Эссе «Татарстан республикасының дәүләт символлары»

«ТатарстанРеспубликасы Яңа Чишмә муниципаль районы Кызыл Октябрь урта гомуми белем мәктәбе” гомуми белем бирү муниципаль бюджет учреждениясе.

Эссе

“ Татарстан Республикасының дәүләт символлары”

Эшне башкарды: 11 нче сыйныф укучысы Муртазина Гүзәл

Эшне тикшерде : Мотыгуллина Лилия Нургалиевна

2013

 Һәркемгә дә үз туган ягы бик кадерле. Кеше кая гына барса да, барыбер күңеле белән үзенең газиз туган авылына, туган шәһәренә ашкынып кайта. 

       Безнең чиксез киң илебездә матур шәһәрләр һәм авыллар бик күп. Тик бөек татар телендә аңлашып, сөйләшеп, татар халкының гореф-гадәтләренә буйсынып яшәгән кешеләр, әлбәтта, Татарстан республикасында гомер кичерә. Татарстан республикасы экономик яктан һәм кеше саны буенча Русиянең иң зур республикалыраның берсе. Шулай ук хәзерге Татарстан йөздән артык милләткә туган йорт, туган як. Ул күп милләтле республика. Татарстан үзенең бай тарихы һәм уникаль табигать ресурслары белән халкында горурлык хисе уята, шуңа күрә дә бу табигать почмагы туристларның игътибарын яулап алган. Зур уңыш бирә торган киң басулар, күп миллионлы шәһәрләр зәңгәр сулы Кама, Идел елгалары һәм яшел урманнар  белән алмаша. Республика җир асты байлыклары белән дә горурлана ала.

       Татарстан республикасында татар мөселман һәм  рус православие мәдәниятенең үзара бәйләнеп яшәвенең үрнәге күрсәтелгән.Тарихының авыр вакыйгаларына карамастан, татар һәм рус халкы татулыкта һәм бердәмлектә яши.

Һәр илнең, республиканың үз дәүләт символлары бар. Герб, Флаг һәм Гимн һәр дәүләтнең аерылгысыз атрибуты, аның рухи потенциалының мөһим өлеше булып тора. Нәкъ шулардан гражданлык һәм патриотик аң башлангыч ала, Ватанга һәм туган якка карата горурлык һәм мәхәббәт хисләре тәрбияләнә. Моннан тыш, Россия Федерациясенең һәм аның субъектларының рәсми символикасы традицион рәвештә хокукый якны күрсәтү һәм тәрбия функцияләрен генә башкарып калмыйча, илебез халыкларының бәяләп бетергесез тарихи-мәдәни мирасын да тәшкил итә.

Татарстан Республикасында дәүләт символикасы мәсьәләләренә һәрвакытта да зур җаваплылык белән килделәр. Ул күп гасырлар дәвамында дәүләтчелеккә һәм югары сәяси культура традицияләренә ия булган татар халкының тарихи үсеш үзенчәлекләренә бәйле.

Ике дистә ел элек 1990 нчы еллар башында республикабызның Югары Советы Татарстанның төп дәүләт символларын: Флаг, Герб һәм Гимнны раслады. Яңа символика, борынгы җиребездә яшәүче халыкларның милли, мәдәни һәм рухи традицияләрен үзенә туплап, гомумкешелек һәм әхлакый кыйммәтләрнең гәүдәләнеше булды.

Мәгълүм булганча, яшел-ак-кызыл триколор Татарстан флагы булды, республикабызның гербында канатлы барс сурәте урын алды. Бүген республикабыз дәүләтчелегенең әлеге мөһим атрибутларының һәркайсы вакыт сынавын узды дип, ышаныч белән әйтергә мөмкин. Ул сәяси тормышның һәм иҗтимагый үзаңның аерылгысыз состав өлеше, милләт-дәүләт тәңгәллегенең горурлыгы һәм билгеләүче факторы булып әверелде.

Күптән түгел Татарстанның Дәүләт гимнына сүзләр язылып, асылда, ул өр-яңа яңгырашка ия булды. Республика Парламенты тарафыннан рәсми расланган текстта сүз патриотизм, гражданлык үзаңын тәрбияләү, бердәмлекне һәм милләтара дуслыкны ныгыту турында бара. Аның, мәгънәсе буенча Россия Федерациясе Дәүләт Гимнына аваздаш эчтәлегенә, бөек ил һәм дәүләт субъекты буларак, Татарстанны торгызу, аның яңа казанышларга ирешүе, чәчәк атуын берләштерә торган идея салынган. Яңартылган Гимн безнең йөрәкләргә үтеп керде һәм татарстанлылар өчен иң әһәмиятле булган вакыйгаларда горур яңгырый.

Мин Татарстан Республикасында яшәвем белән бик горурланам.

Адрес публикации: https://www.prodlenka.org/metodicheskie-razrabotki/21437-jesse-tatarstan-respublikasyny-dlt-simvol