Жасай бер Ана тілім!

Ақтөбе қаласы

№54 негізгі мектебі

қазақ тілі мен әдебиеті пәнінің мұғалімі

Р.Б.Бижанова.

Жасай бер, ана тілім – қазақ тілі!

Мақсаты: оқушылардың қазақ тіліне деген ынтасын жандандырып, тілді құрметтеп, тіл – біздің ертеңіміз, тіршілігіміз, өміріміз екендігін түсіндіріп тәрбиелеу.

Көрнекілігі: тақырыпша және тіл туралы жазылған қанатты сөздер.

Оркестр сүйемілдеуімен «Ерке сылқым» күйі

Жүргізуші:Армысыздар, қымбатты ұстаздар мен қадірменді оқушылар!

Тілім менің!

Тілім үшін мың өліп, тірілді елім,

Аралыммен, арыммен қатар қойып,

Тілді қорғау – парызым бүгін менің! - дегендей

сіздерді 22-қыркүйек Қазақстан Республикасы халықтарының тілдері күнімен құттықтай отырып, №54 негізгі мектебі шаңырағында өткізілгелі тұрған «Жасай бер, ана тілім – қазақ тілі!» атты тілдер мерекесі апталығының қорытынды кешін тамашалауға шақырамыз.1998 жылы 20-қаңтарда Елбасымыз Н.Ә.Назарбаев Республика халықтарының ұлттық байлығы – Тілді қорғау мақсатымен 22-қыркүйекті Тілдер мерекесі деп жариялаған болатын.Қазақстан көптеген ұлттар мен ұлыстар мекендеген ұлы дала. 22-қыркүйек тек қана қазақ тілінің мерекесі емес, Қазақстан шаңырағы аясында бірлік пен ынтымақта өмір сүріп жатқан барша ұлт өкілдерінің мерекесі.Біздің ана тіліміз – қазақ тілі. Қазақ тілі – дүниежүзіндегі ең бай, ең бедел де бедерлі тілдердің бірі. Өткірдің жүзі,

Кестенің бізі,

Өрнегін сендей сала алмас, - деп ұлы Абай атамыз таңырқап, тағзым еткен болса, Елбасы Н.Ә.Назарбаев «Қазақстанның болашағы қазақ тілінде» деген болатын. Олай болса бүгінгі жас ұрпақ біздер ұшқыр ойлы, өткір тілді, ана тілінің тұғырын биікке ұшыратын сұңқары, бәйгенің алдын бермес тұлпары болуларыңа тілектеспіз.

Дағыстанның ақыны Расул Ғамзатовтың «Ана тілім» өлеңі

Жүргізуші:Тілім келді, дінім қайта оралды,

Басқа төнген қара бұлттар жоғалды.

Көк аспанда күндей болып жарқырап,

Қазақ елі егемендік бола алды.

Бүгін міне жерде емес, көктемін,

Өсе бергін, өсе бергін көктегін.

Әрқашанда биік болсын мәртебең,

Тілім менің көгере бер, көктегін!

Р.Мұқанованың монологынан үзінді.

Жүргізуші: Ана тілі – туған тілім, бас тілім,

Сен арқылы дүние танып, талпындым.

Сен арқылы әлемге аян бар ісім,

Сен өмірде таусылмайтын асылым.

Ана тілім, сенен биік шың бар ма,

Сен арқылы жарып кірем шыңдарға.

Сенсіз маған әуен қайда, жыр қайда,

Мен шалқимын құдіретің тұрғанда.

Мұқағали Мақатаевтың «Үш бақытым» өлеңі

Биші қыздар тобының орындауында «Самғау» биі

Фариза Оңғарсынованың монологы

Жүргізуші:Тамырыңды тамырсыздық індетінен қалқала!

Әр адамда өз анасынан басқа болу керек ТӨРТ АНА.

Жебеп жүрер, демеп жүрер арқада

Болу керек құдіретті ТӨРТ АНА:

ТУҒАН ТІЛІ – сатылмайтын байлығы,

ТУҒАН ЖЕРІ-түп қазығы айбыны,

ТУҒАН ДӘСТҮР, салт-санасы тірегі,

Және ТУҒАН ТАРИХЫ, еске алуға қаншама,

Ауыр әрі қасіретті болса да,-деп Мұқтар Шаханов жырлағандай төрт анамыздың бірі туған жерге сүйіспеншілігімен

«Туған жер» өлеңі

«Домбыраның үні» толғауы

Жүргізуші:Ана тілін жырлап өткен талайлар,

Жырлап өткен Ыбырай мен Абайлар,

Қасиетті менің ана тілімде,

Өшпес мәңгі алаулаған арай бар.

Өлең-жырмен арайланса, тау күліп,

Ардақтымды жырлап өтем ән қылып,

Жалғастырып жаза берем мәңгілік, - дегендей ана тіліне деген оқушының жүрек жарды жеке шығармасы

Жүргізуші:Ана тіліміз-қарапайым қазақ тілі. Қазақ тіліне, оның түпкі тамырына үңілсек, ол – өте бай тіл. Осы бай тіл – біздің мақтанышымыз. Осы тіл арқылы біз дүниежүзіне «қазақ» деген атпен әйгілі болдық, танылдық.

Тілім барда, қазағым бар, халқым бар,

Дәстүрім бар,

Ата жолы салтым бар.

Кең даладай жиналмаған жан-жағы

Аңқау, ашық мінезім бар аңқылдар.

Шөмішбай Сариевтің «Қазақтар» өлеңі

«Алтын бесік» әні

Жүргізуші: Тіл сенің – ең қайратты арыстаның!

Қорғаның дұшпаныңмен алысқан күн.

Тіл сенің – жүректегі жүйрік елшің,

Көк орман, көк орайлы бағыстаның.

Тіл сенің – өмірдегі өрнек сырың,

Тіл сенің – көмейдегі күміс жырың!

«Доспен сырласу» өлеңі

Жүргізуші: Қазағым тіліңменен жана берші.

Әуендетіп, әніме сала берші.

Мәңгі даңқың түспесін - қазақ тілі.

Көкейімде жатталып қала берші.

Жаса, тілім жаңғыршы, шарықташы!

Өзге тілден басып оз, қалыспашы.

Қазақстан – Отаным, тіліңменен,

Көк аспанда көк туым қалықташы.

«Жаса, тілім» әні

Жүргізуші:Тіл сенің – шат күлкің, тәтті әзілің, тапқыр сының,

Аспаның,

Айың,

Күнің,

Ауаң,

Демің,

Досқа-бал,

Дұшпанға-у,

Қайран тілдің,

Достарым құдіретін осыдан біл.

Біздің тіліміз – ананың ақ сүтімен бойға сіңген асыл қазынамыз. Ана тілімізді қастерлеп, қадірлеуіміз керек.Туған тіліміздің тұғыры мықты болуына негіз қалайық, достар!

Адрес публикации: https://www.prodlenka.org/metodicheskie-razrabotki/280130-zhasaj-ber-ana-tilim