Куян бездә кунакта

« Гөлназ» 49 нчы балаларның танып-белү-сөйләм үсешен өстенлекле

гамәлгә ашыручы гомумүстерешле балалар бакчасы»

муниципаль бюджет мәктәпкәчә белем бирү учреждениесе

«Куян бездә кунакта»

(1 нче кечкенәләр төркемендә математика шөгыле конспекты)

Төзеде: тәрбияче

Вахитова Альфия Равильевна

Яр Чаллы

2022

Максат:балаларның төс, форма, зурлык турында белемнәрен ныгыту, әвәләү алымнарын камилләштерү.

Бурычлар:

1. Төсләр, зурлык, форма турындагы белемнәрен ныгыту.

2. Балаларда игътибарлылык үстерү, ярдәмчелек хисен тәрбияләү.

3. Әвәләү алымнарын камилләштерү.

Методик алымнар һәм чаралар: геометрик фигуралар белән эш, әңгәмә, практик эшчәнлек.

Сүзлек өстендә эш: туп, шакмак.

Алдан үткәрелгән эш: уенчыклар белән танышу, әвәләү алымнарына өйрәтү.

Җиһазлау: куян, геометрик фигуралар тутырылган машина, туп, шакмак, пластилин.

Эшчәнлек төзелеше:

1. Кереш.

1.Эмоциональ уңай халәт тудыру.

2. Төп өлеш.

1. Әңгәмә.

2. Уеннар.

3. Практик эшчәнлек

3. Йомгаклау. Эшләргә бәя бирү.

Эшчәнлек барышы:

Тәрбияче:Балалар, әйдәгез, исәнләшик.

Исәнме, көн!

Исәнме, кояш!

Исәнмесез, агачлар!

Исәнмесез, балалар!

Урындыкларга утыралар. Ишек шакыйлар.

Тәрбияче:Балалар, кемдер килде безгә. Кем икән ул, карыйк әле (Тәрбияче куянны алып керә).

Тәрбияче:Карагыз әле, балалар, таныдыгызмы?

Балалар:Куян.

Куян:Исәнмесез, балалар!

Балалар: Исәнмесез!

Куян:Минем тәмле клиндерләр ашыйсым килә, ярдәм итегезче.

Тәрбияче:Куян, башта балалар сиңа шигырь сөйләп күрсәтерләр, аннан бергәләп клиндер ясап, аныӊ белән сине сыйларбыз.

Куян: Бик әйбәт!

Балалар: Кыш көне ак,

Җәй көне соры,

Урманнан чыгармын,

Юл буйлап чабармын.

Куян: Рәхмәт, балалар! Бу шигырь бит минем турында! Әйе, мин чынлап та урманда яшим. Минем анда дусларым да бар. Балалар, сездә бик матур, күңелле икән, уенчыкларыгыз да күп.(Ялгыш арбаны аудара, геометрик фигуралар тәгәри)

Куян: Ай, балалар, мин ялгыш шакмаклар, шарларны аудардым, җыярга булышмассыз микән?

Балалар: Булышырбыз.

Тәрбияче: Балалар, әйдәгез, шар белән шакмакларны зурлыгы буенча аерыйк әле.

Куян: Балалар, сез күп беләсез икән.

Тәрбияче: Куянкай, балалар безнең төсләрне дә танып беләләр әле.

(Балалар геометрик фигураларны төсләрен әйтәләр)

Тәрбияче:Балалар, куянга күчтәнәч әзерлик, тәмле клиндерләр әвәлик. Клиндерләр нинди формада? Без нинди әвәләү алымнарын беләбез? (Әвәлиләр, кәрзингә тутыралар).

Тәрбияче: Менә ничек күп булды безнең клиндерләр. Куянкай, урманга кайткач, дусларыңны сыйларсың.

Куян:Рәхмәт сезгә, балалар! Миңа сезнең белән бик күңелле булды. Миңа инде урманга китәргә вакыт. Сау булыгыз! (саубуллашалар).

Адрес публикации: https://www.prodlenka.org/metodicheskie-razrabotki/506692-kujan-bezd-kunakta