Дербес компьютер құрылымы» интеллектуалды ойын сабағы

«Дербес компьютер құрылымы» интеллектуалды ойын сабағы

Сабақтың тақырыбы: «Дербес компьютер құрылымы»

Сабақтың мақсаты: Ұйымдастырушылық кезеңі. Оқушыларды екі топқа бөліп, сабақтың өту ретімен таныстырып өтеміз. Қай топтың жеңімпаз екендігін әділқазылар алқасы анықтайды.Әділқазылар алқасы оқушылар арасынан таңдалып алынады. Ал енді жарысымызды бастайық, қай топ оқушылары білімді екендігін тексерейік.

І-ші кезең. Бәйге. Сайыстың шарты: Оқушыларға бір рет ғана «Электронды –есептеуіш машиналар» атты мәтіні оқылады, сол мәтінді мұқият тыңдап, алдына берілген сұрақтарға жауап берулері тиіс. Дұрыс тапқан жауаптарына 1 ұпай беріледі.

Электронды есептеуіш машиналар

ХХ ғасырдың І-жартысында радиотехника қарқындап дамыды. Радио- қабылдағыштар мен радио арқылы хабар беретін құралдардың негізгі элементі-Электронды лампалар болды. Алғашқы электронды лампалы есептеуіш машина 1946 жылы АҚШ-тың Пенсильван университетінде жасалды, оны ENIAC деп атады. ENIAC-тың конструкторлары Дж.Моучли мен Дж.Эккерт. бұл машина соншалықты үлкен болғандықтан, оны әуелі орнынан қозғау мүмкін емес еді. ENIAC-тың салмағы 30т және оның 18000 электрондық лампасы бар, ол бір секундта 5000 қосу, азайту амалдарын, 300 көбейту амалын орындай алады. Жұмыс кезінде тез қызатын болғандықтан, ол арнайы суытуды талап етті. Релелік машиналарға қарағанда, оның амал орындау жылдамдығы мың есе жоғары болды.

Сұрақтары:

1.Қай кезеңде радиотехника қарқынды дамыды?

2.Бірінші электронды-есептеуіш машина қай жылы, қайда жасалды?

3.Бірінші -электронды-есептеуіш машинаның салмағы?

4.Бірінші электронды-есептеуіш машина секундына неше амалдар орындай алады?

5.1946 жылы американ математигі Джон фон Нейман өз мақаласында нені баяндады?

ІІ-ші кезең. Бәйге.Адасқан әріптер.Екі топқа әріптер ауысқан сөздер беріледі,экраннан көрсетіледі. Сол сөздерді қалпына келтіріп, әр сөзге қысқа анықтама береді. Әр дұрыс тапқан жауапқа 1 ұпай беріледі.

ІІІ-ші кезең. Кім жылдам? Оқушыларға информатика пәнінің адасқан сөздері беріледі, осы кестедегі қанша әріптерді байланыстырып пәнге қатысты сөздерді құрастыру керек. Әр бір табылған сөз 1 ұпайымен бағаланады.

ІV-ші кезең.Жетіжұмбақ.Сөзұмбақ жасырылады, сұрақтың жауабын дұрыс тауып, уақытты үнемді пайдалану қаэет. Дұрыс табылған әр бір жауап ұпаймен есептеледі.

V-ші кезең.Жасырын затты тап.Топ басшыларды ортаға шақырамыз. Бұл кезеңде топ басшылары экранда көрсетілген суреттерді өзінің қаситеттерін пайдалана отырып, суреттеп тобына жеткізулері керек. Ал топтары бар суреттерді көрмей, басшыларының сипаттауымен табулары керек. Әр дұрыс табылған жауапқа 1 ұпаймен бағаланады.

VІ-ші кезең. Ойлан да, тап.5, 10,15 –ұяшықтарын таңдау арқылы әр топ сол санға сәйкес ұпайды жинай алады.

Әділқазылардың қорытындысы бойынша жеңімпаз топ анықталып, марапатталады.оқушылардың жұмысы бағаланады.

Адрес публикации: https://www.prodlenka.org/metodicheskie-razrabotki/224135-derbes-kompjuter-rylymy-intellektualdy-ojyn