Доклад на тему "« Мезла ва литературала дурсрачиб багьуди бяркъла ва – бузериличи диги алкlахънила хlянчи»

Ургубамахинская СОШ.

Мурхьти багьудлумачи бегlбирниличил барх, дурхlни адаблашал умутили, яхlчебтили, чекабизуртили, бузери дигутили, гьалмагъдешлис мартили бяркъес чебтили саби. Ил школала бекlлибиубси мурадра саби. Ашкарлигу, ил мурад дарс кабихьнила тяхlурти, классла дураб бируси хlянчила качество ункъдикlахънилизиб учительтала коллектив цабалгунхlелицун сархес вирар.

Нушала пачалихъли челябкьла гьарли –марси жагаси адам айкьес дурабуркlуси къайгъи халаси саби. Ил багьандан гьарил учительли сунела пагьму, устадеш, опыт, хlянчиличи диги ва гъира дурхlназир багьудлумачил барх бузериличи дигира адикьниличи дяхlчиаэс гlягlнити сари. Дурхlнас багьуди ва бяркъ дедлугнилизиб имцlаси ва бегlлара бекlлибиубсигъуна мер бурцули саби дарсли. Виубцад ункъли дарс хlядурбарнилизиб ва ил чебетаахъили бетархахънилизиб чебиулра учительла хlянчила бекlлибиубсигъуна мурад.Хlебиалли, дарсличи хlядурвируси замана ил дарсличиб сегъуна багьуди ва бяркъ бедес вирарал пикриухъес чебсили бетарули саби. Ил мурад хьулчили буцили хlядуррирули рирус нура гьарил дарсличи.

Мезла дарсличиб багьуди ва бяркъ бедлугнилизиб кьадричебси мер бурцули саби мисалтани.

Программа хlясибли руркъуси ит яра иш темала грамматикала тlалабуначи далдикибтала дурарад, чунира багьуди бедес чебти, чузиб бяркъ бедлугнила кьадри лебти.

Гьарил дарслис, жузлизир гибтала дурарад, нуни гlяхlцад мисалти художественная литературализирад, фольклорлизирад чердикlули рирус. Дурхlнас багьуди ва бяркъ дедлугнилис камси кьадри ахl белкlла хlянчурбалара, диктантунала, изложениебала ва сочинениебала. Сборкализир чузиб багьуди бедлугниличил барх бяркъ бедлугнила шайчибра халаси кьадри лебти текстуни леер.

Гьандуршеехlе чумал текст:

« Мусахъай партизантачи вакlни», «Нушаб гlягlниси даршудеш саби», ва ц. Мезла дарсличиб бучlуси программала материалличи далдикахъили ишхlелла нушала гlямрула гьаладяхl ардякьунти анцlбукьуначила мисалти учительли пикридарили хlядурдарни дебали балбикибси саби.

Масала: « Нушала улка Чедибдешла бархlи 69 дус биъниличи хlядурбикlули саби». ва ц.

Мезла дурсрачиб Нушала Армиялизиб къуллукъ бирниличи диги акlахъни ва илала кьадри аргъахънира мягlничебси хlянчи саби. Ил шайчиб нушани пайдалабарес дирехlе нушала района « Бархьдешла гьуни», республикала « Замана» бикlути газетаби. Илди газетабазир нушала Армиялизиб асилдешличил Ватlаннис къуллукъ бирути нушала района дурхlначила дахъал белкlани къаршидиркули дирар.

Дарсличи хlядурриэс гьалар нуни газетализирти илдигъунти мерани пикрилизи кайсули рирус. Газетала дурарад дарличир разборлис пайдаладарес вирар даргала поэтунала ва писательтала произведениебира: С.Рабадановла «Хъя», бикlуси назмугъунти.

Гьалмагъунала гьалав

Ну ишбархlи тlашлира,

Неш –Ватlаннис мардешлис

Дурхъаси хъя бирулра.

Хъяла дурхъати дугьби

Иргъули сар Ватlанни,

Илди уркlилизирад

Дурули сар ургъанни.

Илкьяйда хъя барили

Арбаши халал узби,

Душмантази азаддеш

Балтахъули дергълизиб.

Илди дугьби дурулра

Байрахъла удир нуни,

Хlу мяхlкамли хlербарес

Чейсулра, Ватlан, нуни.

Адрес публикации: https://www.prodlenka.org/metodicheskie-razrabotki/306963-doklad-na-temumezla-va-literaturala-dursrach