Сыйлық сыйлау әдебі

7 сынып                                      

Күні:

Мұғалім:

Сабақтың тақырыбы

Сыйлық сыйлау әдебі

Сабақтың мақсаты:  

1.Оқушылардың білімдерін тақырып бойынша жетілдіру.2. Берілген тақырып көлемінде оқушылардың коммуникативтік компетенцияларын; ой-өрістерін, сөздік қорын молайту арқылы, күнделікте және ауыз-екі сөйлеуде пайдалануын дамыту.3.Мәтін және берілген тапсырмалар арқылы адамгершілік, ізгілік, парасаттылыққа тәрбиелеу, уақытымен және орынды сыйлық жасап, қуаныш білдіруге тәрбиелеу.

Сабақтың түрі:

 жаңа сабақ 

Сабақтың әдіс-тәсілдері: 

сұрақ- жауап, қайталау, баяндау, жазбаша жұмыс, шығармашылық жұмыс.

Сабақтың көрнекіліктері.

жаңа сөздер, сөздік, кестелер.

Сабақтың барысы:

1. Ұйымдастыру кезеңі

1 Оқушылармен сәлемдесу.2. Психологиялық ахуал орнату. 2 Топқа біріктіру. 3 топ болып бірігеді.

2. Лексикалық жаттығу

1 Балалар, бүгін нешесі? 2 Қай күн бүгін? 3 Ертең қай күн? 4 Қазір қай мезгіл? 5 Күз айлары қандай? 6 Қазір қай ай? 7 Бүгін ауа райы жылы ма суық па? 8 Бүгінгі күн сендерге қуанышты ма? «Ендеше фонетикалық жаттығуымызды бастайық.»

3.Фонетикалық жаттығу: 

Сынып:

 Қуанамын мен де, Қуанасың сен де, Қуанамыз бәріміз Арайлап атқан күнге!

4. Жаңа сабақ:

1. «Жақсы, отырамыз. Бүгінгі сабағымыздың тақырыбы «Сыйлық жасау». Сыйлық жасау – халықта ізгі әдет-ғұрып. Сендер қалай ойлайсыңдар, бүгін сабақта біз нені үйрену керекпіз? Қандай мақсатқа жету керекпіз? (Оқушылармен бірге сабақ тақырыбын, мақсатын анықтау.) 2. Сыйлық адамға қуаныш әкеледі, және сыйлық жасаған кезде адам өзі н-өзі де қуанышты болып сезінеді. Олай болса, дәптерлерімізді ашып, бүгінгі күнді, тақырыпты жазамыз

Жаңа тақырыпқа кіріспе: 

Сендер қалай ойлайсыңдар, сыйлық қашан беріледі? Қай кезде сыйлықты сыйлауға болады? Қандай сыйлық түрлері орынды болып саналады?» Дұрыс айтасыңдар, балалар. Ендеше тақтаға қарайық.

Мұғалім қысқаша түсіндіреді.

5. Жаңа сөздермен жұмыс:

оқу, аудару, түсіну, жаттау. Әрбір оқушы 1 сөйлемнен құрайды.

Орта ғасырлар – средние века Қалыптасқан – сформированы Қазіргі кезде – в настоящее время Өмірде – в жизни Мүмкіндіктер көп – много возможностей Бала кезінен – с детства Шын пейілден – от души Әдептілік – воспитанность Тапқырлық – находчивость

 Ауызша сөз тіркесін, сөйлем, сұрақ құру.

6. Мәтінмен жұмыс.

(Оқушыларға мәтін тарату). Мұғалім мәнерлеп оқиды. Бір сөйлемнен оқушылар оқып, аударады. 

Сыйлық жасау. Сыйлықтың тарихы 2 мың жыл бұрын бастау алады. Этикет формалары орта ғасырларда қалыптасқан. Қазіргі кезде сыйлық – халықта ізгі әдет-ғұрып. Өмірде қуаныш әкелетін мүмкіндіктер көп. Сыйлық жасауды бала кезінен үйрену керек. Бірақ сыйлықты таңдап, дұрыс тарта білу керек. Шын пейілден жасалған сыйлық адамның әдептілігі, тапқырлығы, мейірімділігін көрсетеді.

  Әлемде сыйлық алғанды ұнатпайтын адам жоқ шығар. Кез келген сыйлық адамды қуантады.Алайда әрбір сыйлық алған сайын бір міндет туындайтын сияқты болғандықтан, сыйлық сыйлау әлдеқайда қызығырақ.

   Сыйлық әрқашанда қуаныш әкеледі.Ол әрқашанда құрмет пен сыйласымдық белгісі.Оның таңдалуы әр адамның жеке қасиеттеріне байланысты.

Сыйлықты адамның талғамына, қызықтыратын заттарына, өмір салтына және де хоббиына байланысты таңдау керек.Сонымен қатар ол оқиғаға, адамның жынысына және қарым қатынасыңызға да байланысты.Сыйлық сыйлау алдында оны алдын ала ойластырып алғаны жөн. Сыйлық сыйлау процесіне де көңіл аударған жөн.Оны құр тез бере салу этикет нормаларына жатпайды.Оны әдемі және де сыпайы түрде сыйлау қажет.

Туған күнге туған күн иесінің бүкіл отбасысы емес, тек өзі қолданар зат сыйлау керек. Өте-өте қымбат сыйлық сыйламаған жөн, бұлай адамды ыңғайсыз жағдайға тұрғызуыңыз және де оны сізге тәуелді сездіруіңіз мүмкін. Сыйлықтың қапталғаны дұрыс. Ешқашан өзіңізге сыйлаған сыйлықты сыйлауға болмайды. Сыйлықты кіре берісте сыйлауға болмайды, оны қонақ үйде асықпай, жылы лебіздермен сыйлаған жөн болар. Ақшалай сыйлықты әрқашан конвертте беру керек.

7. Бекіту:

1. Топтық жұмыс:

Дәптерлерімізге әр топ өзіне берілген тапсырмасын орындайды. 1-топ: Мәтіннен сөз тіркесін тереді. 2-топ: Мәтінді 3 сөйлем арқылы мазмұндау. 3-топ: Мәтінге 3 сұрақ дайындайды.

2. Шығармашылық жұмыс.

Үйге берілген тапсырманы тексеру. Белгілі бір тақырыпқа ситуация құрып, сөйлесу.

Сергіту сәті

«Гүл сыйлау» сергіту сәті өтеді.

Рефлексия жүргізу. 

«Енді, балалар, бүгінгі сабақ жайында әрбіріміз өз ойымызды бір сөз немесе сөйлем арқылы қорытамыз». (Алдарында бірнеше көмекші сөздер жатыр).

«Аяқталмаған сөйлем» әдісі

Үйге тапсырма

Жаттығуды аяқтау.

Бағалау.