Біз-Қазақстан Республикасының мақтанышымыз !» атты әскери спорттық жарысты өткізуге арналған әзірлемесі

«№ _____ жалпы орта білім беретін мектебі» мемлекеттік коммуналдық мекемесінде өтілетін Ауған республикасынан кеңес әскерлерінің алып шығарылуының _____ жыл толуына байланысты «Біз-Қазақстан Республикасының мақтанышымыз ! » атты әскери – спорттық жарысты өткізуге арналған әзірлемесі

І жүргізуші :

Құрметті қонақтар , жарысқа қатысушы оқушылар , ұстаздар және көрермен қауым !

Бүгін №__ жалпы орта мектебінде , үлкен мереке . Өткізілгелі отырған іс шарамыз

Ауған Республикасынан кеңес әскерлерінің алып шығарылуының ____ жыл толуына байланысты «Біз-Қазақстан Республикасының мақтанышымыз ! » атты әскери – спорттық салтанатты жарысымыз мектепішілік болып отыр , бізге 10^а– 10 ^әсыныптарынан жасақталған « Жасұлан » командасы , 11^а сыныбының « Барыс» командасы , 11^ә сыныбының « Қырын » командалары қатысқалы отыр . Жарысқа қатысушыларға сәттілік тілей отырып , жарысқа қатысушыларды алаңға шақырамыз .

Баяндау :

Жарысқа қатысушылар , түзел , тік тұр !

Взвод командирлері жарысқа дайындығы жөнінде баяндаңыздар !

Жарысқа қатысушылар , түзел , тік тұр , назар орта - ға !

АӘД пәні оқытушы – ұйымдастырушы

Мектеп директорына жарыстың дайындығы жөнінде баяндау .

Ән ұран :

Қазақстан ! Туымен тұғырлы ,

Елтаңбасымен еңселі ,

Әнұранымен айбатты .

Қазақстан Республикасының Әнұраны орындалсын !

І жүргізуші :

« Пейілі кең шалқыған ел екенбіз ,

Ырысы , бағы тасыған берекеміз .

Құтты болсын ұлы той мерекеміз!» , дей келе құттықтау сөз мектебіміздің директоры______________________________ беріледі .

ІІ жүргізуші :

Жарыстың бағдарламасымен таныстыру АӘД пәнін оқытушы – ұйымдастырушы _________________________________________ беріледі.

Жарысқа қатысушылардың құрметіне

__________________________ орындауындағы ән «_________________ » қабыл алыңыздар .

І жүргізуші :

« Аталы сөзге , арсыз жауап қайырар , ақ пен қараны әділ қазылар айырар » , - демекші , сіздерді әділ қазылар алқасымен таныстырайық .

1 . Мейірімділігімен , адамгершілігімен әйгілі директоры_______________________

2. Әділдігімен танымал , №___ жалпы орта мектебінің АӘД пәні оқытушы – ұйымдастырушы__________________________________ .

3 . Әскери – спорттық сайыстың әділ бағасын берер ________________________ ________________________________ағайымыз (апайымыз)

ІІ жүргізуші :

1 – кезең .

Сап түзер алшаң басып ұландарым ,

Қарашы біз жеңеміз деп тұрғандарын .

Саптық дайындығын көрсетсін деп ,

Шақырайық ортаға мектеп жасақтарын , деп салтанатты шеруімізді бастаймыз .

Осы 1 – ші кезең салтанатты шерудің әділ бағаларын берсеңіздер ?

І жүргізуші

2 – кезең

Бойды үйретіп сарбаздар жас шағыңнан ,

Алға қарай әр қадам басқаныңнан .

Рух берер әрдайым сарбаздарға ,

Асқақтата айтылған « Саптағы ән » , бұл кезеңде әрбір взвод сапта жүріп әскери – патриоттық әндер айтудан сайысқа түседі .

______________________ орындауындағы ән _________________қабыл алыңыздар!

Әнмен жүріп өту байқауының бағаларын берулеріңізді сұранамыз ?

ІІ жүргізуші :

3 – кезең .

Қыз жігіттердің білегі ,

Отанымның тірегі .

