Иҗади-тикшеренү проекты «Күренмәс һава»

Тукай муниципаль районы Теләнче-Тамак авылы

«Акчәчәк» балалар бакчасы

Иҗади-тикшеренү проекты

«Күренмәс һава»

ясаган тәрбияче:

Гайнетдинова Гөлчәчәк Галимҗановна

Теләнче-Тамак

2013 ел

Тема: Тәҗрибә үткәрү. «Белмәмеш бездә кунакта»

1.Төре: Иҗади-тикшеренү.

2.Дәвамлылыгы: 2 атна

3.Максат:Балаларга эксперементлар процессында һава турында күзаллау тудыру.

4.Бурычлар:

а) иҗадилык һәм күзәтүчәнлек тәрбияләү;

б) эколокик белемнәрен киңәйтү;

в) балаларның логик фикер йөртү күнекмәләрен үстерү;

г) балаларда, табигатькә сак караш тәрбияләү;

д) балаларның тикшерү, тәҗрибә үткәрү эшчәнлеге нигезендә экологик фикер йөртү, иҗади хыял сәләтләрен үстерү;

е) балаларда һава үзлекләре турында күзаллау тудыру.

5.Проектны тормышка ашыру юллары:

1)Әзерлек этабы:

-тема билгеләү;

-максат;

-бурычлар кую;

-проект планын төзү;

-ата-аналарны эш проекты белән таныштыру;

-биремнәр бирү;

-тема буенча методик, фәнни-популяр әдәбият туплау;

-курсәтмә,тәҗрибә өчен материаллар әзерләү.

2)Төп этап:

а)балаларның мөстәкыйль эшчәнлеге:

-рәсем ясау ;

-уеннар;

-күзәтү;

б)ата-аналар белән эш:

-күзәтү;

-экскурсия;

-күңел ачуга әзерләнү;

в)тәрбияче белән эшчәнлек:

-күзәтү;

-үстерешле әңгәмә;

-матур әдәбият уку;

-кул эшчәнлеге;

-экскурсияләр;

-дидактик һәм хәрәкәтле уен;

-күңел ачу;

-проблемалы ситуацияләр чишү.

3) Йомгаклау этабы:

Күңел ачу: «Белмәмеш бездә кунакта».

6.Перспектив-тематик план. «Күренмәс һава».

7.Нәтиҗәлелеге:Һава үзлекләре турында күзаллау формалаштыру, ата-аналарда һәм балаларда сәламәт яшәү рәвешенә омтылыш тәрбияләү.

8.Экологик күңел ачу кичәсе. «Белмәмеш бездә кунакта».

Перспектив-тематик план. «Күренмәс һава».

Куренмәс һава.

Тема:«Белмәмеш бездә кунакта»

Кичәнең барышы

Залда музыка уйный,балалар керә.

Тәрбияче:Исәнмесез,балалар! Хәрле көннәр! Бүген без сезнең белән хикмәтле бер вакыйганың катнашучылары булырбыз. Алда безне күңелле кичә көтә.

(Залга һава тутырлган төрле төсле шарлар тотып «Белмәмеш» малай керә).

Белмәмеш:Исәнмесез, балалар? Таныдыгызмы мине?

Балалар: Әйе,таныдык.Син Белмәмеш малай.

Белмәмеш:Балалар мин сезнең яңга буш кул белән килмәдем, күрәсезме минем кулымда төрле төсле шарлар бар.

Балалар: Әйе,күрәбез.

Белмәмеш: Балалар,минем кулдагы шарлар гади түгелләр,ә алар тылсымлы шарлар. Минем сезгә бик күп сорауларым бар,әгәрдә ярдәм итсәгез мин сезгә бу шарларны бүләк итәчәкмен. Сез ризамы?

Балалар:Без риза.

Тәрбияче: Балалар Белмәмешкә ярдәм итәбезме?

Балалар: Әйе..

Тәрбияче: Белмәмеш без әзер синең сорауларыңа җавап бирергә.

Белмәмеш:Балалар менә минем кулдагы шарлар нәрсә белән кабартылган икән? Мин һич аңламыйм!?

Балалар: Шарларны һава белән кабарталар.

Белмәмеш: Һава белән? Ә нәрсә соң ул «һава»?

Тәрбияче: Төссез,иссез,күзгә күренми торган,әмма барлык тереклек өчен бик кирәкле әйбер ул-һава.Аңладыңмы Белмәмеш?

Белмәмеш:Рәхмәт,аңладым.Балалар,ә хәзер әйдәгез без сезнең белән бер уен уйнап алабыз.

Уен: «Кем тизрәк шар кабарта?»

Тәрбияче:Балалар,хәзер без сезнең белән табышмаклар чишеп алабыз. Белмәмеш син дә балаларга ярдәм ит.

1.Иссез,төссез,күзгә күренми.(һава)

2.Иртән чыга,кич бата,яктылык бирә,җирне җылыта.(кояш)

3.Төннә җирне яктырта,йолдызларны җылыта.(ай)

Белмәмеш:Бигерәк зирәк икән «Акчәчәк» балалар бакчасында балалр,булдырдыгыз.Балалар мин сезгә үземнең матур шарларымны бүләк итәм.Әйткәнемчә шарлар гади түгел,ә тылсымлы.Ни өчен тылсымлы дисезме? Ә хәзер без сезнең белән тикшереп карыйбыз.Менә, мин хәзер бер шарга энә белән төртсәм ул нишләр микән?

Балалар:Ул шартлый.

Тәрбияче:Дөрес балалар.

Белмәмеш:Әйдәгез шартлатып карыйбыз.

Тәрбияче: Балалар, әйдәгез кызыл шарны шартлатабыз.Кемдә кызыл шар?

Балалар: Рүзәлдә.

(шарны энә белән шартлаталар,шар эченнән язу чыга).

Белмәмеш:Күрдегезме балалар шар гади түгел,анда сезгә биремнәр бар.

-шигырь сөйләү;

-җыр җырлау;

-бию;

-табышмак әйтү;

-куян булып сикерү;

-песи булып кычкыру;

-һ.б.

Белмәмеш: Балалар, рәхмәт сезгә,бигрәк күп беләсез икән. Хәзер инде һаваның нәрсә икәнен беләм.

Тәрбияче:Балалар әйдәгез Белмәмеш белән бергәләп бер күңелле уен уйнап алабыз.

Уен: «Кем күбрәк сабын куыклары кабарта».

Тәрбияче: Балалар,хәзер өстәл янына киләбез дә,Белмәмешкә үзебез ясаган рәсемебезне күрсәтәбез.

(Өстәлдә балалар белән күмәкләшеп ясаган рәсем тора).

Тәрбияче:Балалар әйдәгез Белмәмешкә үзебез ясаган рәсемебезне бүләк итәбезме?

Балалар:Бүләк итәбез.

Белмәмеш: Рәхмәт балалар,бик унган икәнсез. Миңа сезнең белән бүген ял итүе бик ошады. Ә хәзер,саубулыгыз,миңа китәргә вакыт.

Балалар: Белмәмеш без сине тагын кунакка көтеп калабыз,саубул!

Адрес публикации: https://www.prodlenka.org/metodicheskie-razrabotki/10860-iadi-tiksheren-proekty-krenms-ava