Әби-бабайларның туган җире оныкларга кадерлеме? Әмирхан Еникиның Туган туфракәсәре белән танышу

Укытучы

Закирҗанова Лилия Миннивакилевна

Предмет

Татар әдәбияты

Тема

Әби-бабайларның туган җире оныкларга кадерлеме?

Әмирхан Еникиның “Туган туфрак”әсәре белән танышу

Планлаштырылган нәтиҗәләр

Шәхескә кагылышлы: өлкән буынга ихтирам, туган җиргә мәхәббәт тәрбияләү.

Метапредмет: катлаулы текст белән эшли, иң әһәмиятлесен таба белергә өйрәнү.

Предмет буенча: Әмирхан Еники иҗаты белән танышу, “Туган туфрак”әсәрен укый башлау.

Дәреснең тибы

Яңа белемнәрне үзләштерү дәресе

Предметара бәйләнеш

Рус әдәбияты

Эшне оештыру

Фронталь, төркемнәрдә, индивидуаль

Чыганаклар

Төп: Татар әдәбияты: рус телендә төп гомуми белем бирү оешмалары өчен дәреслек (татар телен өйрәнүче укучылар өчен). 6 нчы с-ф. Ике кисәктә. 1 нче кисәк/ Ә.Р.Мотыйгуллина, Р.Г.Ханнанов, Э.Х.Гыйззәтуллина; [рәссамы Диләрә Нәүрүзова].-Казан: “Мәгариф-вакыт” нәшр., 2014. Өстәмә: презентация, карточкалар, Ә.Еники китаплары.

Җиһазлау

Проектор, экран, Ә.Еники тормышы, иҗаты турында презентаөия

Дәрес этаплары

Укытучы эшчәнлеге

Укучы эшчәнлеге

Универсаль уку гамәлләре (УУГ)

Оештыру

Мотивлаштыру (1-2 мин)

Хәерле иртә, укучылар!

Сыйныф эшкә әзерләнә

(укытучыны сәламлиләр)

ШУУГ: укытучы һәм сыйныфташларыңны хөрмәт итү;

КУУГ: укытучы һәм сыйныфташлар белән уку эшчәнлеген оештыруда хезмәттәшлек итү;

РУУГ: эш урынын оештыру.

Белемнәрне актуальләштерү

Өй эшен тикшерү (М.Җәлилнең “Тик булса иде ирек” шигырен сәнгатьле уку)

Туган җир, туган туфрак турында әңгәмә кору:

“Тик булса иде ирек” шигыренең төп темасы, фикере нәрсә?

Укучылар шигырьне сәнгатьле укыйлар.

Укытучының сорауларына җавап бирәләр. Укучылар шигырьне укыган укучыны схема ярдәмендә бәялиләр.

Туган җиргә, туган туфракка карата үз фикерләрен әйтәләр. Укучыларның җаваплары тыңланыла.

КУУГ: үз фикереңне тулы һәм төгәл итеп әйтә белү; башкаларның фикерләрен тыңлый, аңлый белү;

П: М.Җәлилнең “Тик булса иде ирек” әсәренең эчтәлеген белү.

Уку мәсьәләсен кую

Бүгенге дәреснең максаты – Ә. Еникинең “Туган туфрак” хикәясе белән таныша башлау.

Темадан чыгып, дәрескә уку мәсьәләсен укучылар белән бергәләп кую:

Ә.Еникинең тормыш юлы, иҗаты белән танышырга;

“Туган туфрак” хикәясенең 1 нче өлешен укырга, аңларга.

Бирелгән сораулардан чыгып, дәрескә уку мәсьәләсен билгелиләр.

ТБУУГ: танып белү мәсьәләсен мөстәкыйль ачыклау;

КУУГ: үзенең карашын әйтә һәм дәлилли белү;

Уку мәсьәләсен өлешләп чишү

Язучының иҗаты, тормыш юлы турында мәгълүмат.

Язучы турында презентация карау, китапларын күрсәтү.

Дәреслектәге белешмәне укыйлар, укытучы белән әңгәмә коралар.

ТБУУГ: нәтиҗә ясау, гомумиләштерү;

КУУГ: башкаларның фикерләрен тыңлый, аңлый белү, үз фикереңне дәлилләп башкаларга җиткерә белү;

РУУГ: уку мәсьәләсен дөрес аңлауны бәяләү, планлаштыру;

П: Ә.Еникиның тормышы һәм иҗаты турында белү.

“Туган туфрак” хикәясенең 1 нче өлешен уку.

1)1 нче өлешне укытучы сәнгатьле итеп укый, укучылар тыңлыйар.

Каракош нәрсә ул?

Сезгә бу исем ошыймы?

Бу хикәядә төп геройлар кемнәр булачак? Сез ничек уйлыйсыз?

