Сценарий нового года в детском саду

«Аптаах Саңа Дьыл»

Улахан бөлөх оҕолоругар аналлаах Саңа Дьыллааҕы сценарий

                                   Оруоллар:

Ыытааччы                                            

Моруос о5онньор                                  

Хаарчаана

Тигр 

Туттуллар атрибуттар: – пазл, күлүүс, күлүүс тыла.

Бэhиэлэй музыканан доҕуhуоллатан маскарадтаах о5олор киирэллэр.

ЫЫТААЧЧЫ: Сылы быhа кэтэспит күндү кэммит кэллэ, күлүмүрдүүр харыйалаах Саңа Дьылбыт, аптаах кэрэ киэhэбит!

Хоhоон: “Саҥа Дьыл”

Кэрэчээн харыйа

Налыччы киэргэммит

Араас да уотунан

Күлүмнүү умайбыт.

Чаҕылый, чаҕылый

Баай елка умайыый

Оҕолор көрдөрүн

Эн үөрдэ сырдатыый

Эһэлэр, бөрөлөр

Саһыллар, бэл бааллар

Сиэттиһэн бараннар

Көхтөөхтүк ыллыыллар

Хаар маҥан баттахтаах

Тымныычаан оҕонньор

Кэһиитин аҕалар

Үөрүүтүн үксэтэр.

Хаарчаана киирэр.

ХААРЧААНА: Дорооболоруң, оҕолоор, Саңа Дьылынан, саңа дьолунан! Кэллим мин эhиэхэ бырааhынньыкка ыалдьыттыы, аптаах киэhээни бэлэхтии. Онтон бу кэрэчээн харыйа уота умайбакка турар эбит, миигин хатылааң: «Биир, икки, үс – харыйабыт уота сандаар!»

Аптаах палочкатынан харыйа тула сылдьан далбаатыыр, лабааларын, оонньуурдарын таарыйар – харыйа уота умайар.

ХААРЧААНА:Мин бугун соҕотох буолбатахпын, эһээбин Тымныы Моруостуун кэллим кинини ыҥырыахха.

Бары Тымныы Моруоһу ыҥыраллар “Дед Мороз! Дед Мороз!”

Тымныы Моруос киирэн кэлэр.

ТЫМНЫЫ МОРУОС: Э-һэ-һээй!!! Саңа дьылбыт үүннэ! Уруйдаан айхаллаан тиийэн кэллим мин эhиэхэ! Көрсүбэтэхпит сыл буолла, оҕолор улааппыккыт, маладьыастар. Онтон миигин кэтэстигит дуо?

ЫЫТААЧЧЫ:Оҕолор эйиигин кэтэспиттэрэ, ырыа – хоhоон бэлэмнээбиттэрэ, олорон иhит.

Хоһоон«Здравствуй дедушка Мороз»

С новым годом! С новым годом!

Здравствуй, дедушка Мороз!

Он из леса мимоходом

Елку нам уже принес.

На верхушке выше веток

Загорелась как всегда

Самым ярким, жарким светом

Пятикрылая звезда!

Оҕолор хоhоон ааҕа турдахтарына Тымныы Моруоhу ким эрэ хаарынан быраҕар.

ТЫМНЫЫ МОРУОС: Хайа, бу ким миигин хаарынан быраҕарый?

Оҕолор саhан турар Тигры көрөллөр, этэллэр.

ТЫМНЫЫ МОРУОС: Кэл эрэ бэттэх, эн то5о бырааhынньыгы буортулуу сылдьаҕын.

ТИГР: РРРР!!!! РРРРР!!!! Мин Тиграбын! Кими ытырабын! РРРРР!!!! Бырааhынньыгы син биир ыhыам, подароктары аптаан кээстим! Ким да подарок ылбат! Миигин кытта оонньоотоххутуна биирдэ подароккытын ылаҕыт! (Куотар)

ТЫМНЫЫ МОРУОС: Хайаа, подарокпын күлүүстээн кээспит дии!

