Якташыбыз -Шамил Маннапов

Тема: Якташыбыз-Шамил Маннапов

Максат: Ш.Маннаповның тормыш һәм иҗат биографиясе белән таныштыру,иҗатына күзәтү ясау,туган төбәгебездә туып үскән шәхесләребез белән горурлану хисе тәрбияләү.

1ук.Туган як.Туган туфрак.Кемнәрне генә олы юлга чыгармаган......

Җыр”Әлкием-бәллием” Н.Дәүли сүзләре

2ук. Әдәби иҗат дигән олы дәрья үзенең чын юлыннан-олы юлыннан барырга тиеш.Әнә шулай булса гына ул үзенә мәңгелек яшәү таба.

3ук. Чынлык,табигыйлек,гадилек белән яшәп килүче ,данга,дәрәҗәгә кызыкмаучы каләм ияләре бар.

4ук. Милләтебезнең үсүенә ,алга баруына,көчәюенә булышучы шагыйрьләребезнең берсе-Ш.Маннапов.

5ук.Кем соң ул? Ул безнең якташыбыз.Әлки төбәге Татар Мулла авылында 1938нче елның 1нче гыйнварендә туа...(1 укучы шагыйрьнең тормыш,иҗат биографиясен сөйли)

6ук. Шагыйрь булды якташыбыз

Безнең өчен бу бик зур горурлык.

Шигырьләре нинди генә әле-

Дөнья бәясенә торырлык.

7ук.Алар бар да чын йөрәктән чыккан,

Гади,матур итеп язылган.

Битләреңнән сөеп иркәлиләр,

Җанга рәхәт алар назыннан.

(Укучылар Ш.Маннаповның шигырьләрен укыйлар)

1ук. Шигырь юлларында -туган ягы,

Челтерәгән чишмә сулары,

Ни теләсә,шуны булдырырлык

Халкыбызның эшчән уллары.

Җыр”Солдатта булган , диләр”. Ш.Маннапов сүзләре

2ук Шагыйрь булдың,китап яздың

Тынгысыз иҗат эше

Сиңа сокланудан үтте

Яшәүнең күп өлеше.

3ук.Китабыңны ачып укыйбыз,

Шигырьләрең ятлыйбыз.

Каләм тотып,канатланып,

Синең сукмагыңнан атлыйбыз.

(Укучылар үзләре иҗат иткән шигырьләрен укыйлар)

4ук. Шамил Маннапов җырлары-үзе бер дөнья.Кемнәрнеңдер яшьлек хатирәләрен искә төшерсә,кемнәргәдер дөрләп торган хис учагы,күңел һәм җан юлдашы булып яңгырый.

Җыр.Ш.Маннапов “Керфегеңә тамармын”

5ук.Буразналар исе,тургай моңы

Шаулап торган иген кырлары,

Мәхәббәткә тугрылыклы калган

Ак яулыклы авыл кызлары

Җыр.”Шомырт чәчәкләре хәтерле”.Ш.Маннаповсүзләре

6ук.Әтиемнең иң яраткан

Бию көе “Чабата”

Бу биюне искә төшерәм

Туган якларга кайта-кайта.

“Чабата”га тимәгез,-ди

Чабата безгә бата!

Биеп китә мин сиңайтим

Вак атлап,тыпырдатып.

Аю кадәр гәүдә белән

Идәннәр шыгырдатып.

Үзе көлеп такмак әйтә:

“Чабата” безгә бата...

Вәт әкәмәт,читек киеп,

Чабата биеп ята.

БИЮ.”Чабата”

7ук.Вакыт елгасы ага да ага

Хатирәләр комын зиһенең юып ала.

Туган якны,бала чакны сагыну гына

Алтын бөртегедәй төпкә утырып кала.

1ук.Бу дөньяда яшәү өчен

Кирәк шундый сабырлык:

Кайгы-хәсрәт дәрьяларын

Кичеп чыга алырлык.

2ук. Тыйнаклыкка өйрәнәсең килсә,

Өлге эзләп барма еракка,

Күз сал,әнә,күктән тыйнак кына

Нурлар сипеп торган кояшка.

3ук. Юмартлыкка өйрәнәсең килсә,

Башың иеп,күз сал Җиреңә.

Үзенә тамган һәр тамчы тир өчен

Ул мең бөртек әзер бирергә.

4ук. Сабырлыкка өйрәнәсең килсә,

Айга карап,күр син Зөһрәне.

Ул моңнарын нурга әйләндереп,

Туган Җиренә коя төннәрен.

5ук. Күркәм сыйфатларның һәммәсен дә

Син булдырыйм,дисәң,үзеңдә,

Күз сал,бәбкәм,диеп өзелеп торган

Газиз әнкәеңнең йөзенә...

Җыр.Әниләргә багышланган.”Кайтабыз да ,китәбез”

6ук.Рәхмәт сиңа,Шамил абый,сабыр холкың,

Рух ныклыгы өчен мең рәхмәт!

Шигърияттә сезнең барлыкны

Тоеп яшәү безгә бик рәхәт.

Җыр “Рәхмәт сиңа”

Адрес публикации: https://www.prodlenka.org/metodicheskie-razrabotki/11653-jaktashybyzshamil-mannapov