңырағым.

Әң: Әнұран 3-слайд

6- оқушы:

Отан – деген сөзім қандай әдемі

Көзге елестер бүкіл қазақ әлемі

Таңдандырды жан жағында бай өлке

Қарапайым кең дастархан әдебі

Атам қазақ аңсағаны еркіндік

Сақтау үшін азаттықты бекіндік

Қастығы жоқ қазақ деген аңыз бар

Татулықтың символымыз сертім нық.

7- оқушы:

Тұңғыш ой шерге батып тұнғанбыз

Сан сүрініп құлап қайта тұрғанбыз

Тәуелсіздік жолында енді жан пида,

Тәуелсіздік туы үшін құрбанбыз

Бақтың құсы әр адамға қонып бір

О, тәңірім бізді баққа жолықтыр!

Бүгін міне тәуелсіздік ағайын

Әр қазақтың жүрегі боп соғып тұр!

8- оқушы:

Уа, айбынды, тұғырлы елім, қазағым!

Толғандырды бүгін міне ғажап үн.

Ол – бостандық тұлпарының дүбірі

Бұзып шыққан бодандықтың азабын

Тәуелсіздік туын тіккен төріне

Аңсап ең осы сәтін ғасырдың

Енді міне айта аласың менмін деп

Қазақ деген егеменді елмін деп!

Мұғалім:

Таңғажайып атыңда дәл табылды,

Табылды да талай жұртқа танылды

Туған елім көкке жетті, көк туың

Сен тәуелсіз мемлекетсің кәдімгі

Ән: «Жаса, мәңгі Қазақстан!» Қарасай Ғазиза

9-оқушы

Желтоқсан оқиғасы

Осы бір сөзден желтоқсанның ызғары есіп тұрғандай. Осы күнді еске алған сайын сонау мұз жастанып, қар төсенген күндер ойға оралады. 1986 жылы желтоқсан оқиғасы қазақ шаңырағына елңің болашағы, бостандығы, егемендігі үшін күрескен қайсар да өр ұрпақтың егемендігі үшін күрескен.

Видеоролик: «Желтоқсан оқиғасы»

10-оқушы

Тәуелсіздік бізге оңай келмеді,

Жұртым менің не қиындық көрмеді

Жылап тұрып, аналарым бұл жолда

Сан перзентін қара жерге жерледі.

Тәуелсіздік бізге оңай келмеді,

Асау аттай өз тізгінін бермеді

Қазағымның алтын басын иілтіп

Талай дұшпан төрімізге өрледі.

11- оқушыы

1991 жылы 16- желтоқсанда мемлекеттік Тәуелсіздігі жарияланды.Дүниені дүркіретіп 70 жыл бойы көзімізді көлегейлеген перде сыпырылды.

Тәуелсізбін, егеменмін, еркінмін

Көңілім көкке шарықтады, серпілдім

Көкірегім мұздап еді, ерідім

Домбырадай күмбірледі көңілім.

Ән: «Домбыра» Қарашеке Жалғас

12- оқушы:

Ата – баба ақ тілеуі өтелді

Еркіндік ап елім еңсе көтерді

Қазыналы Қазақстан Тәуелсіз

Байлығымен таңдандырды бөтенді

Қазақстан гүлдеп таңы атады

Тарады бүгін жер шарына атағы

Қазақстан Құрманғазы, Абайлар

Қазақстан Қаныш Мұхтар Отаны!

13- оқушы

Өмір шамың қайта жанды сөнгенде

Нұрсұлтаным президент боп келгенде

Шаттықпен адам жүзі күлімдеп

Дауыс берген сайлау күні бар пенде

Сансыз бұлақ ағып жатты бұлқынып

Таңым атты шұғыладан нұр құйып

Шетте жүрген бауырларым бас қосып

Егеменді қазақ деген ел болып.

Концерттік нөмір

1-жүргізуші:

«Қамажай» биі Болат Замира

2- жүргізуші

«Елтаңбасы елімнің» Бектурған Қарақат

3- жүргізуші

Ән «Қыдырып қайтайық» Қарасай Ғазиза

«Көңілді күн»Қарасай Ғазиза

Қорытынды

Ән «Көк тудың желбірегені» Нұржаубаев Ермұхан

Балалардың қолында

Т Ә У Е Л С І З Д І К К Е 2 5 Ж Ы Л !

Адрес публикации: https://www.prodlenka.org/metodicheskie-razrabotki/238723-tuelsizdik-tiregim-elim-dep-soan-zhregim