Технологическая карта урока математики: сложение двузначных чисел и решение задач

Тема: 2 санын берурынлы саннарга кушу.

Максат:1.2санын берурынлы саннарга кушу очраклары белән таныштыру.

2.Исәпләү күнекмәләрен үстерү.

3. Икеурынлы саннар белән таныштыру.

4. Уку культурасы булдыру.

Көтелгән нәтиҗә:

1. 2 санын берурынлы саннарга куша белү.

2. Икеурынлы сан белән берурынлы санны аера белү,ни өчен шулай икәнен аңлата белү .

3. 2санын кушу таблицасын истә калдыру.

Төп төшенчәләр: берурынлы сан,икеурынлы сан

Бурычлар:

1.Шәхесне формалаштыруга юнәлдергән УУГ: 2 санын кушу таблицасын дөрес куллана белергә өйрәтү.

2.Регулятив УУГ: дәрестә үз эшчәнлегеңне планлаштыра белергә өйрәнү.

3.Танып-белү УУГ: 2санын кушканда дөрес фикер йөртергә өйрәнү; сан белән цифр арасында аерманы белү; берурынлы сан белән икеурынлы санны аера белү;

4.Коммуникатив УУГ: Парларда, төркемдә эшли белү күнекмәләре булдыру; үз фикереңне төгәл әйтә белү.

Предметара бәйләнеш: Математика,геометрия,әйләнә-тирә,физкультура.

Ресурслар: Дәреслек “Математика”, мөстәкыйль эш дәфтәре 1 класс А.Л.Чекин.Методик материаллар, презентация, индивидуаль карточкалар, Кирилл и Мефодий сайты

Оештыру: Эш төре-фронталь,индивидуаль

Тема: “Күбурынлы саннарны баганалап кушу һәм алу. Кабатлы чагыштыруга мәсьәләләр” темасын ныгыту.

Максат:1.Күбурынлы саннарны баганалап язып кушу һәм алу күнекмәләрен үстерү.

2. Телдән исәпләү күнекмәләрен ныгыту.

3. Кабатлы чагыштыруга мәсьәләләр чишү буенча белемнәрен камилләштерү.

4. Математика фәненә мәхәббәт тәрбияләү

Көтелгән нәтиҗә:предметлы- өйрәнелгән исәпләү күнекмәләрен ныгыту; кабатлы чагыштыруга карата мәсьәләләр чишә белү.

метапредметлы- арифметик гамәл билгеләре нигезендә биремнәр үтәү.

Төп төшенчәләр: кабатлы чагыштыруга мәсьәләләр, күбурынлы саннар

Дәреснең бурычлары:

Шәхесне формалаштыруга юнәлдергән УУГ: мәгънәлелек тудыру;

Регулятив УУГ:үз эшен планлаштыру, эш этапларын төзү;

Танып-белү УУГ:логик фикер йөртү, анализ ясау , укучыларның игътибарлылыкларын, хәтерләрен үстерүгә җирлек тудыру;

Коммуникатив УУГ : Парларда, коллективта эшли белү күнекмәләрен камилләштерү; үз эшен регуляцияләүдә һәм планлаштыруда сөйләмне куллану

Ресурслар: дәреслек (А.Л.Чекин.Математика. 3 класс.1 нче кисәк), мөстәкыйль эшләр дәфтәре №1, Методик материаллар, презентация, индивидуаль карточкалар, Кирилл и Мефодий сайты

Дәрес барышы

I.Оештыру өлеше.

Исәнмесез, хәерле көн,

Хәерле көн, гөлләр,

Хәерле көн, кошлар,

Хәерле көн, укучылар,

Хәерле көн, безгә килгән кунаклар! ( слайд1)

Әйдәгез елмаешыйк. Һәм мин ышанып калам , үзебезнең эшчәнлегебездән дәрес буена яхшы кәефләр сакланыр. Бер-берегезгә уңышлар телик тә , шушы күтәренке кәефтә дәресебезне башлыйк.

Бүген безнең дәресебезне Зирәк Ябалак күзәтер.Сезнең зирәклегегезне тикшерер,үзенең киңәшләрен бирер.(слайд2)

II.Актуальләштерү.Логик фикерләүне үстерү.

Мөст.эш.

Тиздән табигатькә кыш аяк басачак. Шуңа күрә без бүген сезнең белән чаңгы, таяк һәм ботинкаларыбызны кышка әзерләп куярбыз.

Чаңгыларга –таяклар һәм ботинка парларын табу.

