Урок крымскотатарского языка 4 класс

4 сыныф

Къырымтатар тили

Мевзу. Джыныс ве хас исимлер.

Макъсат. Талебелерге джыныс ве хас исимлер акъкъында бильги бермек;

Талебелернинъ лугъат байлагъыны кенишлетмек;

ана-тилимизге, Ватанымызгъа севги ашламакъ.

Универсаль окъув фаалиетлери.

Предмет нетиджелери. Джыныс ве хас исимлер акъкъында малюмат бермек ве бильгилерни арттырмакъ; суаллерге догъру ве толу джевап бермек.

Метапредмет нетиджелери. Дерснинъ эсас меселесини анъламакъ ве анълатмакъ; оджанынъ ярдымынен дерс меселесини чезмек.

Шахсиет нетиджелери. Озь ишине къыймет кесмек, нетидже чыкъармакъ. Нутукъ медениетини инкишаф этмек.

Корьгезмелер. Джедвеллер, ресимлер, Къырымнынъ харитасы, карточкалар.

Дерснинъ кетишаты.

Эпиграф: «Эр сёз ериндже айтылыр». (аталар сёзлери)

Тешкилий къысым. Селямлашув. Субет.

-Бугунь айнынъ къачынджы куню?

-Бугунь афтанынъ насыл куню?

-Афтанынъ ярынки куню насыл?

-Афтанынъ тюневинки куню насыл эди?

II. Талебелернинъ бильгилерини актуаллештирюв.

Оджанынъ сёзю. Кечкен дерсте биз ана Ватанымыз акъкъында субетлештик, бугунь исе джевабыны тахтагъа язмагъа арекет этеджекмиз.

1. Бизим яшагъан улькемизнинъ адыны билесинъизми?

(-Къырым)

2. Къырым насыл мемлекетнинъ къысымына кире?

(-Русиенинъ)

3. Русие меркезий шеэрининъ ады недир?

(-Москва)

4. Догъру. Меркез шеэрге не деймиз?

(-Пайтахт)

Къырымнынъ пайтахтыны билесинъизми?

(-Акъмесджит)

5. Акъмесджитте насыл озен акъа?

(-Салгъыр)

6. Къырымнынъ даа насыл озенлерини билесиз?

(-Къарасув, Авунда, Бельбек, Альма, Къачы)

Оджа исимлер мевзусыны девам эте.

- Балалар, кечкен дерсте биз «исим» деген сёз чешитинен ишледик. Бугунь девам этейик.

Исимлерге эмиет бериле.

- Не ичюн бугунь анъылгъан исимлернинъ базылары уфакъ арифнен, базылары буюк арифнен языла?

(-Хас исимлер буюк арифнен, джыныс исимлер уфакъ арифнен языла)

III. Пекитюв. Дерсликнен чалышув.

С.-80 Къаиделерни окъумакъ.

152-иш. Джумлелерни дикъкъатнен динъленъиз, хас исимлерни сол тарафта, джыныс исимлерни-сагъ тарафта язынъыз.

(Эки талебе тахтада яза.)

IV. Раатлыкъ дакъкъасы.

V. Лугъат иши. Сёзлерге синоним тапынъыз.

А) Дервиза-байрам

Мукяфат-бахшыш

Курешчи-спортчы.

Б) Оюн шекильде.

Инджи-къыйметли таш (джыныс)

Инджифе-къызнынъ ады (хас);

Шемсие-къызнынъ ады (хас)

Шемсие-ягъмурдан сакълагъан алямет (джыныс);

Арслан-огълан ады (хас)

арслан-айван чешити.

В) Ватан сёзюне синонимлер тапмакъ:

VI. Мустакъиль иш (чифтлешип)

Карточкаларнен чалышув

Булмача тизмек

VII. Рефлексия. Нетидже чыкъарув.

-Бугунь насыл мевзуны кечтик?

-Нелерни огрендик?

-Нелер бизге агъыр олды?

-Нени даа бильмек истейсиз?

Оджа. Машалла сизге! Бугунь яхшы ишлединъиз! Озюнъизге баа къоюнъыз!

VIII. Эв вазифеси. Ватанымызнынъ хас адларыны язып келинъиз.

Дерсни ишлеген:

Асанова Фатма Османовна

МБУМ 33-санлы мектебининъ къырымтатар тили ве эдебиятынынъ I категориялы оджасы

Адрес публикации: https://www.prodlenka.org/metodicheskie-razrabotki/297501-urok-krymskotatarskogo-jazyka-4-klass