«Балц фæззыгон хъæдмæ»

Темæ: « Балц фæззыгон хъæдмæ.»

Нысан:- Бафидар кæнын сывæллæтты зонындзинæдтæ фæззыгон æрдзы ивддзинæдты тыххæй. -Мыртæ къ,хъ раст æмæ сыгъдæг дзурыныл архайын дзыхæйдзургæ хъазты руаджы. -Сывæллæтты дзырдуат хъæздыг кæнын ног дзырдтæй: бæрз бæлас, тулдз бæлас. -Къæрцхъус æмæ цырддзаст куыд уой,куыд рæза сæ логикон хъуыдыкæнынад. -Æрдзы рæсугъддзинæдтæм æвзæрын кæнын уарзондзинады æнкъарæнтæ. -Сывæллæтты хсæн гуырын кæнын хæлардзинады æмæ аудындзинады æнкъарæнтæ. Архайæн фæрæзтæ: 2 чыргъæды,2 хызыны, дыргътæ æмæ халсартæ, гыркъотæ. Рагагъоммæ куыст.Зал ахуыртæм бацæттæ кæнын,фæззыгон хъæды имметаци скæнын; хур,мигътæ,бæлæстæ,къудзи,гыркъотæ, сыфтæ.

Ахуыры цыд.

-Уæ райсом хорз сабитæ. Акæсут ма цас рæсугъд уазджытæ нæм æрбацыд,салам ма цын радтæм.

Сывæллæттæ байхъусут ма ацы уыци-уыцимæ æмæ йæ базонут

Мигъ кæд æрбады ныллæг

Мах кæд бафснайæм тыллæг? (фæззæг)

Тынг раст. Зæгъут ма цавæр афæдзы афон у? Ранымайæм ма фæззæджы мæйтæ.Радзурæм ма фæззæджы миниуджытæ.

Ныр та зарæг «Фæззæг» азарæм нæ уазджытæн.

Ног æрмæг.

-Абон та мах сымахимæ ацæудзыстæм балцы «Фæззыгон хъæдмæ».Фендзыстæм хъæды та цавæр ивддзинæдтæ æрцæуы фæззæджы,æмæ цавæр бæлæстæ зайы уый.Немæ айсдзыстæм аходæн,лæппутæ тыхджын сты æмæ хызынтæ уыдон ахæсдзысты, чызытæ та чыргъæдтæ.Æркæсут ма цы уын ис ацы хызыны?

-Дыргътæ.

-Æмæ уæд ацы хызыны та?

-Халсартæ.

-Тынг раст.

Цомут ныр араст кæнæм хъæдмæ!

Нæ размæ ис цæугæдон,сабыргай,хъавгæ йын ахизæм йæ сæрты

(Доны хæл-хæл хъуысы)

Сывæллæттæ фæхæццæ кæнæм хъæдмæ.

(Цъиуты цъыбар-цъыбур хъуысы)

Уый та цы разы?

- Нæ чысыл хæлæрттæ цъиутæ! Базонут ма сæ зардæй цавæр цъиутæ зарынц, уый.

-Хъæдхой, гæркъæраг,гуг-гугкæнаг, халон,уыг.

Уæдæ ма радзурæм нæ тагъддзуринаг

«Чи куыд кæны?»

Хърихъупп-хъуп, хъуп,

Хъæдхой-къуп,къуп,

Дудахъ-дахъ,дахъ,

Халон-хъуахъхъ, хъаухъхъ,

Цъиутæ–цъиу,цъиу,

Сидын-дзиу,дзиу,

Скæнæм-зиу,зиу.

Сывæллæттæ бахæццæ стæм хъæдмæ.Бакæсут ма куыд рæсугъд у фæззыгон хъæд!

(Хъæды уынæр)

Цавæр у нæ хъæд? Ай та цавæр бæлас у?

Мырткæйы къудзи æмæ заз бæлас- мах зонæм,фæлæ ма ракæсут мæнæ ацы бæлæстæм, ацы бæлас у береза, иронау –бæрз бæлас, тынг рæсугъд у,иннæ бæлæстæй хицæн кæны,йæ зæнг урс æмæ йыл сау тæппытæ,йæ сыфтæ та зæрдæйы хуызæн сты. Ай та у дуб иронау-тулдз бæлас. Зайы йыл гуыркъотæ,бирæ сæ уарзынц хуытæ.

( Дымгæ рбадымдта)

Сабитæ дымгæ рбадымта,акæнæм ма мах дæр нæ физминуткæ.

Физминуткæ«Дымгæ»

Дымгæ ниуы,

Дымгæ уасы,

Бæлас алырдæм æртасы,

Дымгæ фенцайы æваст.

Бæлас алæууы æмраст.

Сывæллæттæ ныр та иу гыццыл баулæфæм æмæ нæ аходæн ахæрæм.

Хъазт « Чи цы бахордта?» (Дыргътæ æмæ халсартæ)

Æмдзæвгæтæ

Сабитæ ныр та ма радзурæм фæззæджы тыххæй æмдзæвгæтæ.

(Чеджемты Георы æмдзæвгæ «Фæззæг».

Хетæгкаты Къостайы æмдзæвгæ «Фæззæг».)

Баулæфыдыстæм! Ныр та ма ахъазам .

Хъазт «Ссар ма дæ бæлас?»

( Арв нæры)

Сабитæ арв нæры, къæвда уардзæн, фæтагъд кæнæм нæ рæвдауæндонмæ фæлæ ма амбырд кæнæм гыркъотæ æмæ сæ немæ ахæссæм.

Сюрпризный момент «Æмбисонды зокъо.»

Цомут уæдæ ныр нæ рæвдауæндонмæ.

Æрбахæццæ стæм нæ рæвдауæндонмæ.Уæдæ цы рбахастам хъæдæй уыдонæй ма нæ уазджытæн скæнæм лæвæрттæ.Фæлæ ма уал скæнæм

Æнгуылдзты гимнастикæ

«Фондз æфсымæры нæртон»

Фондз æфсымæры нæртон,

Уыдонæн сæ нæмттæ зон.

Хистæр слæууыди фыццаг-

Раст цыма сæрыстыр саг!

Амонæн æнгуылдз дæр ныр

Сраст кодта йæ æлвæст гуыр.

Астæуккаг-æппæтæй даргъдæр,

Æйт, æнæном дæр фæцырд,

Ай та кæстæр у зынаргъдæр

Фондзæй фаззæттау- æмдзырд,

Иумæ сты æдзухдæр цырд!

Ныр та скæнæм лæвæрттæ.Кæмæн уæ фæнды уымæн балæвар кæнут.(Сывæллæттæ кæнынц зокъотæ.)

Хатдзæгтæ:Рацæут ма иууылдæр мæнмæ,абон та мах кæм уыдыстæм? Цавæр ног бæлæстæ базыдтам .Уæдæ цавæр афæдзы афон у?

Сабитæ нæ зокъомæ ма æркæсæм, цы диссаджы дынджыр у!?Бакæсут ма йæ хуылфы уын цы ис уымæ. Адон сымахæн сты.Тынг хорз кæй бакуыстат уый тыххæй.Абон та нæ ахуыртæ фесты, стыр бузныг уын, нæ уазджытæн ма фæндараст зæгъæм.

Адрес публикации: https://www.prodlenka.org/metodicheskie-razrabotki/357455-balc-fzzygon-hdm