Киселгән карточкалардан әкияткә иллюстрацияне җыю

Укытучы белән эш

Ә хәзер “Күңелле мәсьәләр” чишәбез. Сезнең алда санлы карточкалар ята.Җавапларны шул карточкалар ярдәмендә күрсәтергә кирәк.

Кош оясыннан 1 томшык күренеп тора. Ояда ничә кош? (1)

Илсур,Марат һәм Динә

Бер песнәккә җим бирә

Килде тагын бер песнәк

Ничә песнәк булды әйт (2)

3.Минем 1 сары карандашым бар иде, миңа тагын 1 яшел һәм 1 кызыл карандаш алдылар. Минем ничә карандашым булды? (3)

4.Бер имәндә тиеннең

Яшерен биш гөмбәсе бар.

Ул тагын берне куйды

Ничә гөмбәсе булды ? (6 )

5. Ишегалдында 2 сарык һәм 1 әтәч йөри.Аларның барысына ничә аяк? (10)

6. Ике тычканның ничә колагы бар? (4)

7. 6 аю баласы  җиләк җыярга ашыга икән. Берсе арып  артта калган. Ничә аю баласы алга чапкан?(5)

8. Кыр буйлап каз, әтәч, песи чабып үткән.Кырда ничә тәпи чапты икән? (8)

9. Куянның 10 кишере бар иде.Ул аның берсен ашады.Куянның ничә кишере калды? (9)

10. Алсуның 6 дәфтәре бар иде.Апасы аңа тагын 1 дәфтәр бирде.Алсуның ничә дәфтәре булды? (7)

- Ә, хәзер шул карточкаларны алдыгызга берегез үсә бару тәртибендә, ә икенчегез кими бару тәртибендә куегыз.

(1,2, 3,4, 5,6,7,8,9, 10) ( 10,9,8,7,6,5,4,3,2,1) ( Слайд3)

III. Яңа материалны аңлау өстендә эш

Укыт. б-н эш

1.Тактада мисаллар язылган.Алар турында сез нәрсә әйтә алырсыз.(слайд 4)

2+2 2+3 2+4 2+5

2+6 2+7 2+8 2+9

-Һәрберсенең беренче кушылучысы 2

-Дөрес. Димәк без бүген дәрестә нәрсә өйрәнербез?

-2 санын кушарга.

-Ә без аларның җавапларын беләбезме?

-Без аларның җавапларын саннар составы буенча беләбез.

2. Укытучы 2 не кушу алымын аңлата

1, 2, 3, 4, 5, 6, 7, 8, 9, 10

3.2 не кушуга карата мисалларны телдән исәпләү

Мөст. эш

– Ә хәзер сезнең дәрес темасын ни дәрәҗәдә аңлавыгызны тикшереп карарбыз.

http://km.edu.tatar.ru/KBLessons.php# - 1. сайтында 2 не кушуга карата бирелгән мисалларны чишү

2.Раскрасканы буяу ( 3 кл. укучылары белән эш бетмәгән очракта)- Мисалларны исәпләргә һәм шул саннарга туры килүче төсләргә буярга

Укыт.белән эш

3.Әйдәгез 2+9 мисалының җавабын чыгарабыз.(слайд 5)

КУИЗ-КУИЗ-ТРЭЙД

-Ни өчен без бу мисалга аерым тукталдык?

-Аның суммасы дистәдән артып китә.

-Менә сезгә Зирәк Ябалак 2санын кушу таблицасын бирә.Сез аны бик яхшы өйрәнергә тиеш.

(Слайд 6)

ФИЗМИНУТКА

IV.Алган белемнәрне ныгыту.

Укыт.б-н эш

1.Дәреслек буенча эш (слайд 7)

№1 дәфтәргә эшлибез (җавапларны каршы күршең белән тикшер)

2.Дәфтәр буенча эш ( слайд8)

1) 83 бит №3,4,5 – рәсемнәр буенча суммалар төзү һәм чишү.

Мөст.эш.

2. 85 бит №7 – кушу гамәлләрен башкару.

3. 86 бит №8,9- схемалар буенча язмаларны тулыландыру.

4. 87 бит №11 – кушу гамәлләрен башкару.

V.Йомгаклау

-Без бүген дәрестә нәрсә белән таныштык?

-2 не кушу таблицасы белән.

Менә инде кыш айлары якынлашса да әле кар күренми . баласына тау өяргә ярдәм итик . (Презентация уен

VI.Рефлексия.

-Дәрес сезгә ошадымы? (слайд 9) Дәрескә карата үзегезнең эшчәнлегегезгә бәя бирегез

II.Актуальләштерү.Телдән исәпләү күнекмәләрен үстерү.

