Мақта қыз бен мысық

Н.А.СӘРСЕНБАЙ

ТОО «Дастан-2016» МДҰ «Нұрсәт»

Ақтөбе облысы,Мәртөк ауданы

«Күншуақ» ІІ кіші тобы

Тәрбиеші: Сәрсенбай Нұршат Ахметқызы

Тақырыбы: «Мақта қыз бен мысық»

Сабақтың мақсаты:
Ертегілер туралы білімдерін күшейту.Ертегі туралы мәлімет тарату,кейіпкерлермен таныстыру.
Сөйлеу мәдениетін,тіл байлығын арттырып, еркін сөйлеп, өз ойларын дұрыс жеткізу.
Баланың сөздік қорын дамыту, сөз өнеріне деген құрмет.
Балаларды еңбекке, татулыққа тәрбиелеу, достыққа шақыру.

Әдіс – тәсілдер: сұраққа жауап беру,

Балалар «Мақта қыз бен мысық» ертегісіндегі кейіпкерлердің рөлін өздері сомдау.

Қажетті нәрселер: Топтын ішін әшекейлеу, үстел үстінде ыдыстар, қатық,

сыпырғыш, инеағаш, қайшы,барлық жануарларға арналған маскалар немесе киімдері, ағаш, тауық маскасы, тышқан киімі, шелек, мысық киімі, дүкен, сиыр киімі, мейіз, тары.

Билингвалдық компенент:Ертегі – сказка,мысық-кошка.

Ұйымдастыру кезеңі:

Балалармен амандасу!

Ал балалар, бүгінгі күн өте ерекше күн, себебі, біздің тобымызға көптеген апайлар сендерге қонаққа келді. Қане, сол қонақтармен сәлемдесейікші:
Қуан, шаттан, алақай,
Қуанатын күн келді.
Қайырлы таң, қайырлы күн,
Күліп шықты күн бүгін.

-Балалар оқу қызметін бастамас бұрын топта тыныштықты сақтауымыз керек.
- Балалар, енді бүгінгі ертегіміз ерекше болғалы тұр, мен сендерге қызықты ертегіні алып келдім,кәне маған қараңдар.

Алдымен менің сұрақтарыма жауап беріңдер.
1)Ертегі дегеніміз не екенін білесіңдер ме,оларды біздерге кім айтып береді?(балалардың жауабы)
2)Қандай ертегілерді білесіңдер?( балалардың жауабы)

3)Ертегікейіпкерлерін еске түсірейікші, қандай ертегілерді білеміз?( балалардың жауабы)
Өте жақсы, бүгін ертегіні оқып, түсініп, біліп қана қоймай ертегі кейіпкерлерінің рөлінде өзіміз ойнап көрсетеміз. Бұл ертегі Ыбырай

Алтынсариннің «Мақта қыз бен мысық» ертегісі.
Залда «Ерте, ерте, ертеде» деп ертегілер әуені орындалады.

Ортаға автор шығады:

Автор (тәрбиеші):
Ерте, ерте, ертеде,
Ешкі құйрығы келтеде,
Мақта қыз бен мысық өмір сүріпті.

Бұл екеуі дос болып жүреді. Мақта қыз үйін жинап жүріп, бір мейіз тауып алады да мысықты шақырады. Мысық, келмейді. Қыз:

         — Келмесең келме! – деп, мейізді өзі жеп қояды. Жеп болған соң, мысық келіп:

         — Неге шақырдың? – деп сұрайды. Мақта қыз айтпайды. Сонан соң мысық:

— Ендеше қатығыңды төгем! – дейді.

  Мақта қыз (Балауса):

         — Мен құйрығыңды кесіп аламын! – дейді.

        Мысық қатықты төгеді. Мақта қыз мысықтың құйрығын кесіп алады. Мысық:

         — Апа, апа, құйрығымды берші! – дейді.

        Мақта қыз:

         — Менің қатығымды төле! – дейді. Мысық сиырға барады.

         — Сиыр, маған қатық берші! – дейді.

