Латын әліпбиіне көшу рухани жаңғыру талабы

Латын әліпбиіне көшу – рухани жаңғыру талабы.

Аманжолова Кундызай- 3 МДТ-13тобының студенті

Мешелова Роза Жарасбаевна-филология пәнінің оқытушысы

Қостанай гуманитарлық колледж мекемесі

Мемлекет басшысы «Болашаққа бағдар: рухани жаңғыру» атты бағдарламалық мақаласында 2025 жылдан бастап латын әліпбиіне көшуге кірісуіміз керектігін  және болашақта барлық саладағы іс-қағаздар мен оқулықтар  да осы әріппен жазылуы тиіс екенін қадап айтты. Сондай-ақ, Үкіметке  қазақ тілін латын әліпбиіне көшірудің нақты кестесін жасауды тапсырып, уақыт ұттырмай бұл жұмысты қазірден бастап қолға алу қажеттігін атап өтті. Осы орайда өз пікірімді айта кетсем деймін. Бұл мәселе осыдан 5 жыл бұрын көтерілген еді. Содан бері санамызда «ерте ме, кеш пе, еліміз латын әліпбиіне көшеді, соған дайындала беруіміз керек» деген салмақты ой сақталып келді. Бүгін сол үкілі үміт сәулесінің куәсі болып отырмыз. Бұл жазу елдігіміз бен егемендігімізді айқындайтын, халықтың  сауаттылығын танытатын көрсеткіш деп білемін. Латын әріпі бұрын тарихымызда 10 жылдай уақыт салтанат құрды. Сол кезде біз көптеген елдерге танылдық.  Ал қазіргідей қуатты мемлекетте өмір сүріп жатқан кезеңде біз халық болып бұл жазуды қолдап алып кетпесек, өркениетті елдердің қатарына ілісе  алмаймыз.  Себебі латын әліпбиі әлемдегі ең танымал жазулардың бірі болыпсаналады.Латын әліпбиінің болашағы зор. Сондықтан Елбасының шешімін қолдап, оның ары қарай жүзеге асуына үлес қосуымыз тиіс. Елбасының «Болашаққа бағдар: Рухани жаңғыру» атты мақаласын оқығанда өзім жақсы әсер алдым. Мұнда маған жағымды әсер еткені мақаланың қазақ тілінде жарық көруі еді. Жалпы президенттің осының алдында жариялаған «Нұрлы жол» атты жолдауынан кейін маған ұнаған осы тарихи құжат. Елбасы өз сөзін ұлттық санадан бастайды, бұл тегін емес, себебі сырты қазақ, іші мәңгүрт адамнан не пайда, не қайыр? Ұлттық санасы жоқ адамнан ұлтқа деген бір әрекет күтудің өзі қиын екенін білуіміз керек. Елбасы былай дейді: «Егер жаңғыру елдің ұлттық-рухани тамырынан нәр ала алмаса, ол адасуға бастайды». Ұлттық санаға, ең алдымен, әсер ететін күш – ана тілі. Тілімізді реформалау ұлттық сананы жаңа деңгейге көтеретін қадам. Осыған байланысты ол саяси болғандықтан, елбасы бұл мәселені көтеріп, халық талқысына ұсынады. Елбасы өз мақаласында былай деп жазады: «Біріншіден, қазақ тілін біртіндеп латын әліпбиіне көшіру жұмыстарын бастауымыз керек». Латын әліпбиіне көшу мәселесінің айтылып келе жатқанына біраз уақыт болғанымен, бұл мәселе төңірегінде дау мен талас-пікір көп. Біздің мекемемізде латын әліппесін сабақта жие қолданамыз. Латын әріптерін пайдаланып мәтіндерді аударамыз.Қатысқан студенттер латын  графигіне негізделген  әліпбиге зор қызызығушылық танытып атсалысты.

 Қазақ тілі әліпбиінің  латын графигіне  көшуі- Қазақстан Республикасы  тәуелсіздігінің заңды  нәтижесі.

Адрес публикации: https://www.prodlenka.org/metodicheskie-razrabotki/335723-latyn-lipbiine-kshu--ruhani-zhayru-talab