Балықтар 3-сынып

Дүниетану 3 сынып Тақырыбы:Балықтар Мақсаты :1.Балықтардың тіршілігі және олардың сыртқы құрылысы туралы оқушыларға түсінік беру. 2.Дүниетанымдарын,сабаққа деген қызығушылықтарын арттыра отырып, сөздік қорын байыта отырып,өз ойларын еркін жеткізе білуге дағдыландыру. Оқушылардың қиялдарын дамыту. 3.Балықтардың маңызын түсіндіре отырып,оларды қорғауға баулу. Сабақтың түрі:. Сабақтың көрнекіліктері:интерактивті тақта, ,суреттер,сергіту сәті,слайдтар,музыка. Сабақтың барысы: І.Ұйымдастыру кезеңі. -Балалар,казір бізде дүниетану сабағы.Қанеки оқу-құралдарымызды реттеп сабаққа дайындалайық.Сабақты бастамас бұрын сендердің назарларыңды интерактивті тақтаға аударамын . (Психологиялық дайындық.) 

-Балалар,сендерге ұнады ма? -Ендеше,бүгінгі сабағымыз қызықты өту үшін сендерге және осы отырған барлықтарымызға сәттілік тілеймін. 

-Балалар біз өткен сабақта қандай тақырыппен танысып едік?

ЖӘНДІКТЕР ЖӘНЕ ҚҰСТАР

- олай болса балалар кәне білгенімізді еске түсірейік

Сұрақ жауап арқылы білгенімізді еске түсіреміз-Бүгінгі сабағымыздың тақырыбын анықтау үшін біз мына сөзжұмбақты шешуіміз қажет.(интерактивті тақтадағы сөзжұмбақты шеше отырып,жауаптарын балалардың өздеріне жазғызу) Тапсырмалары : 

1.көбелек 2.ара 3.түлкі 4.жылан 5.қасқыр 

1 .Ұшып жүрген гүл көрдім, Қонғанда ұстап үлгердім. 2. Еңбегі қатты, Елегені тәтті. Тіршілік нәрін, Гүлдерден тапты. 3. Өзі айлакер, өзі қу, Жүрген жері айқай да шу. 4. Отырмайды, тұра алмайды, Түзу жолда бұраңдайды. 5. Ит сияқты пішіні, Ұнатпайды кісіні. Ал енді келесі жұмбақты шешесіңдер, сөз жұмбағымыздың ортасындағы сөз қарамен жазылған сөзді табасыздар.

Бүгінгі біздің жаңа сабағымыздың тақырыбы да осы жұмбағымызбен байланысты:

Қанаты бар ұшпайды,

Жұрт айламен ұстайды. (Балық)

-Тамаша.Қанеки хормен ортада шыққан сөзді оқып жіберейікші.(Балық) -Ендеше біздің бүгін өтетін тақырыбымыз «Балықтар»екен. ІІ. Жаңа сабақ Мұғалімнің түсіндірмесі: Балықтар дүние жүзіндегі кез келген су қоймасында (мұхит, теңіз,көлдер,өзендерде )тіршілік етеді. Балықтарды  зерттейтін  ғылым  ихтиология . Омыртқалылардың денесінде  бас , мойын , тұлға , құйрық  және  екі жұп  аяқтары болады

Балықтар - омыртқалы жануарлар. Балықтар тек суда ғана тіршілік етеді, сондықтан олардың дене пішіні мекен ететін орны мен тіршілік жағдайларына байланысты алуан түрлі болып келеді. Енді балықтың сыртқы құрылысына назар аударайық.(Балықтың суретін көрсету) 1.Балықтардың денесі қабыршықтан тұрады. 2.Балықтар өмір бойы желбезек арқылы тыныс алады. Бастың артқы және бүйір жағында жалпақ желбезек қақпалары болады. Желбезектер осы қақпақтардың астында орналасқан. 3.Жүзбе қанаттары тепе-теңдікті сақтап,бағытын анықтай алады,яғни балықтың жүзу кезіндегі түрлі қимылдары, олардың қанаттарының түрліше қозғалуына байланысты. Балықтар қос қанаттары арқылы су ішінде денесін бұрып отырады. Егер қос қанаттарын денесіне таяп байласақ, олар бауырын судың бетіне қаратып қалқып су бетіне шығады 4.Балықтардың ілгері қарай қозғалуына құйрық қанаты басты органы болып табылады, ол денені басқару қызметін атқарады. 5.Барлық сүйекті балықтардың торсылдағы болады.Ол судың төмеңгі қабаттарына дейін баруға мүмкіндік жасайды. Балықтардың адам өміріндегі маңызы өте зор. Балықтан тамақтық продуктылар өндірумен қатар тіршіліктік маңызы бар пайдалы витамин, қоректік ұн тыңайтқыштық түктер де өндіріледі.Жылына миллиондаған балықтар ауланады да,балықтардың саны азаюда.Сондықтан арнайы су қоймаларында балықтар қолдан көбейтіледі. -Балалар,сендер сендер қандай өзендерді білесіңдер?Ал біздің жақта қандай өзен ағады? -Қазір Ертіс өзені туралы сендерген әңгімелеп береді. Ал сендер мұқият тыңдап отырыңдар. -Ертіс өзенінде қандай балықтар бар екен? -Біздің бірнеше оқушымыз осы балықтар туралы мәлеметтер жинаған еді,енді соларды тыңдап көрейік.(Оқушылар балықтардың суреттерін көрсете отырып, хабарлама жасайды) -Өте жақсы.Қанеки осы беттерді бір-біріне жапсырайықшы.Бізде балықтар туралы кітапша дайын болды. ІІІ.Сергіту сәті(Интерактивтік тақта арқылы музыкалық сергіту сәтін жасату)

ІҮ.Практикалық жұмыс

-Балықтардың адам өмірі үшін қандай маңызы бар?

- Балықтарды қорғау, көбейту, сақтау не үшін керек?

Ү.Сабақты бекіту  -Балалар,қазір оқулығымыздың 137 бетін ашып,мәтінді бір оқып шығайықшы.  (Тізбек бойынша мәтінді оқыту)  Ү.Қорытындылау.  Сонымен,  1.балықтар қайда өмір сүреді екен?  2.балық қалай тыныс алады.  3.Қанаты,құйрығы қандай қызмет атқарады?  4.қандай балықтармен таныстық?  5,Сендерген бүгінгі сабақ ұнады ма?  6.несімен?  -Бүгінгі сабақтан естелік ретінде мен сендерге алтын балықтар сыйлағым келіп тұр.Сабаққа белсенді қатысқандарын үшін алғысымды білдіремін.  Бағалау.  Үйге тапсырма:137-138 бет.оқу,мазмұны

«Мариногорка орта мектебі» КММ

АШЫҚ САБАҚ

Тақырыбы:«Балықтар»

3«а»

Өткізген: Сурашева Д.М

2013-2014 оқу жылы

Адрес публикации: https://www.prodlenka.org/metodicheskie-razrabotki/297070-balytar-3-synyp