Сценарий праздника «Джеоргуыба» !

Сценарий праздника «Джеоргуыба»!

• Разамонæг: Фарн уæм бадзурæд æмæ фæрнæй дзаг ут уе ‘ппæт дæр. Алы адæмы историйы дæр ис йæхи бæрæгбæттæ. Ирыстон дæр хауы уыцы историмæ æмæ уы хъæздыг йæ бæрæгбæттæй. Сты тынг бирæ, уыдонмæ хауынц ахæм бæрæгбæттæ, зæгъæм Хетæджы дзуары бон, Хуыцауы дзуары бон, Уацилла, Хоры бæрæгбон, Джеоргуыба.

Ацы бæрæгбæттæм адæм тынг фенхъæлмæ кæсынц. Мах дæр нæ рæвдауæндоны абон бæрæг кæнæм нæ уарзондæр кадджындæр бæрæгбæттæй иу «Джеоргуыба».

(ДЖЕОРГУЫБАЙЫ БÆРÆГБОН КУЫД ФÆЗЫНД)

Б - Раджы кæддæр цардысты ирон лæг Джеор æмæ йæ ус – Гуыба. Иу хатт куы уыд, уæд сæм æрбахоста фæндаггон лæг. Уый та уыди Уастырджи. Уыдон æй мидæмæ рбахуыдтой, суазæг æй кодтой. Уазæг сын загъта: «Æз суанг Тæтæры бæстæйæ рараст дæн æмæ мæ сымахæй уæлдаæ ничи суазæг кодта». Джеор Гуыбайæн сусæгæй афтæ бакодта: «Ай цыдæр дзæбæх лæг у æмæ йын далыс аргæвдæм» Ус нæ разы кодта уыцы дыууæ фысæй уæлдай нæм куы ницы ис, зæгъгæ. Лæг ын загъта: «Цу ды, уæртæ дæ кæрдзынты кой кæн».

Йæхæдæг кусарт акодта. Фынг сцæттæ ис æмæ зæронд лæг сыкъа райста кувынмæ. Уæд ын уазæг лæг афтæ зæгъы: «Чи зоны, мæ куывд Хуыцау хуыздæр айса, æмæ мын кувыны бар ратт» Зæронд лæг уæлдай ницуал загъта, физонæг æмæ йæм сыкъа радта. Уастырджи скуывта: «Уæдæ Хуыцау, уыцы хорзæх ратт, цæмæй ацы хорз адæмæн сæ иу сæдæ кæна, сæ дыууæ – мин. Абонæй фæстæмæ Иры адæмæн та бæрæгбон куыд уа—Уастырджийы æхсæв, дыццæг æхсæв – Джеор æмæ Гуыбайы номыл».

М – Джеоргуыбайы бæрæгбон райдайы галæргæвдæнæй. Бирæтæ снывонд кæнынц гал, уæныг æмæ йæ хуыцаубоны акусарт кæнынц.

Б – Бæрæгбон ахæссы куъыри. Хуыцаубон – фæдзæхсæн бон,къуырисæр – йе рвитæн изæр.Уыцы бон дæр хæдзары скæнынц æртæ чъирийы, æмæ бинонты хистæр йæ кæстæрты бафæдзæхсы Уастырджийыл, азæй-азмæ бинонтæ бæрæгбоныл æнæниз, æнæмастæй куыд æмбæлой, кæстæртæ амондджын куыд уой, иннæ аз Уастырджийæн ноджы стырдæр кусарт куыд акæной.

2) Бакæсæм видеороликмæ.

3) Базонгæ стæм бæрæгбоны равзæрд йæ мидисимæ. Ныр та скувæм не ‘ртæ чъирийы.

(Æрæвæрын æртæ чъирийы, бæгæны, дзидза)

4) Радзурын æмдзæвгæтæ

1. Джеоргуыбайы хорзæх уæд!

О, Уастырджи, Табу та дын кæнæм,

Нæ кæстæртæн цæстуарзон арфæ ракæн.

Дæумæ кувæг, дæуæй курæг ыстæм,

Ирыстоны дæ базыры бын бакæн.

2. Кадджын, амондджын бæрæгбон!

Мах дæумæ табу кæнæм!

Курæм ныфс, бæркад нæ зæххыл!

Зон дæ ныфсæй мах цæрæм!

3. Хъуамæ уæм айнæгау фидар,

Хæхтау кæрæдзимæ баст,

Алчидæр кадимæ фида

Йе стыр хæс бæстæйы раз

4. Æрхæццæ та нæм ногæй

Джеоргуыбайы бон

Бæгæныйæ, æрвонгæй

Ыссарæм ын йæ ном.

5. Сабитæ, иумæ æрлæууæм,

Иудзинад – ныфс æмæ фарн.

Иухъуыды, иу фарн куы нæ уæм,

Къаддæр уæд хъуысдзæн нæ зард!

6.Сабитæ, иумæ æрлæууæм,

Иудзинад – ныфс æмæ фарн.

Иухъуыды, иу фарн куы нæ уæм,

Къаддæр уæд хъуысдзæн нæ зард!

7. Хъуамæ уæм айнæгау фидар,

Хæхтау кæрæдзимæ баст,

Алчидæр кадимæ фида

Йæ стыр хæс бæстæйы раз!

8. Кадджын, амонддджын бæрæгбон!

Мах дæумæ табу кæнæм!

Курæм ныфс, бæркад нæ зæххыл!

Зон дæ ныфсæй мах цæрæм!

9. Ракæс, рафæлгæс ды дардæй,

Де уазæг нæхи кæнæм.

Тæх нæргæ, рæсугъд нæ сæрты,

Мах дæуæй зон, ард хæрæм!

10. Æртæ чъирийы, мæ кусарт

Мах дзуары бон кæнæм.

Сыгъдæг зæрдæйæ кувæм –

Æххуыс кæнæд лæгæн.

11. Нæ амонд нын кæн фидар,

Нæ фыдбылыз нын саф.

Нæ Ир куыд уа сæрибар

Гъе уый дæ курæм мах.

12. Ракæс, рафæлгæс ды дардæй,

Де уазæг нæхи кæнæм.

Тæх нæргæ, рæсугъд нæ сæрты,

Мах дæуæй зон, ард хæрæм!

5) Улæфты рæстæг (хъазт)

6) Уыци – уыцитæ нын баззад нæ фыдæлтæй. Нæ зæрдыл ма сæ æрлæууын кæнæм.

8) Танец «Хонгæ»

9) Девичий

10) Абон нæ равдыст Джеоргуыбайы фæдыл фæцис. Нæ гыццыл лæджы бындзæфхæдтæ, Лæгты дзуар уæ йæ рахиз базыры бын дарæд, рæсугъдæй рæзут, рæствæндагыл лæуд ут,æнæнизæй, дзæбæхæй куыд бахъомыл уат. Абон ардæм чи æрбацыдис,стæй нæ зынаргъ уазджытæ , иу азæй иннæ азмæ уыл рæсугъдæрæй, хъæлдзæгдæрæй куыд цæуа,ахæм арфæ уын Стыр Хуыцау ракæнæд.

Бузныг!

Адрес публикации: https://www.prodlenka.org/metodicheskie-razrabotki/495936-scenarij-prazdnika-dzheorguyba