Мен жаңашыл ұстазбын

Уақыт бір орында тұрмайды, кешегі күн артта қалып, бүгініміз ертеңге ұласады. Кез-келген жаңа заман адамының алдында өмір сүріп жатқан заман мен қоғам талаптарына сай жаңа міндет туындайды. Ол осы қоғам мүшесінің барлығына үлкеніне де, кішісіне де бірдей ортақ. Оқытудың әр түрлі технологиялары сараланып, жаңашыл педагогтардың іс-тәжірибесі зерттеліп, мектеп өміріне біртіндеп енгізілуде. Осыған орай, бүгінгі таңда жаңашыл ұстаз қандай болу керек? Мен жаңашыл ұстазбын ба? деген сұрақ мені алаңдатады.

Жаңашыл ұстаз заман ағымына қарай жаңашылдыққа бет бұру керек. Күнделікті өміріміздің өзі күн сайын өзгеріп тұрады емес пе? Сол сияқты, өзімнің ұстаздық жолыма, күнделікті сабағымның жоспарын жаңаша үлгіде құрып, әдіс-тәсілдерді енгізуді дағдыланып жатырмын. Кешегі ұстаздық жылдарым қандай?... Бүгінгі күні қандай болуда?... Болашағымда қандай болады?... ҰСТАНЫМ, КӨЗҚАРАС, ШЕШІМ, ІС-ӘРЕКЕТ – басты қағидаларына екендігіне көз жеткіздім, сол арқылы өз оқушыларымды тануға, ойымен санасуға, үздіксіз ізденуге бағыттаймын .

Үш айлық курс демекші, Пажарес (1992) Оқыту стилін таңдау кезінде мұғалімнің білімділігінен гөрі, ұстанымға негізделген ой-тоқтамдарының ықпалы күштірек деп сендіреді және мен оған келесемен.Тамыры тереңге кеткен «дәстүрлі» оқыту мұғалімнің жаңашыл идеяларды қабылдау қабілетін шектеуде. Осыдан екі жыл бұрынғы сабақтарым бірсарынды еді.Жақсы оқитын белсенді, ал қабылдауызейіні қалыпты емес оқушылар қалыс қалып отыратын. Мен осындай оқушылардың назарын аудару мақсатында оқытуды жақсарту тәсілдерін табу үшін алаңдаймын. Ал, осы мәселені қалай шешудемін?

Қазіргі заман талабына сай, мен әрқашан ізденісте болып, сабақтарыма өзгеріс енгізу үшін өзіндік білімімді үздіксіз көтеріп отыру керекпін. Сол себепте «Математика сабақтарында критериалды бағалау арқылы оқушы мүмкіндігін арттыруға жол ашу» тақырыбын таңдап отырмын. Бұл тақырыптың таңдау себебім, егер бала белгілі бір деңгейге, мысалы «бүгін сабақта 5 алдын, т.с.с» жеткендігін айтса, онда ол үздік нәтижеге жету деген сөз емес, ал егер баламен бірге жұмыс жасап, жұмысына талдау жасап отырса, онда ол өзінің нәтижесін жақсарту үшін, кейін не істеу керектігін түсінуге мүмкіндік алады.

Ал қазіргі кезде критерийалды бағалауды жүзеге асырудамын. Критерийалды бағалау – бұл білім алушының оқудың қандай сатысында, қандай бағытта екенің анықтау, өзін бағдарлау үшін қажет.

Қазіргі заманға сай мұғалім – ол көшбасшы болып оқу процесін әрқашанда жаңа технологиялармен қамтамасыз етіп отыру керек. Бұл тарапта тек мұғалімнің кәсіби құзырлылығын ғана емес, сонымен қатар адамгершілік қасиеттері, жеке тұлға ретінде дамуының маңызы зор. Қазақстанды жарқын болашаққа бастайтын жаңа ұрпақ, ал жаңа ұрпақты тәрбиелеуші–жаңа заман ұстаздары, яғни көшбасшы-мұғалімдер. Қалай көшбасшылық рөлді атқарамын? деген сан түрлі сауалдар мені жатсам да, тұрсам да мазалай береді. Дегенменде, «Оқу мен оқыту тәжірибеде қалай жүзеге асатындығы ол мұғалімнің өз қолында деуге болады», - деп өзіме жігерілік таныта аламын.

Қазіргі жаңашыл, сындарлы, жаңа форматтағы мұғалімге күнен-күнге ауысудамын. Осыған байланысты өзімнің тәжірибемді саралай келсем,

2014 жылы Мойнақ ауылындағы № 23 орта мектебінің «Жас келсе-іске» атты жас мамандар байқауында І орынға ие болдым.

2015 жылы Алматы облысы бойынша педагог қызметкерлердің біліктілігін арттыру институтында Қазақстан Республикасы педагог кадрларының біліктілігін арттырудың деңгейлі бағдарламалары аясында үшінші(базалық) деңгей бағдарламасы бойынша мұғалімдерді оқыту курсын аяқтадым.

2015 жылы өңіраралық «Ұшқыр ізденіс пен шығармашылық шабыт -2015» педагогикалық жобалар байқауында жүлделі ІІІ орынды иелендім.

5- 11 сынып оқушыларының білім сапасы соңғы үш жылы бойынша 46% - 71 % жоғарлады. Ал 11 - сынып оқушылардың Ұлттық бірыңғай тестілеу қорытындысы бойынша орта ұпайлары 11 дан – 15 баллға дейін өсуде және ҰБТ-ден «2» алған оқушылар болған жоқ. Сонымен қатар, халықаралық, республикалық, облыстық , қалалық деңгейде оқушыларым жүлделі орындарға ие болуына шүкірлік етемін.

Болашақта мен іс-тәжірибемде әлі де нені өзгерткім келеді?

Өзімнің көшбасшылығымда дамыту жұмыстарымда рефлекцияны үнемі жүргізіп, жоспар құрғанда әріптестерім мен кеңесіп, бірлесіп, жұмыс жасап, туындайтын мәселелерді бірлесіп анықтап, жоспар құруды енгіземін. Әдістемелік жұмысымның тақырыбы критериалды бағалауға байланысты болғандықтан, мен осы модулінің стратегияларын сабақ барысында жетілдіремін. Оқушылардың сыни ойлауларына ықпал ету, еркіндігін, белсенділігін қалыптастырамын. Осы жоғарыдағы аталған барлық мүмкіншіліктерді пайдалана отырып, болашақта өзімнің кәсіби деңгейімді жоғарлатуға басты назар аударуына сенімдемін.

«Стронг мектеп жұмысы мен оқушы жетістіктерін өрістетудегі негізгі тұлға–мұғалім» деп айтқандай, тәуелсіз еліміздің өркениеті дамыған елдер қатарына кіруіне стратегиялық мақсат қойып, өркениетке жету үшін, жан-жақты дамыған, шығармашыл, ізденімпаз оқушы тәрбиелеу негізінде мен, сыни тұрғыдан ойлана отырып, білім саласында жаңартылған білім беру мазмұнына сай аянбай еңбек етуге шақырамын.

Адрес публикации: https://www.prodlenka.org/metodicheskie-razrabotki/247213-men-zhaashyl-stazbyn