Сабақ жоспары «Орталық мұражай» 9 орыс сыныбы

Сабақтың тақырыбы: Орталық мұражайдағы экспонаттар.

Сабақтың жоспары:

І.Ұйымдастыру кезеңі:

Туынды, жәдігер, ұлттық мұра, баба, жауһар сөздері тақтаға жазылады. Бұл сөздерді сабақтың өн бойында қолданысқа түсіруді ұмытпау керек)

ІІ. Үй тапсырмасын тексеру:

Ашық сұрақ: Сіз кенеттен өте құнды бабаларымыздан қалған мұраға иелік еттіңіз? Әрі қарай не істейсіз?  Айталық, Махамбет атамыздың қаруы

Оқушылар өз жұбымен ақылдаса отырып, өз ойларын айта бастайды.

Топқа бөлу: «тарихи мұражай, көркемөнер мұражайы,  техникалық мұражай»  атаулары тақтаға ілінеді.

-Кім қандай мұражайға барғысы келеді? Себебі?

— Жалпы мұражай  деген не?

Оқушылар таңдау жасайды, себебін түсіндіреді. Мұражай туралы білетіндерін ортаға салады. Таңдаулары бойынша топқа бөлінеді.

Топтық жұмыс:

3 топқа құнды жәдігер беріледі:

-Шоқан Уәлихановтың қарындашпен өзі салған суреті

-Әлия Молдағұлованың әскери бас киімі

-Мұхтар Әуезовтің қолжазба дәптері (блокнот)

Сұрақ: (топпен ақылдаса отырып, жауап берулері керек)

1.Бұл заттар несімен құнды? Түсіндіріңіз.

2.Сіздер осы заттарды мұражайға тапсыруларыңыз керек. Қандай проблемаға тап болдыңыз? Қалай тапсырасыз? Жалпы мұражайға экспонаттар қалай әкелінеді деп ойлайсыздар?

М: кез –келген осы  жағдайға тап болған адамның алдынан шығатын проблема: мұражайға қалай өткізуге болады?

Ғаламтор бетіндегі мына сұрақ –жауапты көрсетуге болады:

Менің білейін дегенім, еліміздегі мұражай қорлары қандай жолдармен толығады? Айталық, менің қолымда құнды жәдігер болса, мен оны мұражайға өткізгім келсе, маған ақы төлене ме?

Айдын БЕКҰЛЫ, Алматы қаласы

Мұражайдың негізгі қоры – коллекциясы. Коллекцияны толықтырудың екі жолы бар: біріншісі – экспедиция, екіншісі – қолдан сатып алу. Өкінішке қарай, коллекцияны жинаудың осы екі жолы да мемлекет тарапынан ақша бөлінбегендіктен, дәл қазір іске аспай отырған көрінеді. Бүгінгі таңда өзіңіз секілді қолындағы небір құнды жәдігерлер мен қымбат бұйымдарды қайда апаратынын, қаншаға сататынын білмей жүрген адамдар баршылық. Бірақ қалай болғанда да, ұлттық құндылықтарға деген құрметі жоғары азаматтар қолындағы құнды затты өз игілігіне ғана жаратпай немесе үйіне қойып қоймай, халыққа ортақ қазына екендігін сезініп, мұражайға өткізіп жатады. Ал кейбіреулер жекелеген коллекционерлерге сатады.

Оқылым1:

Ұлттық мұражай

Бұл – Орталық Азиядағы ең алғашқы, ең алып мұражай. Қазақтың жерінде, Арқаның төсінде, Астананың төрінде орналасқан. «Өз елім, өз жерім менің» әнімен қанатын қалықтатқан қыран құс, төбеміздегі аспан мен алтын күн киелі көк туды көз алдыңа әкеледі. Ал сол қабырдағы ақ карта қазақтың баянды ел, байтақ жер, бағаналы орда екенін бейнелейді. Бұл – мұражайдың кіреберісіндегі көрініс.

            Ұлттық мұражайда Алтын зал, Заманауи өнер, Этнография, Тәуелсіз Қазақстан, Астана сияқты көптеген залдар бар. Бірнеше тілді меңгерген қыз-жігіттер жеке-жеке топ бастап, келген қонақтартарға жауһар жәдігерлерімізді таныстырады. Күмбірлеген күй он бес минут сайын ауыстырылып, Ұлттық мұражайды ұлықтап тұр.

            Алтын залға Алпамыс жауапты. Бабадан қалған жауһар жәдігерлерді көзінің қарашығындай сақтайды ол. Бұл зал көпшілікке арналмаған, өйткені мұндағы экспонаттар тым құнды. Мәселен, көсемімен бірге жерленген жылқылар, олардың ат-әбзелдері толық түпнұсқада қойылған.

            Ұлттық мұражайда бес жүзден астам қызметкер жұмыс жасайтын болады. Оның себебі мұражай – мәдени орын ғана емес, ғылымға жол ашатын маңызды орын.

Топтық жұмыс:

1-тапсырма: Мұражай қызметкеріне 10 сұрақ:

(топ оқушылары 10 жабық сұрақ әзірлейді)

2-тапсырма:  Жетістік критерийі құрылады.

Ойды тарқатып айтыңыз.

1-топ: Өз елім, өз жерім менің» әнімен қанатын қалықтатқан қыран құс, төбеміздегі аспан мен алтын күн киелі көк туды көз алдыңа әкеледі.

2- топ: Бірнеше тілді меңгерген қыз-жігіттер жеке-жеке топ бастап, келген қонақтартарға жауһар жәдігерлерімізді таныстырады.

3-топ: Алтын залға Алпамыс жауапты. Бабадан қалған жауһар жәдігерлерді көзінің қарашығындай сақтайды ол.

Жетістік критерийі бойынша бағаланады.

Айтылым: Мұғалім сабақ процесінде оқушылардың айтылым дағдысын бақылап, бақылау журналына жазып жүреді.

Топтық жұмыс: Гид ретінде залды таныстыру тапсырылады.

1-топ: Заманауи өнер

2-топ: Тәуелсіз Қазақстан

3-топ: Астана.

Бағалау парағы:

Адрес публикации: https://www.prodlenka.org/metodicheskie-razrabotki/203998-saba-zhosparyortaly-mrazhaj-9-orys-synyby