Я мастер своего дела

Татарстан Республикасы Аксубай муниципаль районы

мәктәпкәчә белем бирү бюджет муниципаль учреждениесе

«Һәрьяклап тәрбияләп үстерү буенча «Буратино» балалар бакчасы

«Мин- үз эшемнең остасы»

Юнысова Асия Габделхак кызы,

балаларны татар теленә

өйрәтү буенча тәрбияче

2020 нче ел

Тәрбияче сүзе гади генә яңгыраса да, ул үз эченә күпме мәгънә туплаган. Тәрбияче - бер ук вакытта белем дә, тәрбия дә бирүче. Тәрбияче - психолог та, тикшеренүче – эзләнүче дә ул. Эшне уңышлы алып бару өчен, иң беренче чиратта балаларның шәхси сыйфатларын яхшы белергә, җентекләп өйрәнергә кирәк. Моның өчен әлбәттә, педагогик тикшеренү һәм эзләнү алымнарын белү зарур. Тәрбияче – ул үз эшендә белем бирү алымнарын нәтиҗәле кулланучы, баланы сәламәт, акыллы, әхлаклы итеп тәрбияләүче дә.

Бала күңеле пыяла, саксыз кагылдыңмы уала дигәндәй, тәрбияче - бала өчен илаһи бер серле зат, шул илаһи көчне бала күңелендә тәрбияче саклый белергә тиеш.

Һәр бала ул шәхес, һәр балага индивидуаль якын килеп, аның сәләтен күреп, аның өстендә эш алып барып, җәмгыятькә файдалы кеше тәрбияли алсак, без куйган максатыбызга ирешә алдык, дияргә була.

Бер караганда кызыклы, шул ук вакытта катлаулы да хезмәтне сайладым мин. Тәрбияче - һәр көнне яңалыкка омтылучы, куйган максатына ирешүче зат, ата­-аналарлар белән уртак тел табып тәрбия - белем чараларын дөрес кулланып эшләүче, балаларны хөрмәт итүче шәхес ул.

Мин«Һәрьяклап тәрбияләп үстерү буенча «Буратино» балалар бакчасындабалаларга татар теле һәм туган тел өйрәтәм. Үз хезмәтемне, балаларны бик тә яратам.

Тел – кешеләрнең аралашу коралы. Балаларны төрле телләрдә сөйләшергә, аралашырга өйрәтү, туган телебезне ярату, аңа карата ихтирам тәрбияләү бүгенге көндә иң мөһим мәсьәләләрнең берсе булып тора. Шуңа күрә дә тел өйрәтүдә төрле алымнар, ысуллар кулланып эшләгәндә генә, без ниндидер нәтиҗәләргә ирешәбез дип уйлыйм.

Телне яңа өйрәнә башлаганда ул яңа сүзләрне күпләп алып түгел, ә бәлки һәр аерым сүзне төрле ситуацияләрдә күп тапкыр кабатлау юлы белән барырга, үзе өчен һәр уңай моментны файдалалана белергә тиеш.

Үз  белемемне күтәрү буенча методик тема:«Төрле төр эшчәнлек аша балаларның сүзлек запасын баету».

Балаларның сүзлек запасын баетуда мин әлеге принципларны һәм алымнарны кулланам.

• Балага таныш булган предметлар һәм эш төрләре;

• Схемалар, пиктограммалар;

• Рәсемнәр белән эшләү;

• Сүзле, хәрәкәтле уеннар, җырлар, шигырьләр;

• Хикәяләр, әкиятләр уку,аларның эчтәлеген сөйләү;

• Әсәрләрне сәхнәләштерү, сәхнәләштерелгән тамашалар, курчак спектакльләре;

• Техник чаралар, аудиоматериал, компьютерда уеннар, мультфильмнар карау.

Заман безнең алда елдан-ел яңа үзгәрешләр кертә һәм безгә, тәрбиячеләргә дә яңа таләпләр куя. Шуңа күрә дә мин инновацион технологияләр кулланып эшләргә тырышам, чөнки инновацион технологияләр куллану балаларда татар телен тагын да ныграк белергә кызыксыну уята.

