Таза болса табиғат, аман болар адамзат

1.Сабақтың мақсаты: «Қиянат жасамау» құндылығының мазмұнын түсіндіру.

Міндеттері:

Білімділігі: әрқашан көмектесуге үйрету.

Дамытушылығы: ешқашан зиян келтірмеуге ой өоісін кеңейту.

Тәрбиелігі: оқушыларды бірлікке тәрбиелеу.

Ресурстары

Оқулық ,түрлі түсті қаламдар,стикер, дәптер,суреттер т.б

2. Сабақтың барысы:

Ұйымдастыру кезеңі:

Жағымды көңіл күйге келу. Табиғат аясына ойша серуендеу.

Баяу музыка ойнап тұрады.

Балалар қолдарыңды тізелеріңе қойып ыңғайланып отырып алыңдар. Көздеріңді жұмуларыңды сұранамын. Жап- жасыл табиғат әлеміне еніп барамыз. Жайқалған әсем балғын гүлдеріміздің хош иістерін сезінеміз.Біреуіміз тұп- тұнық мөлдір су тәрізді тап таза отырмыз.Енді біреулеріміз көк аспанда еркін ұшып жүрген құстар сияқтымыз, ойымызды еркін айтып келеміз. Қыздар болса көлдегі аққудай созылып барады.Ұлдарымыз қыран бүркіттей биіктерге самғап барады. Алдымыздан жарық нұрын шашқан күн сияқты аналарымыз бен әжелеріміз бізге мейірлене қарайды. Әкелеріміз бен аталарымыз асқақтаған асқар тау болып, ақ батасын беріп, бізге қол бұлғайды. Біз өзіміздің табиғатпен осылай үйлесіп тұрғанымызға айырықша қуанып тұрмыз. Табиғаттың түстері мен құбылыстары, аңдары мен құстары бізбен бірге екенін сезінеміз. Осындай тамаша ауаны тұла бойымызға сіңіріп, денемізді сергітеміз.

Ал енді балалар осындай ыстық сезімдерімізді бойларымызда сақтап, бүгінгі сабағымызға ораламыз.Ал енді көздерімізді жайлап ашып бір –бірімізге қарап күлімдейміз.

2.Үй тапсырмасын тексеру.

Табиғатқа байланысты суреттер салып, жұмбақтар, мақал-мәтелдер дайындап алып келу.

Топ ережелерін сақтау

Талап

Тәртіп

Тазалық

Татулық

Тыныштық

Балаларды төрт түрлі стикер таңдау арқылы 2- топқа бөлу

Күн тобы

Жер тобы

3. Сабақтың дәйексөзі:

Мың шыбық шаншып, өсірсең, халқыңа орман салғаның, халқыңа орман салғаның, өзіңе қорған салғаның.

Халық даналығы.

Дәйексөзді оқу

Дәйексөзді жазып алу

Дәйексөздің мағнасын қалай түсіндік.

Дәйексөзді жатқа айту

4.Әңгімелеу. (Сұхбат)

Біздің табиғатсыз өмір сүруіміз мүмкін емес. Өздерің елестетіп көріңдерші, табиғаттың суы, ағашы, өзен - көлі, сұлулығы болмағанда не болар еді.
Табиғаттың адам өміріне қажеттілігі туралы кітаптағы әңгімені оқыңдар, көрініс көрсету.
КӨРІНІС.
Қатысушылар: Күн, Ауа, Су, Жер - Ана, оқушы.

Оқушы: Ей адамдар,
Күн мен гүлден жаралған.
Ыстық сезім шуақ содан таралған,
Тіршіліктің иесі – Жер - Ананы ұмытпаңдар!

Жер - Ана: Балалар, адамның денсаулығынан асқан байлығы жоқ. Сондықтан өз денсаулықтарыңды табиғат емшілеріне қаратуды ұмытпаңдар.
Күн: Нұр сәуле – шуағым,
Беретін қуатым.
Ұлы емші боламыз,
Бізден күш аласыз.
Жылытып қыздырып,
Нұрыма жүзіңдер,
Алтындай шуағым,
Сырқатты қуамын.
Ауа: Жер шары – ұлы әлем,
Қоршаған біздерді.
Ауадан тыныс ап,
Өседі ырыс - бақ.
Денсаулық дауада,
Демге күш ауада.
Су: Сусында әрі ем,
Біз емші бәрінен.
Жуынсаң сергітер,
Су өмір жүрегі.
Денсаулық тірегі.
Оқушы: Уа, Жер - Ана! Мөлдір су! Таза ауа! Алтын күн! Дені сау ұрпақтың қалыптасуына тағы не керек?
Жер - Ана: Денсаулығың мықты болуы үшін тұрақты да мәнді өз күшің болуы керек. Яғни, дене жаттығуын жасау, табиғи тағам ішу, дем алу, жерің мен табиғатыңды қорғау керек.
Қорытынды:
Дені сау ұрпақтың қалыптасуына тағы не керек?

Ауа не үшін қажет?

Адам мен табиғат арасында байланыс бар ма?

Талдау сұрақтары

5. Мұғалімнің сыйы:

«Табиғатты аялап, қорғай біл» видеоролик

Сұрақтар:

Шыны шөлмектер қанша жыл сақталады?

Суды қалай үнемдеуге болады?

Осы видеороликтен қандай ой түйдіңіз?

Балалар мәтіннің мазмұнын толық түсініп, көрініс көрсетеді.

5.Шығармашылық жұмыс, топпен жұмыс.

Музыкамен сурет салу.

Музыка қосамын, әр топтың топ басшысы музыкамен сурет салуды бастайды. Соңында бәрің бірге қосылып суретті аяқтайсыңдар. Әр топ өзінің салған суреттерімен таныстырады.

Ақпарат:

Тазалық болған жерде ағаштар да, гүлдер де жайқала өседі. Тазалықтан кейін табиғатқа сұлулық керек, ол үшін ағаштар мен гүлдер егеміз. Одан кейінгі атқарар жұмыс табиғатқа күтім, қамқорлық жасау болып табылады.

Табиғат тазалығы-адам денсаулығының кепілі

Әр топ өз суреттерін қорғайды.

Топпен ән айту

Сөзін жазған Б. Бейсенова

Әнін жазған Е. Хасанғалиев

«Көктем келді» әнін хормен айтамыз.

Үйге тапсырма

№ 32 сабақтан жұмыс дәптердегі 2- тапсырма

Келесі сабақтан оқулықтағы 151- беттегі «Алтын балық» ертегісін оқып келу.

Балалар күнделікке жазып алады.

Соңғы қорытынды сәті.

Балалар сабағымыздың қорытынды сәтіне де жеттік. Тазалық болған жерде ағаштар да гүлдер де жайқала өседі. Тазалықтан кейін табиғатқа сұлулық керек, ол үшін ағаштар мен гүлдер егеміз. Одан кейін атқарар жұмыс табиғатқа күтім, қамқорлық жасау болып табылады.

Табиғатты сақтайық,

Табиғатты баптайық.

Бізге деген пайдасын,

Жақсылықпен ақтайық.

Қиянат жасамау,Қиянат жасамау,әсем табиғатқа

Қиянат жасамау,Қиянат жасамау барлық табиғатқа.