Открытый урок по родному языку в начальной школе: конспект и методический план

Ирон æвзаджы гом урок

темæ:

«Уалдзæг-райы зæхх…

Мивдисæг»

Къудухты Гульнази

МБОУ «СОШ № 2 ст. Архонская»

ахуыргæнæг.

Урочы нысан:

1.Ахуырадон хæс:Ныхасы хайы мивдисæг фæлхат кæнын.

2.Ныхасы рæзтыл куыст: Сывæллæтты лексикæйы хъæздыгдзинадыл кусын. Ахуыр кæнын хибарæй хъуыды кæныныл,хатдзæгтæ кæнын æмæ хи хъуыды æргом кæнын.

3.Хъомыладон хæс: Ирон æвзагмæ уарзондзинад гуырын кæнын. Разæнгард кæнын æрдз хъахъхъæнын .

Урочы пайда гонд цæуы:3-æм къласы ирон æвзаджы ахуыргæнæн чиныгæй,компьютерæй,интерактивон фæйнæгæй.

Урочы цыд:

1.Бацæттæгæнæн рæстæг.

-Уæ бон хорз сывæллæттæ.

-Алыбон æгас нæм цæут нæ зынаргъ уазджытæ.

2.Зонындзинæдты актуализаци. Мотиваци:

- æрæджы фехъуыстон диссаджы рæсугъд зарæг,мæ зæрдæмæ тынг фæцыд.Уыцы зарæг баст у абон цæуыл дзурдзыстæм уыимæ. Байхъусут йæм лæмбынæг сымах дæр. (2-аг слайд)-зарæг «Уалдзæг»

-Фæнды ма мæ бакæсын иу æмдзæвгæ …

Ног та сулӕфыди зӕхх,
Быдыр ранӕй ран фацъӕх.
Бӕлас акалдта сыфтӕр.
Хъуысы тракторы къӕр-къӕр.
Дзывылдар дӕр нӕм ӕртахт,
Тынг ыл бацин кодтам мах.
У нӕм булӕмӕргъ дӕр уазӕг,-
Уый та нӕм ӕрлӕууыдуалдзӕг!

-Уæдæ уæм куыд кæсы цæуыл дзурдзыстæм абон урочы?

-Уалдзæджы тыххæй !

-Цы срæсугъд кæны нæ уалдзæг?

-Куыд уæм кæсы уалдзæг рæсугъд афæдзы афон у?

- Уалдзæджы рæсугъддзинад фенæн ис нывты, æмдзæвгæты.

-Хæдзармæ уын уыдис хæслæвæрд сахуыр кæнын æмдзæвгæтæ уалдзæджы тыххæй?

Уалдзæг

Худынц фæзтæ,

Райы зæхх…

Иууыл бæстæ

Дары цъæх…

Гъе,мæ бæстаг,

Цырддæр лæуу:

Ахæм рæстæг

Сафгæ нæу. Хъаныхъуаты Руслан.

-Цы схъæлдзæг кæны нæ уалдзæг?

-Цы æртæхы уалдзæджы хъарм бæстæй?(4-æм слайд)

ЗÆРВАТЫКК

Зæрватыкк – æнæхъыг,

Æнæмаст цæрæг!

Дæ зарæг – нæ дарæг,

Нæ уалдзæггæнæг!

Хъæлдзæгæй, æвзыгъдæй

Фæхæтай фæрнæй

Нæ хæхты, нæ бæсты,

Æлдар кæмæн нæй! Хетæгкаты Къоста

-Цæмæй хъæлдзæг кæнынц нæ уалдзæг?

-Зардæй.

-Уæдæ ма сæм байхъусут куыд рæсугъд зарын уымæ.(3-аг слайд)

3.Текстыл куыст(5-æм слайд)

-Алкæмæн дæр йæ разы ис текст æмæ йæ бакæсæм.Стæй радзурут цавæр ивддзинæдтæ æрцæуы æрдзы мидæг уалдзæджы?

Ралæууыдис уалдзæг. Бонтæ фӕдаргъ сты. Уæлдæф фæхъарм ис. Мит атад. Хуры цæст йæ фæлмæн тынтæй рæвдауы бæстæ. Хуссар фæцъæх, цæгат фæхъулон. Зæхх йæ тар фынæййæ райхъал.Бæстæ йæ мидбылты худы, уарзон, хъæлдзæг цæстæнгас дæтты. Бæлæстæ сыфтæр рафтыдтой, фӕзындысты сыл хæрздæф дидинджытæ. Уалдзæджы тæфмæ йæ урс сæр миты бынæйæ сдары ӕрдзы фидауц- малусӕг. Рæсугъд дидинæг у малусæг. Адæм ыл цин кæнынц. Йæ урс базыртыл сын æрхæссы уалдзæг. Хуры тынтæ зæхх æндавын куы райдайынц, уæд æппæты фыццаг хуссарæй чи ртæхы, уыцы мæргътимæ вæййынц дзывылдæрттæ. Зæрватыччыты хуызæн, уыдон дæр сты адæмы уарзондæр мæргътæ. Дзывылдар куы 'ртæхы, уæд адæм сæ уалдзыгон куыстытæ райдайынц: чи гутон аразы, чи хуым кæны, чи мыггаг тауы.Адæймаг- æрдзы хъæбул. Йæ зонджындæр хъæбул. Æмæ хъуамæ зонæм не сфæлдисæг æрдз, зонæм æй æмæ йыл аудæм.

а)Беседæ тексты бындурыл:

-Уæдæ цавæр ивддзинæдтæ æрцæуы æрдзы мидæг уалдзæджы?

