Математическая игра

Математик уен

«Ничек бакалар сазлык эзләделәр?»

( уртанчылар төркеме)

Киров районы 147 нче балалар бакчасының

I квалифицион категорияле тәрбиячесе

Абдуллазянова Р.А.

Максат: 5 кадәр тәртип буенча санау, микъдар саннарыннан дөрес файдалану.

Предметларның ике төркемен чагыштырырга өйрәтү һәм исәпләүләр

нигезендә микъдар саны тигез булу ( тигез булмау) турындагы күз-

аллауларын формалаштыру.

Геометрик фигураларны ныгыту.

Тәүлекнең бүленешләрен ( иртә, көндез, кич, төн) өйрәтүне дәвам итү.

Т- тәрбияче, Б- балалар.

Дәреснең барышы:

Т- Әйдәгез, балалар әкият уйнап алабыз. Мин мәрхәмәтле тылсымчы булам. Балаларны җәнлек һәм кош- кортларга әйләндерә алам. Сезнең җәнлек яки кош-кортларга әйләнәсегез киләме?

Б- Әйе, килә.

Т- Күзләрегезне йомыгыз. Тылсымлыәкият безгә кил һәм балаларны бакаларга һәм коңгызлага әйләндер! ( бака һәм коңгыз маскаларын кияләр). Күзләреезне ачыгыз, сез хәзер яшел бакалар һәм коңгызлар. Коңгызлар яшел үләндә утырырга яраталар ( биш коңгыз келәмгә утыра). Бер баканың йокысы килә башлады ( бака куак астына барып ята). Минем янымда ничә бака калган икән, кем санап күрсәтә?

Б- дүрт.

Т- Бакалар кая яши?

Б- Сазлыкта.

Т- Дөрес. Шуңа күрә бакалар үзләренә сазлык өзләп табырга уйладылар.

Сәяхәткә кайчан чыгарга әйбәт- иртә беләнме, кич беләнме?

Б- Иртән.

Т- Ни өчен?

Б- Якты, юл әйбәт күренә һәм беркем дә арымаган.

Т- Карагыз кояш күтәрелә. Кояш кайчан уяна?

Б- Иртән.

Т- Димәк сазлык эзләргә чыгарга мөмкин. Әйдәгез, коңгызларны да үзебез белән

алабыз.( дүрт исем әйтә, алар тәрбияче янына чыгалар, берсе йоклап кала).

Минем янымда ничә коңгыз?

Б- дүрт.

Т- Ә, бакалар ничә?

Б- Дүрт.

Т- Бакалар да дүрт, коңгызлар да дүрт. Алар турында ни әйтеп була?

Б- Алар бертигез.

Т- Сез йоклап калган баканы уятыгыз, ул безнең яңа килсен.

( бака тәрбияче янына килә).

Хәзер бакалар ничә?

Б- Биш.

Т- Ә нәрсәләр күбрәк – бакалармы, коңгызлармы?

Б- Бакалар.

Т- Ничәгә?

Б- Бергә.

Т- Ә бер коңгыз әле уянмаган , әйдәгез әле аныда уятып безнең яңа чакырык.

( балалар коңгызны чакыралар, ул тәрбияче янына килә). Хәзер коңгызлар ничә?

Б- Биш.

Т- Бакалар һәм коңгызлар турында ни әйтеп була?

Б- Алар бертигез.

Бию: бакалар һәм коңгызлар бииләр.

Т- Карагыз әле кояш ничек кыздыра. Ул бик югары.Кояш кайчак күбрәк кыздыра-

Иртәме- көндезме?

Б- Көндез.

Т- Әйдәгез сазлык эзләүне дәвам итик.

( балалар өстәл янына киләләр, урындык артында алъяпкыч эленеп тора)

Карагыз әле, су анасының алъяпкычы бугай - ул ертылып, тишелеп беткән. Ул югалткан дыр аны. Әйдәгез, без аны ямыйк та, су анасына илтеп бирик. ( Тыл-

сымлы таяк белән селтәп җибәрә һәм ямаулыклар тартып чыгара).

Алъяпкычтагы тишекләр нинди формаларда?

Б- Өчпычмаклар, турыпочмаклар, шакмак һәм түгәрәк, озыча түгәрәк.

(алъяпкычтагы ямаулыкларны ябыштырып куялар)

Т- Менә алъяпкыч әзер, өр яңа булган. Сазлыкны тапкач без аны су анасына бирербез. Ә хәзер , безгә ашыгырга кирәк.

( бара-бара сазлык яныны килеп җитәләр)

Менә сазлык янына килеп тә җиттек. (алъяпкычна сазлык янындагы агачка өлеп

куялар).

Ул нинди формада?

Б- Түгәрәк.

Т- Бәлки сез аргансыздыр, әйдәгез ял итеп алабыз.

( Бакалар түгәрәк келәмгә , коңгызлар- дүртпочмаклы келәмгә утыралар).

Кояш инде түбән төшә. Бу кайчак була?

Б – Кич белән .

Т- Без кайда йокларбыз икән? Әйдәгез үзебезгә өйләр табып алыйк.

( Бакалар- 4 шакмак зәңгәр төстә, коңгызлар – 4 яшел өчпочмаклы өй эзләп

табалар).

Өйләр нинди фигураларга охшаган?

Б- Шакмакларга һәм өчпочмакларга.

Т- Шакмаклы өй ничә?

Б- Дүрт.

Т- Барлык бакаларга да өйләр җитәме?

Б- Юк. Бер бакага өй җитми.

Т- Ә, коңгызларга бетенесенәдә җитәме?

Б- Юк. Бер коңгызга җитми.

Т- Барысынада өйләр җитәр өчен нишләргә кирәк?

Б- Тагын берәр өй табырга кирәк. ( шакмаклы, өчпочмаклы).

( Балалар эзлиләр куаклар арасында һәм сазлык янында).

Т- Кояш качты, йокларга китте, карангы төшә башлады.

Бу кайчак була?.

Б- Төнлә.

Т- Барыгызга да инде йокларга кирәкю

( Балалар өйләренә урнашалар).

Бакалар һәм коңгызлар хәзер йоклап китәләр һәм әкият шуның белән

тәмамланыр. Аларны балаларга әйләндерергә кирәк.

( тылсымлы сүзләр әйтә, балалардан маскалар салдыра).

Күзләрегезне ачыгыз. Менә без кабат балалар бакчасында. Хәзер көннең кай-

сы вакыты?

Б- Көн.

Т- Ә балалар көндез акчада нишлиләр?

Б- Урамда уйнылар.

Т- Хәзер без дә урамга чыгабыз.

Адрес публикации: https://www.prodlenka.org/metodicheskie-razrabotki/65670-matematicheskaja-igra