Уңыш бәйрәмн

“Көзге уңыш” бәйрәме 1-4 класс

1.а.б. Күңелләргә якты нур өләшеп,

Шатлык өстәп һәрбер йөрәккә,

Үз муллыгы белән көзләр килә

Йомгак ясап җәйге хезмәткә.

2.а.б.  Җиргә төшә сары, ал яфраклар

Көз җиткәнен алар белдерә.

Алтын көзең синең, туган ягым,

Күңелемә якын, бер генә.

1.а.б.  Һәркайда да муллык, кызыл туйлар.

Һәрбер җирдә көзге шатлыклар.

“Кара көз” дип сиңа беркем әйтмәс,

Кочагында муллык, байлыклар.

2.а.б.  Бәйрәм белән сезне, якын дуслар!

Уңган булган олы-кечегез.

Чын йөрәктән чыккан бу сүзләрне

Сәлам итеп кабул итегез.

1 алып баручы:      Хуш киләсең, әйдә, алтын көзем,
                                   Көтеп алдык кыш, яз, җәй аша
                                   Безнең язмыш, килер язмышларга
                                   Шундый көзләр аша тоташа.

2 алып баручы: Хәерле көн, хөрмәтле укытучылар, укучылар! Хәзер Уңыш бәйрәменең икенче өлешен башлап жибәрәбез!

1 алып баручы. Рәхим итегез,

Көзге бәйрәмгә

Матур җырларны,

Бер җырлыйк, әйдә.

1 нче сыйныф укучылары башкаруында җыр №1

2 алып баручы:   Басуларың инде бушап калган
Икмәкләре кергән амбарга.
Алтын көзем, ямансулый алмыйм
Юксына да алмыйм син барда.

2 нче сыйныф укучысы Абросинова Розалина башкаруында шигырь №2

1 алып баручы:Җәй җылысын эзләп киләм әле,
Җиргә иңгән алтын көзләрдән.
Өмет очкыннары бөтерелә,
Жылы көтеп сары төсләрдән.

3 нче сыйныф башкаруында заманча бию №3

2 алып баручы: Агачларны сары төскә буяп,

Куакларга җиләк-җимеш элеп,

Агач төпләренә гөмбә тезеп,

Урман буйлап алтын көз йөри.

4 нче сыйныф укучысы Губайдуллина Зәринә башкаруында шигырь №4

1 алып баручыКөшел-көшел бодай, арыш җыеп,

Саламнардан зур эскертләр куеп,

Кара җирне уҗым белән каплап,

Тракторлар белән гөрләп-шаулап.

Кырлар буйлап уңган көз йөри.

1. нче сыйныф укучылары башкаруында җыр №5

2 алып баручы: Аллы-гөлле гөлчәчәкләр

Бакчабызны ямьләде.

Килде язгы дәртле эшнең

Җанлы хезмәт бәйрәме.

1 нче сыйныф укучылары башкаруында рус биюе №6

1 алып баручы: Көз көннәре килеп җитте,

Хушлашабыз җәй белән.

Бөтен җиргә яфраклардан

Алтын келәм җәелгән.

3 нче сыйныф укучысы Губайдуллина Зилия башкаруында шигырь №7

2 алып баручы: Җил агачка хәбәр салды

Яфракларын коярга.

Инде җәйләр артта калды,

Көз, син килеп ояла.

4 нче сыйныф башкаруында җыр №8

1 алып баручы: Сары, кызыл төсләр белән,

Карлы яңгыры белән

Безнең бакчага көз килде

Мул уңышлары белән.

1нче сыйныф укучысы Башарова Айзилә башкаруында шигырь №9

2 алып баручы: Җиргә төшә сары, ал яфраклар,

 Көз җиткәнен алар белдерә.

 Алтын көзең синең, туган ягым,

 Күңелемә якын, бер генә.

3нче сыйныф укучылары башкаруында җыр №10

1 алып баручы: Бик күңелле урамда –

Алтын – сары бар дөнья

Җил яфраклар биетә

Көз шатлана, туй итә.

2нче сыйныф укучылары башкаруында бию №11

2 алып баручы: Әткәм кебек тырыш көз,

Әнкәм кебек юмарткөз

Көзләр юмарт булганга,

Бик бәхетле бик шат без

1 нче сыйныф укучысы Гайфетдинова Әдилә башкаруында шигырь №12

1 алып баручы: Көз көннәре бик күңелле

Бик күп җимешләр пешә

Помидор, карбыз өлгерә

Алмалар өзелеп төшә

3 нче сыйныф укучысы Нигматуллин Әмирхан башкаруында җыр №13

2 алып баручы: Үтте китте матур җәйләр

Көзләр килеп җиттеләр.

Ак каенның яфраклары

Саргаешып киптеләр.

2 нче сыйныф укучысы Зарипова Рания башкаруында шигырь №14

1 алып баручы:

Китте җәй безнең яклардан
Диңгез,таулар артына.
Көз алтын күлмәк кидерде
Агачларның барсына.

1. нче сыйныф укучылары башкаруында бию №15

2 алып баручы: Шуның белән әзерләгән концерт программабыз тәмам.

Алдагы көннәребездә

Телимен мин уңышлар.

Муллыкта, рәхәт тормышта

Яшик әле без, дуслар!

1 алып баручы Күңел күгегез һәрчак аяз булсын,
Килмәсеннәр сагыш-борчулар,
Ныклы сәламәтлек юлдаш булсын,
Аннан кадерлерәк нәрсә бар!

Хәзер сүзне Миләүшә Мөхәррәм кызына бирәбез.

Адрес публикации: https://www.prodlenka.org/metodicheskie-razrabotki/624688-uysh-bjrmn