Ни өчен әсәрдә геройлар бабай белән кыз? Ә әби белән малай түгел?

2 нче өлешне 1 укучы укый.

Нәрсә ул авыл?

Клара авылны нинди итеп күрә? Ул аңа ошыймы?

Ә җәй көне кайтса, нәрсә күрер иде?

Кларага авыл ошар идеме?

3 нче өлешне 2 нче укучы укый.

Бабасы үзенең авылын сагына. Ни өчен?

4 нче өлешне 3 нче укучы укый.

Ә сез ничек уйлыйсыз, Кларага авыл ошармы?

Ни өчен бабасының сүзен бүлә?

5 нче өлешне 4 нче укучы укый.

Бабасы үз авылын ничек тасвирлый? Ни өчен матур итеп тасвирлый?

6 нчы өлешне 5 нче укучы укый.

Нәрсәгә карата сагыну-юксыну хисе тасвирланган?

Нинди җыр-әкиятләр турында сүз бара?

7 нче өлешне 6 нчы укучы укый.

Клара бабасының әйткән сүзләрен онытмый. Ни өчен?

8 нче өлешне 7 нче укучы укый.

Кларада нинди теләк уяна?

Ни өчен ул авылга кайтыр өчен җәй аен сайлый?

Укучылар яңа сүзләрне кабатлыйлар, үзләре укыйлар, тестны өлешләргә бүлеп укыйлар.

Укытучының сорауларына җавап бирәләр.

ШУУГ: өлкән буынга ихтирам, туган җиргә мәхәббәт тәрбияләү;

ТБУУГ: укылган тексттан кирәкле информацияне табып аера белү;

КУУГ: башкаларның фикерләрен тыңлый, аңлый белү, үз фикереңне дәлилләп башкаларга җиткерә белү;

РУУГ: үз эшчәнлегеңне контрольгә алу.

3. Каракош авылы турындагы таблицаны тутырырга

Укучылар мөстәкыйльрәвештә таблица тутыралар

ШУУГ: активлыкка, мөстәкыйль фикер йөртүгә өйрәнү; ТБУУГ: укылган тексттан кирәкле информацияне табып аера белү;

КУУГ: башкаларның фикерләрен тыңлый, аңлый белү, үз фикереңне дәлилләп башкаларга җиткерә белү;

РУУГ: үз эшчәнлегеңне контрольгә алу;

Күзләрне ял иттереп алыйк

(тактада рәсемнәр эленгән, шул рәсемнәргә карап күзләр өчен гимнастика ясыйбыз).

Рефлексия

Әсәргә нәтиҗә ясар өчен безгә 6 эшләпә ярдәмгә килер.

Ак эшләпә: Тексттан фактларны гына сайлап әйтәбез.

Сары эшләпә: Геройларның һәм вакыйгаларның уңай якларын атыйбыз.

Кызыл эшләпә: Геройларның хисләрен әйтәбез.

Кара эшләпә: Вакыйгаларның һәм геройларның тискәре яклары турында әйтәбез.

Яшел эшләпә: үзләренең туган якка, туган туфракка булган хисләрен әйтәләр.

Зәңгәр эшләпә: дәрескә йомгак ясала.

Анда нәрсәләр булыр, ничек уйлыйсыз?

Төркемнәргә эшләпәләр таратыла. Һәр укучы эшләпә сайлап алып, мөстәкыйль рәвештә әсәргә карата үз фикерләрен әйтә.

ШУУГ: эшчәнлекнең максаты һәм нәтиҗәсе арасында бәйләнешне билгеләү, үз уңыш-уңышсызлыкларыңның сәбәбен ачыклау;

КУУГ: башкаларның фикерләрен тыңлый, аңлый белү, үз фикереңне дәлилләп башкаларга җиткерә белү;

РУУГ: индивидуаль һәм төркемдәге эшне бәяли белү.

Дәреснең һәр этабына куйган билгеләрегезнең уртачасын чыгарыгыз һәм дәрескә гомуми бәя куегыз.

(Дәрескә нәтиҗә ясый, укучыларның эшенә бәя бирә)

Укучылар үз эшчәнлекләренә бәя куялар.

РУУГ: үзбәя.

Өй эше

Өй эшен аңлату.

1.Әсәрнең үзеңә ошаган өлешен сәнгатьле укырга өйрәнергә, шул өзек буенча 2 сорау төзергә.

2. Берничә җөмлә белән генә бүлекнең дәвамын язарга

Өй эшен язып алалар, сораулар бирәләр.

ШУУГ: эшчәнлекнең максаты һәм нәтиҗәсе арасында бәйләнешне билгеләү, үз уңыш-уңышсызлыкларыңның сәбәбен ачыклау;

КУУГ: башкаларның фикерләрен тыңлый, аңлый белү, үз фикереңне дәлилләп башкаларга җиткерә белү;

РУУГ: үзбәя.