Шынықсаң шымыр боларсың ,

Шынықпасаң сылбыр боларсың . – демекші келесі кезең « Күштілер сайысы » деп аталады . Әр командадан 2 ер бала қатысады . таныстыру ......

« Күштілер сайысы » кезеңінің бағаларын берсеңіздер ?

І жүргізуші :

4 – кезең .

« Кім жылдам » , Автоматты , оқжатарды уақытқа бөлшектеу және жинақтау .

Әр командадан 1 ұл , 1 қыз қатысады .

« Автоматта кім жылдам »автоматты бөлшектеу және жинақтаубайқауының әділ бағаларын берсеңіздер?

« Оқжатарда кім жылдам »оқжатарды жарақтау байқауына бағаларын берсеңіздер ?

ІІ жүргізуші

5 – кезең .

Мақтанатын елім де бар , жерім де бар ,

Қайтпас қайсар , жау жүректі ұланым бар .

Қызғалдақтай қылықты қыздарым бар ,

Осы сайыста жеңетін қане қайсың бар » , дей келе , келесі кезеңіміз « Қол күресі ».

Әр командадан 1 ұл, 1 қыз қатысады ,

Таныстыру.......

« Қол күресі » байқауының бағаларын берсеңіздер ?

І жүргізуші

6 – кезең . « Арқан тартыс »

« Алтау ала болса ауыздағы кетеді,

төртеу түгел болса төбедегі келеді » дегендей көптің күштерін сынайық. Топтық арқан тартысу жарысы , әр командадан 5 бала қатысады .

таныстыру ....

Топтық арқан тартыстың бағаларын берулеріңізді сұранамыз ?

ІІ жүргізуші

7 – кезең . « Әскери – спорттық » көрініс .

Ақ жүрек боп жолдасың , адалдық сені қолдасын ,

Жақсылық үшін тірессең , жаныңды арың қорғасын .

Арынды болсын шабысың , алымды болсын табысың ,

Найзадай болсын намысың , - дей келе кезеңіміз оқушылардың өздері дайындаған әскери – спорттық көріністерін тамашалаймыз .

Шешуші кезеңіміз әскери – спорттық көріністің бағаларын берулеріңізді сұраймыз ?

________________орындауындағы ән « » қабыл алыңыздар!

І жүргізуші :

Арнайы шақырылған қонақтарымызға осы жарыстан алған әсерлеріңіз бен ой- пікірлеріңіз жөнінде қысқаша айтып берсеңіздер ?

І жүргізуші : Құрметті қонақтар , жарысқа қатысушы оқушылар ,ұстаздар мен көрермен қауым !

Егемен ел жағдайында жастарды отансүйгіштікке тәрбиелеу , олардың елін , жерін сүйетін , ана тілін ардақтайтын , ұлтын пір тұтатын азаматтар болып өсуін қамтамасыз ету бүгінгі мектептің басты мақсаты деуге болады .

ІІ жүргізуші :

Біздіңше , патриотизм – ол өзінің туған жеріне ,ана тіліне , мемлекетке деген сүйіспеншілік сезімі , сол мемлекеттің , Отанының дамуына , өсіп өркендеуіне өз үлестерін қосу , қызмет ету.

Бұл мақсатта қол жеткізудің кілті – білім алу . Сондықтан да , Алғашқы әскери дайындық пәні ретінде осындай әскери – спорттық жарыстарды берік қолға алып , уыстан шығармай ары қарай жастар бойында патриоттық сезім қалыптастыруымыз қажет . Сол кезде ғана елім, жерім , халқым деген азаматтар көбейіп , еліміздің өркендеуіне ат салысатын жастардың өсіп шығатыны рас .

Жеке нәтиже және топтық нәтижелері бойынша жеңімпаздарды марапаттау үшін сөз әділқазылар алқасына беріледі

І жүргізуші :

Қорыта келе бүкіл әлемдегі адамзат халқының бар арманы мен мақсат тілегі ол-бейбітшілік. Әрқашанда елімізде тыныштық , ынтымақ достығымыз артып әлемде арқашан бейбітшілік қолдасын ! Бүгінгі жарысымызды жабық деп жариялаймыз .

Адрес публикации: https://www.prodlenka.org/metodicheskie-razrabotki/398440-biz-azastan-respublikasyny-matanyshymyza