Телләргә өйрәтүдә укыту- методик комплектларны да бик уңышлы файдаланам.Комплектлар һәрбер эшчәнлекне оештыру өчен таратма рәсемнәр, төсле матур күргәзмә, битлекләр, аудиоязмалар, бармак театрын үз эченә ала. Болар барысы да балаларның хәтер, зиһенен, сүз байлыгын һәм диалогта катнаша белү күнекмәсен үстерә.

Балаларның сүзлек запасын баетуда пиктограммаларның да роле зур. Шуңа да шөгыльләрдә пиктограммаларны киң кулланам. Пиктограммалар- гадиләштерелгэн рәсемнәр, билгеләр, тамгалар. Балалар пиктографик язуны тиз үзләштерәләр.

Рәсемдәге  предметлар, хәрәкәтле рәсемнәр ярдәмендә бала сүзләрне тизрәк үзләштерә, исендә калдыра. Рәсемнәрдәге предметлар вариантларда булганда да яхшырак нәтиҗәләр бирә.

Мәсәлән: Курчак утыра, йоклый, курчакның күлмәге зәңгәр , курчакның күлмәге кызыл һ.б. болай эшләгәндә балаларда бер үк сорауга төрле җаваплар бирә алу күнекмәләре үсә.

Яңа сүзләрне өйрәнгәндә “ Сикергеч” уены бик тә уңышлы килеп чыга. Сикергән саен бер татарча сүз әйтелә. Кем әйтә, шул җиңүче була. Мондый  уен хәтерне камилләштерергә ярдәм итә. Балаларга бу уен бик тә ошый.

«Уен—кызыксыну һәм белемгә омтылу утын кабыза торган очкын ул», — В.А.Сухомлинский.

Балаларны икенче телгә өйрәткәндә, мин дидактик уеннар, лото, домино кебек уеннарны да кулланам. Бу бигрәк тә «Уенчыклар», «Киемнәр», «Яшелчә һәм җиләк-җимеш» ләр темасын үткәндә файдалы.

Уенчыклардан үзәк урынны курчак алып тора. Мин аны үз эшемдә һәрвакыт кулланам, курчак, башка балалар кебек, «телне өйрәнә». Аның белән дидактик уеннар оештырыла: «Курчакны юындыру», «Курчакны киендерү». Курчак турында хикәя төзү дә шөгыль барышында еш кабатлана: Бу—курчак. Аның исеме Алсу. Ул матур.

Үз эшемне традицион булмаган методлар ярдәмендә алып барырга тырышам. Шулай иткәндә балада кызыксыну уяна, шөгыльләрне бирелеп тыңлый башлый, теләп катнаша.

Йомгак ясап шуны әйтер идем, балаларны заманча укыту - безнең бурыч. Аннан читкә китмәскә тырышып эшлим.

Кабинет по обучению детей татарскому языку . Балаларны татар теленә өйрәтү кабинеты .

Балалар бик теләп шөгыльләргә йөриләр, уен формасында татар теле, мәдәнияте, тарихы белән танышалар, татар телендә мультфильмнарны бик теләп, кызыксынып карыйлар.Дети с удовольствием посещают занятия, где их в игровой форме знакомим с языком, культурой, историей татарского народа, показываем мультфильмы на татарском языке.

Безнең балалар бакчасында бәйрәмнәр һәм күңел ачулар кызыклы һәм бик тә эчтәлекле, балалар өчен файдалы үтә. Балалар белән татарча шигырьләр, җырлар, биюләр өйрәнәбез. В нашем детском саду праздники и развлечения проходят интересно и содержательно, с пользой для детей. С детьми изучаем татарские стихи, песни, танцы.

17" />

Г.Тукайга багышланган шигырь бәйгесе.Поэтический конкурс, посвященный

Г. Тукаю

«Сабантуй» бәйрәме. Праздник «Сабантуй»

Муса Җәлил иҗатына багышланган музыкаль – шигъри кичә. Музыкально – поэтический вечер, посвященный творчеству Мусы Джалиля.

«Җәлил укулары» «Туфан укулары»

«Джалиловские чтения»«Туфановскиечтения»

Минем һәм тәрбияләнүчеләремнең уңышлары

Адрес публикации: https://www.prodlenka.org/metodicheskie-razrabotki/461133-ja-master-svoego-dela