-Рæсугъд афæдзы афон у уалдзæг?

- уалдзæг уæм цавæр æнкъарæнтæ сæвзæрын кодта?

- Фыццагдæр цавæр дидинæг дфæзыны?

-Цавæр мæргътæ æртæхынц хъарм бæстæй?

-Цавæр уалдзыгон куыстытæ райдайынц адæм?

-Сымах та куыд сæмбæлут уалдзæгыл?

Дзырдуатон куыст:

Сывæллæттæ куыд æмбарут ахæм дзырдтæ :

Малусæг (6-æм слайд)

Дзывылдар (7-æм слайд)

4.Релоксаци (8-æмслайд фи. минутка цæстытæн)

-Ныр та нæ цæстытæ баулæфой цы уынут уый фæстæ кæсут.

-æмбисонд:дзывылдар уалдзæджы минæвар. Куыд й æмбарут?

-Сымах та цавæр æмбисæндтæ зонут? Хæдзармæ уын уыди æмбисæндтæ бацæттæ кæнын…

5.Тест . (9-10 æм слайдтæ)

Сывæллæттæ уæ разы стъолыл ис хи аргъ кæныныны сыфтæ,æркæсут ма тестмæ.

1.Быдыртæ сæхи сфæлыстой алыхуызон:
а) дыргътæй б) дидинджытæй

2.Адæм сæ ….. куыстытæ кæнынц.
а) уалдзыгон б) фæззыгон

3.Йæ урс базыртыл сын æрхæссы…
а) сæрд æ) уалдзæг
4.Дидинджытæй фыццагдæр фæзыны:
а) уарди б) малусæг

5.Уæлдæф:
а) фæхъарм б) фæуазал

-Тексты ссарут мивдисджытæ æмæ сын зæгъут сæ афон сæ æмæ сæ нымæц.

6.Фæлладуадзæн минут.Не уæнгтæ аивазæм.

7.Хæслæвæрттæ.

1.Дамгъæтæй сараз дзырдта.(11-12- æм слайд)

Д,н ,д,и,г ,и, æ –дидинæг
л,у,а,дз, æ,г–уалдзæг
к,з,æ,р,в,т,а,ы,к– зæрватыкк
а,æ,с.г,у,м,л– малусæг

Р,дз,æ-æрдз

2.Бакæс дзырдты къордтæ æмæ
сæ сараз хъуыдыйæдтæ.(14-æм слайд)
1.Та,уалдзæг,æрцыдис,нæм!

Æрцыди та нæм уалдзæг!

2.Фестадис,дидинæг,бæстæ.

Бæстæ дидинæг фестадис.

3.Цъæх,æрдз,дарæс,йæ,скодта.

Æрдз йæ цъæх дарæс скодта.

4.Алыхуызон,зарынц,мæргътæ,хъæлæстæй.

Мæргътæ зарынц алыхуызон хъæлæстæй.

3.Дзырдтæй дзырдбæстытæ саразут.Бафтауæм сæм мивдисджытæ .(15-æм слайд)

1.чызг

2.булæмæргъ

3. скъоладзау

4.къæвда…

5.уалдзæг…

8.Чиныгимæ куыст.Æркæсут нывмæ. Саразут радзырд.

Зиу.

(нывмæ гæсгæ куыст)

Ирон адæмы æгъдæутты 'хсæн хицæн бынат ахсы зиу-кæрæдзийæн æххуыс кæныны æгъдау.Зиуы сæйраг нысан уыдис , æххуыс хъуаг чи уыди,уымæ фæкæсын.Ныры рæстæджы дæр ма цæры зиуы æгъдау.

-Цавæрафæдзы афон æвдыст цæуы нывы?

-Сывæллæттæн нæмтæ раттæм.

-æркæсут ма фыццаг нывмæ æмæ зæгъут цы кусынц сывæллæттæ?

-Нывтæм гæсгæ æрхъуыды кæнын хъуыдыйæдтæ.

Хъазт –пантамима.

-Кæцы ныв нын равдыста Давид?

-Лæппутæ цы равдыстой уымæ цавæр фарстатæ ис раттæн?

9.Урочы хатдзæгтæ. Рефлекси

Беседæ.

-Цæуыл дзырдтам абон урочы?

-Цы баззыдтам уалдзæджы тыххæй?

-Сывæллæттæ абон тынг хорз куыстат æмæ уын стыр бузныг.

-Бæрæггæнæнтæ сæвæрын

-Аргъ кæныны сывтæм æркæсын æмæ нысæнттæ сывæрын.

- Кæй куыст фæцыд абон уæ зæрдæмæ?

-Цы уæм фæкаст цымыдисаг урочы?

-Урок уæ зæрдæмæ фæцыд?

- Перед вами смайлики с улыбочкой и без, если вам понравился урок, то поднимите улыбающийся смайлик. Не понравился, то смайлик без улыбки.

-Майдантæ райуарын.

- Уæдæ нæ ног фембæлдмæ.

10.Хæдзармæ куыст:

Уалдзæг у рæсугъд афæдзы афон.Мæ цæстыты ауадысты тынг рæсугъд уалдзыгон нывтæ.Сымах цæстытыл ницы нывтæ ауадысты? Сныв кæнут хæдзары цавæр уалдзыгон нывтæ ауадысты уæ цæстытыл.

Адрес публикации: https://www.prodlenka.org/metodicheskie-razrabotki/280746-konspekt-otkrytogo-uroka-po-rodnomu-jazyku