Күшік неге көңілсіз?

Оқу іс-әрекетінің кезеңдері

Тәрбиешінің іс-әрекеті

Балалардың іс-әрекеті

Мотивациялық – қозғаушылық

Жұмбақ жасырылады:

«Адамға серік,

Күзетке берік» Ол не балдалар?

- Балалар, ит қандай жануар түріне жатады?

- Иттің баласын не деп атаймыз?

- Күшік қандай дыбыс шығарады?

- Кәне, ендеше бәріміз күшік сияқты үрейікші

(Әуп-әуп).

Жұмбақтың жауабы ит екендігін табуға атсалысады.

Иттің үй жануары

екенін айтады.

- Иттің баласын күшік

деп атаймыз.

Күшік үретінін баяндайды.(Әуп-әуп). Күшіктің дыбысын салып үруге талпынады.

Ұйымдастырушылық – ізденістік

Демонстрациялық құрал (Көңілсіз күшіктің сурет)

- Балалар, суретте нені көріп тұрсыңдар?

- дұрыс айтасыңдар.

- Ал күшіктің көңіл күйі қандай екен, кім айтады?

- Ол неліктен көңілсіз, жабырқаулы деп ойлайсыңдар?

- Күшік кіп-кішкентай, сүп-сүйкімді, ақылды, құлақтары ұп-ұзын, жүні жұп-жұмсақ, бірақ күшік көнілсіз, жабырқаулы. Heге ол көңілсіз, жабырқаулы?

- Мүмкін өзінің атын ұмытып қалған шығар?

Кәне, оған ат қойып көрейікші.

- Бәлкім, ол өзінің атын естігенде көңілденетін шығар?

- Ол көңілденбеді, әлі де жабырқаулы. Енді не істесек болады?

Сергіту жаттығуы:

«Қолғабысы күшіктің»

Тақиясын ұшырып

Жел інімді жылатты

Бірақ оны күшігі

Әкеп беріп жұбатты.

(А.Сәрсеков)

(Сергіту сәтін өлең шумағының ырғағымен қимыл-қозғалыс арқылы орындау).

Қазыр біз дәптерімізді ашамыз,, күшіктің көңілін көтеру үшін тапсырманы орындайық.

Дәптермен жұмыс: дәптердегі «Күшікке сүйекке жету жолын бастыр»тапсырмасын орындату

Күшік кішкентай, сүйкімді, бірақ оның көңілсіз екенін суретке қарап жеткізеді.

«Досын, анасын жоғалтып алды, мүмкін ауырып тұрған шығар, сондықтан көңілсіз», — деп әртүрлі жорамалдар айтады.

Өздері білетін әртүрлі аттарды атайды. Мысалы: Ақтөс, Бөрібасар, Бим.

Қимылдар көрсетеді.

Өз ойларын айтады.

Дәптерді ашып, күшікке сүйекке жетуге көмектеседі.

Рефлексиялық - түзетушілік

- Біздің күшігіміздің көңілі көтерілмеді. Біз енді үйге барған соң ғаламтор (интернет), телефон арқылы хабарласып күшік туралы мағлұматтар жіберіп, оның иесін табуға көмектесейік. Сендер де ата-аналарыңнан көмек сұрап, күшікті сипаттап ғаламтор желісіне жіберіңдер.

- Біз солай күшікті қуантсақ нұр үстіне нұр болар. Күшікпен қоштасып оған жылы сөздер мен тілектер арнау.

Ата-аналарынан, аға- әпкелерінен көмек сұрап, күшікке қол ұшын беретіндіктерін, дос екендіктерін баяндайды.

Күшікпен қоштасып, ертең-ақ оның иесінің табылып қуанатынына тілектестік білдіреді.