Укытучы белән эш. ( слайд1)

1.Тактада эшләү

1)7,0,6,5 цифрларыннан төзелгән иң зур санны яз. Һәр цифр бер генә тапкыр языла.

2) Бераз урын калдырып шушы ук цифрлар ярдәмендә иң кечкенә санны яз.

2.Зирәклеккә мәсьәләләр чишү

1.Петербургтан Мәскәүгә кадәр самолет 1 сәг. 20 минут оча.Ә кире кайтканда ул шушы ук юлга 80 минут сарыф итә.Моны ничек аңларга?

2. Тактага төсле бур белән сүзләр язылган. Зәңгәр һәм сары белән язылган сүзләрнең икенче һәм өченче хәрефләре, ә зәңгәр һәм ал төс белән язылган сүзләрнең дүртенче хәрефләре бертөрле. Һәр сүз нинди төс белән язылган?

колын ( сары) китап (ал) болан (зәңгәр)

Мөст.эш. 1.Индивидуаль карточкалар буенча эш (слайд2)

-803 - 736 - 425 +256 +357 -402

169 608 375 657 456 130

Җаваплар дөрес булырлык итеп төшеп калган саннарны куй:

345*7 +341*9 -483*1 -*04*1 + 90*004

3*09*7*712*684_3*45 791*8

31058621601863746576979152

2.Мисалларның дөреслеген тикшерү ( укучылар дәфтәрләрне алыштырып бер-берләренең җавапларын тикшереп бәялиләр)

(слайд3)

-803 - 736 - 425 +256 +357 -402

169 608 375 657 456 130

634 128 50 913 813 272

III Дәрес материалы өстендә эш. Белемнәрне ныгыту

Мөст.эш

Мөстәкыйль эш дәфтәрләрендәге биремнәрне үтәү

а) 62 бит №136- фигураларның периметрларын чагыштыру

б) 63 бит № 137- мәсьәләне уку,шартын тулыландыру һәм чишелешне язу

в) 63 бит №138 - бирелгән сорауларга җавап булырлык итеп аңлатмалар төзү.

Укыт.б-н эш

Биремнәрнең дөреслеген тикшерү, хаталарны анализлау.

«Футбол» уены – презентация буенча

Мөст. эш

Индивидуаль карточкалар буенча эш

Карточка№1 (Кушымтада)

1. 7 саны уйланган саннан 4 тапкырга кечерәк .Нинди сан уйланылган?____________

2. 4 тән 12 ничә тапкыр зуррак?____________

3. 10 нан 30 күпмегә зуррак?_________________

4. 3 тән 9 тапкыр зуррак сан килеп чыгарлык итеп,

34 санын күпмегә киметергә кирәк?_______________

(дәвамы бар)

ФИЗМИНУТКА

IV.Алган белемнәрне ныгыту.

Мөст. эш

1.Карточка№2 (Кушымтада)

1. 6 саны 54 тән күпмегә азрак?

Чишү_____________________Җавап ______________

2. 6 саны 54 тән ничә тапкыр кимрәк?

Чишү____________________Җавап___________

3. 35 саны 7 дән ничә тапкырга зуррак?

Чишү_____________________Җавап_______________________

4.35 саны 7 дән ничәгә зуррак?

Чишү___________________Җавап______________________

Укытучы б-н эш

2.Эшләрнең дөреслеген тикшерү

3.Дәреслек буенча эш – 100 бит №331,332,333,334,335 – телдән эшләү

4.Карточка буенча эш

( Мәсьәләгә бергәләп шарт төзелә һәм дәфтәрләргә язып эшлиләр) ( слайд4-5)

Беренче йортта 80 фатир, икенчесендә беренчесенә караганда 4 тапкырга кимрәк, ә өченчесендә беренчесе һәм икенче йортның икесендә бергә ничә фатир булса, шуның кадәр. Өченче йортта ничә фатир булган?

Мисалларны баганалап язып исәпләргә ( Һәр укучы тактага чыгып мисалларны баганалап язып исәпли) (слайд 6)

45098-8976 23456+2309 34089- 6567 90876- 4589

56009+ 8745 95687 - 45987 5678+ 1290 98450 + 2368

V.Йомгаклау

-Без бүген дәрестә нәрсәләрне кабатладык?

-Күбурынлы саннарны кушу һәм алу, кабатлы чагыштыру

Әйдәгез без сезнең белән дәресне йомгаклап аю

“Умка”.

VI.Рефлексия.

-Дәрес сезгә ошадымы? (слайд 9) Дәрескә карата үзегезнең эшчәнлегегезгә бәя бирегез

2. Өй эше бирү 64 бит №139,140 мәсьәләләрне чишәргә