Тұрлаулы мүшелер

Мерзімі: 22.11.2015ж

Сыныбы: 3 « В »

Сабақтың тақырыбы: «Тұрлаулы мүшелер»

Сабақтың мақсаты: Білімділігі: бастауыш пен баяндауыштың тұрлаулы мүшелер екенін ұғындыру.

Дамытушылығы: оқушылардың сауатты жазу дағдыларын жетілдіру, сөздік қорын байыту, байланыстырып сөйлеу дағдысын дамыту.

Тәрбиелілігі: өзара ынтымақтастыққа, сыйластыққа тәрбиелеу.

Түрі: жаңа сабақ

Әдіс – тәсілдері: талдау, сұрақ - жауап, түсіндіру

Көрнекілігі: семантикалық карта, интерактивті тақта, суреттер.

Пәнаралық байланыс: әдебиеттік оқу, бейнелеу

Сабақ барысы: І. Ұйымдастыру кезеңі

Оқушылардың зейінін сабаққа аудару, оқу құралдарын түгендеу.

Психологиялық дайындық.

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

ІІ. Үй тапсырмасын тексеру.

58- жаттығу

ІІІ. Өткен сабақты пысықтау

1.Сөйлем мүшелері дегеніміз не?

2. Бастауыш дегеніміз не?

3. Баяндауыш дегеніміз не?

4. Бастауыштан кейінгі сызықша қай уақытта қойылады?

ІV. Жаңа сабақ

Ой қозғау

-Балалар қазір күздің соңғы айы.

Сондықтан да күн суытып, қар жауып, борандар да басталады.

-Ал енді, мына екі сөйлемге назар аударыңдаршы. (оқыту)

Оқулықпен жұмыс:

60- жаттығу. Сөйлемдерді оқы. Олардың қандай ұқсастықтары мен өзгешеліктері бар?

1. Қар жауды.

2. Бүгін жапалақтап қар жауды.

Қар жауды. - Сөйлемнің тұрлаулы мүшелері. Ол бастауыш пен баяндауыштан тұрады. Тұрлаулы мүшелер сөйлемдегі негізгі ойды білдіреді.

Бірінші сөйлем тек тұрлаулы мүшелерден тұрса, екінші сөйлемде бастауыш пен баяндауыштан басқа да сөздер қолданылады.

Тұрлаулы мүшелер

Бастауыш

Қар

Баяндауыш

жауды

V. Жаңа білімді меңгеру.

1.Ауызша жұмыс

61- жаттығу. Сөйлемдерді оқып, тұрлаулы мүшелерді тап. Неліктен тұрлаулы екенін түсіндір.

Мектепте асхана бар. Аспазшы тамақты дәмді пісіреді. Балалар үзілісте асханаға келді.

(Тұрлаулы мүшелер бастауыш пен баяндауыштан тұрады. Сөйлемдегі негізгі ойды білдіреді.)

2. Тақтамен, дәптермен жұмыс.

62- жаттығу. Мәтінді тиісті тыныс белгілерін қойып көшіріп жазу. Мәтінге ат қою. Тұрлаулы мүшелердің астын сызу.

Балалар Ақлима әжейге көмекке келді қыздар үй тазалады ұлдар отын жарды Ақлима әжей балаларға риза болды.

Осы мәтінге ат қояйық? Недеп қоюға болады?(Көмекшілер, Қамқорлық)

3. Сергіту сәті

4. Өздік жұмыс.

63- жаттығу. Мақалды жатқа жазу. Тұрлаулы мүшелердің астын сызу.

Әкеге қарап ұл өседі,

Шешеге қарап қыз өседі.

Жаман жолдас жолда қалдырады.

5.Шығармашылық жұмыс.

Ойын: «Ұйқасын тап»

Үні ғажап,

Дүлдүл,

Бақта сайрар.... (бұлбұл)

Бәрі бірдей жұмысқа,

Шығатын не?.... (құмырсқа)

Семантикалық картамен жұмыс.

64-жаттығу. Сөйлемдерді оқып, мағыналық байланысына қарай ретімен айтып бер. Тұрлаулы мүшелерді тап.

Тырна түлкіге тамақ беріпті.

Құмыра түлкінің басына сыймапты.

Тырна түлкіні қонаққа шақырыпты.

Бұл қай ертегіден алынған үзінді?

Қорытынды:

-Біз сабақта не туралы білдік?

Венн диаграммасы арқылы тұрлаулы мүшелердің ортақ қасиетін анықтау.

Рефлексия:

Нені білдіңдер?

Нені білгілерің келеді?

Нені білемін?

Үй тапсырмасы:

77-бет . 65- жаттығу

Сурет бойынша әңгіме құрау.Мәтінге ат қою.Тұрлаулы мүшелерді табу.

Бағалау. Белсенділік танытқан оқушыларды атап, мадақтау.

«Н.Төреқұлов атындағы №121 жалпы орта мектебі»

коммуналдық мемлекеттік мекемесі

Тақырыбы:

Тұрлаулы мүшелер

Сыныбы: 3 « В »

Пәні: қазақ тілі

Пән мұғалімі: Бакишева Жамал Ташкенбаевна

2017 -2018 оқу

Адрес публикации: https://www.prodlenka.org/metodicheskie-razrabotki/295823-trlauly-msheler