   Сиыр (Мағжан,Бекзат (Балауса):

         — Менің қарным ашып тұр. Маған жапырақ әкеліп берші! – дейді.

         Мысық ағашқа барып:

         — Ағаш, ағаш, жапырағыңды берші! – дейді.

        Ағаш(Кәусар,Мәди):

         — Мен шөлдеп тұрмын. Су әкелсең, жапырақ беремін, – дейді.

Сергіту сәті:

Тербеледі ағаштар,

Алдымнан жел еседі.

Кіп-кішкентай ағашатар.

Су құйғанда өседі.

Мысық суға бара жатса, су әкеле жатқан қыздарды көреді.

         — Қыздар, қыздар, маған су беріңіздерші! – дейді.

        Қыздар оған:

         — Бізге сағыз әкеліп берсең, біз саған су береміз, – дейді. Мысық дүкенге барады.

         — Әй, дүкенші, маған сағыз берші! – дейді.

        Дүкенші (Нұраддин,Раяна,):

         — Маған жұмыртқа бер, – дейді. Мысық тауыққа барады.

         — Тауық, тауық, маған жұмыртқа берші! – дейді.

        Тауықтар (Ерасыл,Сабина,Али):

         — Бізге дән әкеліп берсең, біз саған жұмыртқа береміз, – дейді.

Мысық(Анель): «Енді не қыламын?» – деп, бара жатса, бір ін қазып жатқан тышқанды көреді. Мысық тышқанды бас салады.

         — Жаныңның барында айт! Үйіңде не бар? – дейді.

         Тышқан қорыққанынан:

         — Үйімде бір табақ тарым бар, – дейді.

        Мысық (Анель):

         — Маған бір уыс тары бер, – дейді.

         Тышқан үйіне барып, бір уыс тары әкеліп береді; мысық тарыны апарып тауыққа береді, тауық жұмыртқа береді; жұмыртқаны апарып дүкеншіге береді; дүкенші сағыз береді; сағызды апарып қыздарға береді, қыздар су береді; суды апарып ағашқа береді; ағаш жапырағын береді; жапырақты апарып сиырға береді, сиыр қатық береді; қатықты апарып Мақта қызға береді, Мақта қыз мысықтың құйрығын береді.

Қорытындылау.

Тәрбиеші:Балалар бүгінгі оқу қызметінде біздер қандай ертегіні өттік, қандай кейіпкерлерді білдік!

Балалар:«Мақта қыз бен мысық»

-Мақта қыз, мысық, сиыр, ағаш, тауық, тышқан.

Ендіше бұл ертегімізді де өзімізге қосып қойяық,балалар бізге Мақта қыз өзінің пісірген тәтті бауырсақтарын алып келген екен.

Күтілетін нәтижелер:

Білді:Ертегі кейіпкерлер туралы түсініктерін дамыту. « Ертегі» дегеніміз не екенін білді.

Игерді:Кейіпкерлердің қандай болатынын игерді.

Меңгерді:«Мақта қыз бен мысық» туралы ертегісін меңгерді, олардың тату болатынына екендігіне көз жеткізеді.

Автор:Балалардың менің ертегімді тыңдай отырып ертегісі кейіпкерлерін жақсы сомдағандарың үшін көп-көп рахмет!
Балаларымыздың өнерлерін тамашалаған тәрбиешілерге де рахмет. Келесі ертегіні тыңдағанға дейін қош сау болыңдар.

«Бекітемін»

«Нұрсәт»балабақшасының

меңгерушісі С.П.Филатоваға

‗‗‗‗‗‗‗‗‗‗‗‗‗‗‗‗‗‗‗

Ашық сабақ

II Кіші топ «Күншуақ»

Тақырыбы: Ы.Алтынсаринның

«Мақта қызбен мысық» ертегісі

Тәрбиеші: Сәрсенбай Н.А.

2019ж

Адрес публикации: https://www.prodlenka.org/metodicheskie-razrabotki/358324-mata-yz-ben-mysy