ЫЫТААЧЧЫ: Хаарчаана, оччоҕо Саңа Дьыл буолбат дуо? Онтон оҕолор бырааhынньыкка бэлэмнэммиттэрэ, Тымныы Моруоhу олус кэтэспиттэрэ…

ХААРЧААНА: Санаарҕаамаҥ, тугу эмит толкуйдуохпут… Мин биллим, оҕолор, ТИГРаны кытта оонньуохха! Кини боппуруостарыгар эппиэттиэххэ!

Бары ТИГРы ыҥыраллар “ТИГРА! ТИГРА!”. ТИГР кэлэр.

ТИГР:Мин эппиппин толордоххутуна биирдии пазл биэриэм. Пазлы барытын хомуйдаххытына күлүүс тылын биирдэ биэриэм! Кыhын диэн хайдаҕын кэпсээтэххитинэ бастакы пазлы биэриэм.

Үҥкүү “Варежки”.

Бастакы пазлы биэрэр.

ТИГР:Саха Сиригэр Саңа Дьылы хайдах көрсөллөрүн кэпсээтэххитинэ иккис пазлы биэриэм.

Ырыа “Елочка елка”.

Иккис пазлы биэрэр.

ТИГР:Миигин дьэ кыhыҥҥы оонньуунан аралдьыттаххытына биирдэ үһүс пазлы биэриэм.

Үҥкүү “Санта Клаус”.

Үһүс пазлы биэрэр.

ХААРЧААНА: Пазлы барытын хомуйдубут, подарокпытын арый!

ТИГР ТЫМНЫЫ МОРУОСКА чугаһыыр.

ТЫМНЫЫ МОРУОС: Быракаас оңоро сылдьыбыккын билигин тоҥорон кэбиhиэм!!!

Торуоскатынан таарыйар, ТИГР күлүүлээх поза5а «тоңон» хаалар

ХААРЧААНА: Эьээ, кини аны быракаастыа суоҕа, ириэр баhаалыста.

Посоҕынан таарыйар, ТИГР «ирэр», дэлби тоңмут, илибириир.

ТЫМНЫЫ МОРУОС: Чэ, бу сырыыга бырастыы гынабын, аныгыскыга дьэ сэрэнээр.

ТИГР: Онтон миигин ким да5аны бырааhынньыкка ыңырбатаҕадии (ытыыр), мин эмиэ бырааhынньыктыахпын баҕарабын. Буруйбун билинэбин, мантан ыла учугэй буолуом. Билигин мин сылым кэлэр, онно баҕа санааҕытын толорорго кыһаллыам.

ТЫМНЫЫ МОРУОС: Оннук буоллаҕына санаарҕаама, мин эйиэхэ көмөлөhүөм.

ТЫМНЫЫ МОРУОС мөһөөччүгүн арыйар.

ТИГР: Ураа! Подароктар!

Моруос Хаарчааналыын, Тигрдыын кэhиилэрин түңэтэллэр. Оҕолор хоһоон ааҕ - ааҕа подароктарын ылаллар, Тымныы Моруостуун хаартыскаҕа түһэллэр.

ТИГР: Оо олус үөрдүм! Аны саамай үчүгэй майгылаах ТИГРа буолуом! Елка тула хороводтуохха!

Бары сиэттиһэн елка тула хороводтууллар “В лесу родилась елочка”.

ТЫМНЫЫ МОРУОС: Барар кэммит тиийэн кэллэ, эhиил эмиэ кэлиэхпит!

ХААРЧААНА: Саңа Дьылынан!

ТЫМНЫЫ МОРУОС: Көрсүөххэ диэри!

БЫЫС.

Адрес публикации: https://www.prodlenka.org/metodicheskie-razrabotki/518553-scenarij-novogo-goda-v-detskom-sadu