Йондоҙло сәғәт: башланғыс кластар өсөн тәбиғәт тураһындағы белемдәреңде тәрәнәйтеү һәм киңәйтеү

Башланғыс кластар өсөн <Йондоҙло сәғәт >

Маҡсат:

Тәбиғәт тураһындағы белемдәрен тәрәнәйтеү,киңәйтеү;

Ҡыҙыҡһыныусанлыҡтарын,фекерләү етеҙлеген, иғтибарлылыҡтарын үҫтереү;

Тәбиғәткә һөйөү, һаҡсыл мөнәсәбәт тәрбиәләү;

Алып барыусы:

Хәйерле көн, ҡунаҡтар! Хәйерле көн, “ йондоҙло сәғәт” тә ҡатнашырға теләүселәр! Уйын уйын менән ,ә йондоҙло сәғәт һәр саҡ булмай, бөгөн йондоҙҙар кемгә йылмайыр икән! Уйында ҡатнашырға 6 кеше кәрәк, кем йомаҡтарға дөрөҫ яуап бирә,шулар 1 – се турға үтә.

Йомаҡтар:

1.Ҡояш ҡайҙа барһа , уға ҡарап йылмая . Көнбағыш

2. Ҡуян ҡолаҡлы, ат тояҡлы. Ишәк

3. Балтаһыҙ , ҡулһыҙ өй эшләгән. Ҡош

4. йылан түгел – саға, ҡош түгел оса. Иңкеш

5. Берәү һөйләй,икәү тыңлай, икәүһе ҡарап тора. Ауыҙ,ҡолаҡ,күҙ

6 . Тәҙрәһе юҡ,ишеге юҡ,эсе тулы халыҡ. Ҡыяр

Алып барыусы:

Уйнаусылар һайланды ла ул, ә бит уйындың шарты буйынса уларҙың ярҙамсылары булырға тейеш. Һәр уйынсы үҙенә терәк ярҙамсы һайлап ала.

Уңыштар һеҙгә!

1 – се тур

Алып барыусы:

1 – се тур сәскәпәргә бағышлана

1. Ниндәй сәскә яҙҙы килтерә , тип әйтәләр ?

2. ҡайһы сәскәнең тажын ҡыҙҙар егеттәрҙең яратыуын белер өсөн өҙгөләп бөтәләр?

3. ҡайһы сәскәне сәскәләр батшабикәһе тип йөрөтәләр?

4. “ Дюймовочка” әкиәтендә ҡыҙ йоҡлаған сәскә ?

5. Ептәй нәҙек аяғы,шарҙай йомро башлығы.

Талғын ғына ел иҫер, шар башлыҡ осоп китер.

6. Ҡыҙҙарға ошо сәскәләрҙең исемен ҡушалар.

Алып барыусы:Йондоҙҙарҙы һанайбыҙ һәм иң әҙ йондоҙ йыйыусы уйындан сыға.Шулай итеп,беҙҙе 2 – се турҙа ҡош – ҡорт һәм хайуандар тураһындағы серле йомаҡтар, ҡыҙыҡлы һорауҙар көтә.

2 – се тур:

1.Хужа Насретдиндың айырылғыһыҙ дуҫы?

2.Мөхәббәт символы?

3.Нимә тыуғанда уҡ һаҡаллы булып тыуа?

4.Һыйлы көнөң -........

5.Ер йөҙөндә кешенән ҡала иң аҡыллы нимә ?

6.Таҙалыҡты яратыусы хайуан?

7.Һыуҙа йөҙһә лә - ҡоро ҡалды

8.Иң сыҙамлы хайуан?

Йондоҙҙарҙы һанап, иң әҙ йыйыусы уйынды ташлай

3 – сө тур

Алып барыусы:

Серле ҡапсыҡтан ҡарамайса ҡулға эләккән хәрефтәрҙән һүҙҙәр төҙөйбөҙ, иң оҙон һүҙ төҙөүсе еңеүсе була. 3 һуҙынҡы , 4 тартынҡы тартып сығарыла һәм һүҙҙәр уйланыла, етмәгән хәреф урынына йондоҙ ҡулланырға мөмкин

Иң ҡыҫҡа һүҙ уйлаусы уйындан сыға.

4 – се тур

Алып барыусы:

Б ыл турҙа тәбиғәтте һаҡлау, ҡурсалау тураһында көс һынашабыҙ

1.Быйылғы йыл “Тәбғәтте һаҡлау һәм ҡурсалау йылы” тип атала, эмблемаһында ниндәй төҫтәр бар?

2. Бөтөү ҡурҡынысы янаған үҫемлектәрҙең һәм хайуандарҙың исемлеге индерелгән китап ниндәй тип атала?

3. Ниндәй умырзая ҡыҙыл китапҡа индерелгән?

4. Тәбиғәтте һаҡлаусы балалар ойошмаһы ниндәй патрулдәр тип аталалар?

5. Һыу ятҡылыҡтарын һаҡлаусы балалар ойошмаһы ниндәй патрулдәр тип аталалар?

Йондоҙҙарҙы һанап, иң әҙ йыйыусы уйынды ташлай

5 – се тур

Һуңғы турға килеп етеүселәрҙе ҡотлау.

Алып барыусы:

Бирелгән һүҙгә 2 минут ваҡыт эсендә һүҙҙәге хәрефтәрҙе ҡулланып,бер хәрефте 2 тапҡыр ҡулланмай, күп итеп һүҙҙәр яҙырға.

Экология(һүҙҙең мәғәнәһен аңлатып китергә)

Берешәрләп ,әйтелгән һүҙҙе ҡабатламай ғына әйтешеү. Һүҙең бөтһә, ярҙамсыларҙыҡын ҡулланыу, улары ла бөтһә- йондоҙ һалыу.Кемдең йондоҙо ҡала – шул еңеүсе тип таныла.

Алып барыусы:

Тәбиғәтте һаҡлайыҡ,рәнйетмәйек! Ул һәр саҡ йәшел , матур, гүзәл булһын!

Адрес публикации: https://www.prodlenka.org/metodicheskie-razrabotki/353451-zvezdnyj-chas